'ಬುಗಾಟಿ ಕೈರಾನ್' ವಿಶ್ವದ ಅತಿ ವೇಗದ ಕಾರು; ವೇಗ ಎಷ್ಟು?

ಜಿನೆವಾದಲ್ಲಿ ಶಕ್ತಿ ಪ್ರದರ್ಶನ ನಡೆಸಿರುವ ಬುಗಾಟಿ ಕೈರಾನ್, 8.0 ಲೀಟರ್ ಕ್ವಾಡ್ ಟರ್ಬೊ ಡಬ್ಲ್ಯು16 ಎಂಜಿನ್ ನಿಂದ ನಿಯಂತ್ರಿಸಲ್ಪಡಲಿದೆ.

ಅಂತೆಯೇ ಜಗತ್ತಿನ ಅತ್ಯಂತ ಶಕ್ತಿಶಾಲಿ ಸಾಲಿನಲ್ಲಿ ಗುರುತಿಸಿಕೊಳ್ಳಲಿರುವ ಬುಗಾಟಿ ಕೈರಾನ್, ಬರೋಬ್ಬರಿ 1479 ಅಶ್ವಶಕ್ತಿಯನ್ನು ಉತ್ಪಾದಿಸಲಿದೆ. ಹಾಗೆಯೇ 1600 ಎನ್ ಎಂ ತಿರುಗುಬಲ ಇದರಲ್ಲಿದೆ.

ಕೇವಲ 2.5 ಸೆಕೆಂಡುಗಳಲ್ಲೇ ಗಂಟೆಗೆ 0-100 ಕೀ.ಮೀ. ವೇಗವರ್ಧಿಸುವ ಸಾಮರ್ಥ್ಯ ಹೊಂದಿರುವ ಬುಗಾಟಿ ಕೈರಾನ್, 6.5 ಹಾಗೂ 13.6 ಸೆಕೆಂಡುಗಳಲ್ಲೇ ಅನುಕ್ರಮವಾಗಿ ಗಂಟೆಗೆ 200 ಹಾಗೂ 300 ಕೀ.ಮೀ. ಗಳನ್ನು ಕ್ರಮಿಸಲಿದೆ.

ವಿಶ್ವದ ಅತಿ ವೇಗದ ರಸ್ತೆ ಕಾರು ಎಂಬ ಕೀರ್ತಿಗೆ ಪಾತ್ರವಾಗಿರುವ ಬುಗಾಟಿ ಕೈರಾನ್ ಗಂಟೆಗೆ ಗರಿಷ್ಠ 420 ಕೀ.ಮೀ. ವೇಗದಲ್ಲಿ ಸಂಚರಿಸಲಿದೆ.

ನೂತನ ಬುಗಾಟಿ ಕೈರಾನ್ ಫೋರ್ ವೀಲ್ ಹಾಗೂ ಡ್ಯುಯಲ್ ಕ್ಲಚ್ ಗೇರ್ ಬಾಕ್ಸ್ ಮುಖಾಂತರ ಎಲ್ಲ ನಾಲ್ಕು ಚಕ್ರಗಳಿಗೂ ಶಕ್ತಿ ರವಾನಿಸಲಿದೆ.

ಅಲ್ಲದೆ ಅತಿ ಹೆಚ್ಚು ಕಾರ್ಬನ್ ಫೈಬರ್ ಪರಿಕರಗಳ ಮೂಲಕ ಭಾರವನ್ನು ಕಡಿತಗೊಳಿಸಲಾಗಿದೆ.

ಐದು ಚಾಲನಾ ವಿಧಗಳು- ಲಿಫ್ಟ್, ಆಟೋ, ಆಟೋಬಾನ್, ಹ್ಯಾಂಡ್ಲಿಂಗ್ ಮತ್ತು ಟಾಪ್ ಸ್ಪೀಡ್

ವಿನ್ಯಾಸದ ಬಗ್ಗೆ ಮಾತನಾಡುವುದಾದ್ದಲ್ಲಿ ಕಳೆದ ವರ್ಷ ಫ್ರಾಂಕ್ ಫರ್ಟ್ ಮೋಟಾರ್ ಶೋದಲ್ಲಿ ಪ್ರದರ್ಶಿಸಲಾದ ಬುಗಾಟಿ ವಿಷನ್ ಗ್ರ್ಯಾನ್ ಟರಿಸ್ಮೊ ಕಾನ್ಸೆಪ್ಟ್ ಕಾರಿನಿಂದ ಪ್ರೇರಣೆ ಪಡೆಯಲಾಗಿದೆ.

ಮುಂಭಾಗದಲ್ಲಿ ಬುಗಾಟಿ ಟ್ರೇಡ್ ಮಾರ್ಕ್ ಬುಗಾಟಿ ಗ್ರಿಲ್, ಎಲ್ ಇಡಿ ಹೆಡ್ ಲ್ಯಾಂಪ್ ಪ್ರಮುಖ ಆಕರ್ಷಣೆಯಾಗಲಿದೆ.