ನೋಟು ಎಫೆಕ್ಟ್; ವಾಹನ ಮಾರಾಟ, ಉತ್ಪಾದನೆ ಕುಂಠಿತ

ದೇಶದ ಎರಡನೇ ಅತಿ ದೊಡ್ಡ ದ್ವಿಚಕ್ರ ವಾಹನ ಸಂಸ್ಥೆಯಾಗಿರುವ ಹೋಂಡಾ ಮೋಟಾರ್ ಸೈಕಲ್ ಆಂಡ್ ಸ್ಕೂಟರ್ ಇಂಡಿಯಾ ಸಂಸ್ಥೆಯು ನಿರ್ಮಾಣವನ್ನು ಇಳಿಕೆಗೊಳಿಸಿದೆ ಎಂಬುದನ್ನು ಮೂಲಗಳು ಖಚಿತಪಡಿಸಿದೆ.

ನೋಟು ನಿಷೇಧದಿಂದಾಗಿ ಬೇಡಿಕೆ ಇಳಿಮುಖವಾಗಿದ್ದು, ಇದರಿಂದಾಗಿ ಉತ್ಪಾದನಾ ರಹಿತ ದಿನವಾಗಿ ಪರಿವರ್ತನೆಗೊಳಿಸುವ ಬದಲು ನಿರ್ಮಾಣ ಸಾಮರ್ಥ್ಯವನ್ನು ಕಡಿಮೆ ಮಾಡುವ ಮೂಲಕ ಸಮತೋಲವನ್ನು ಕಾಪಾಡಿಕೊಳ್ಳುತ್ತಿದೆ.

ಹಳೆಯ ನೋಟು ನಿಷೇಧದಿಂದ ವಾಹನ ಮಾರಾಟ ಕ್ಷೀಣವಾಗಿದೆ. ಈ ನಿಧಾನ ಮಾರಾಟ ಪ್ರಕ್ರಿಯೆಯನ್ನು ಸಮತೋಲನದಲ್ಲಿಡಲು ಉತ್ಪಾದನೆಯನ್ನು ಕಡಿಮೆ ಮಾಡಲು ಪ್ರಮುಖ ಸಂಸ್ಥೆಗಳು ನಿರ್ಧರಿಸಿದೆ.

ಮಾರಾಟದೊಂದಿಗೆ ಹೊಂದಿಕೊಳ್ಳಲು ಹೋಂಡಾ ಕಾರ್ಸ್ ಇಂಡಿಯಾ ಸಂಸ್ಥೆಯು ಸಹ ಇದೇ ನೀತಿಯನ್ನು ಅನುಸರಿಸುತ್ತಿದೆ. ಅಷ್ಟೇ ಯಾಕೆ ಈ ತಿಂಗಳ ಬುಕ್ಕಿಂಗ್ ನಲ್ಲಿ ಶೇಕಡಾ 40ರಷ್ಟು ಇಳಿಕೆಯುಂಟಾಗಿದೆ ಎಂಬುದನ್ನು ಸ್ಪಷ್ಟಪಡಿಸಿದೆ.

ಹಾಗಿದ್ದರೂ ಈ ಬಗ್ಗೆ ದೇಶದ ಅಗ್ರ ಸಂಸ್ಥೆಗಳಾದ ಮಾರುತಿ ಮತ್ತು ಹ್ಯುಂಡೈ ಯಾವುದೇ ಪ್ರತಿಕ್ರಿಯೆಯನ್ನು ನೀಡಿಲ್ಲ. ಆದರೆ ಡೀಲರುಗಳನ್ನು ಸಂಪರ್ಕಿಸಿದಾಗ ಮಾರಾಟ ಕುಸಿತವಾಗಿರುವುದನ್ನು ಖಚಿತಪಡಿಸಿದೆ.

ಹೀರೊ ಮೊಟೊಕಾರ್ಪ್ ಸಹ ಮಾರಾಟ ಇಳಿಕೆಯನ್ನು ಒಪ್ಪಿಕೊಂಡಿದ್ದು, ಕ್ರಮೇಣ ದುಡ್ಡಿನ ಒಳ ಹರಿವು ಸಹಜ ಸ್ಥಿತಿಗೆ ತಲುಪಿದಾಗ ಎಲ್ಲವೂ ಸರಿ ಹೋಗಲಿದೆ ಎಂಬ ಆತ್ಮವಿಶ್ವಾಸವನ್ನು ವ್ಯಕ್ತಪಡಿಸಿದೆ.

ಇನ್ನೊಂದೆಡೆ ಬೇಡಿಕೆ ಕುಸಿದಿರುವ ಹಿನ್ನಲೆಯಲ್ಲಿ ಡೈಮ್ಲರ್ ಎಜಿ ಸಂಸ್ಥೆಯು ಕಳೆದ ವಾರದಲ್ಲಿ ಮೂರು ದಿನಗಳ ಕಾಲ ರಜೆ ಘೋಷಿಸಿದೆ. ಪ್ರಸಕ್ತ ವಾರದಲ್ಲೂ ಇದೇ ನೀತಿಯನ್ನು ಮುಂದುವರಿ

ಸುವ ಯೋಜನೆಯನ್ನಿಟ್ಟುಕೊಂಡಿದೆ.

ಅತ್ತ ರೆನೊ ಮತ್ತು ನಿಸ್ಸಾನ್ ಸಂಸ್ಥೆಗಳು ಚೆನ್ನೈ ಓರಗಡಂ ಘಟಕದಲ್ಲಿನ ಮೂರನೇ ಸರದಿಯ ನಿರ್ಮಾಣಕ್ಕೆ ಬ್ರೇಕ್ ಹಾಕಿದೆ.

ಹೊಸ ವರ್ಷಕ್ಕೆ ಇನ್ನೊಂದು ತಿಂಗಳು ಮಾತ್ರ ಬಾಕಿ ಉಳಿದಿರುವಂತೆಯೇ 2016 ಮಾಡೆಲ್ ಗಳ ದಾಸ್ತಾನುಗಳಿನ್ನಿಡಲು ಕಂಪನಿಯಾಗಲಿ ಅಥವಾ ಡೀಲರುಗಳಾಗಲಿ ಬಯಸುತ್ತಿಲ್ಲ. ಯಾಕೆಂದರೆ ಇದು ಹೊಸ ಮತ್ತೆ ಮಾರಾಟದ ಮೇಲೆ ಪರಿಣಾಮ ಬೀರಲಿದೆ.

ಸೆಕೆಂಡ್ ಹ್ಯಾಂಡ್ ವಾಹನ ಮಾರುಕಟ್ಟೆ ಮತ್ತು ಬಿಡಿಭಾಗಗಳ ಮಾರಾಟದಲ್ಲೂ ಗಣನೀಯವಾದ ಇಳಿಕೆಯಾಗಿದೆ. ಪ್ರಸ್ತುತ ಸ್ಥಿತಿಯೂ ಆರೋಗ್ಯಕರವಲ್ಲ ಎಂಬುದನ್ನು ವಾಹನ ವಿಶ್ಲೇಷಕರು ಬಹಿರಂಗಪಡಿಸಿದ್ದಾರೆ.