ವಿಮಾನಯಾನಕ್ಕೆ ಗೌರವ; ಲಂಬೋ ಹ್ಯುರಕನ್ ಎವಿಯೊ ಸೀಮಿತ ಆವೃತ್ತಿ ಬಿಡುಗಡೆ

ಪ್ರಸಕ್ತ ಸಾಲಿನಲ್ಲಿ ನಡೆದ ಜಿನೆವಾ ಮೋಟಾರು ಶೋದಲ್ಲಿ ಮೊದಲ ಬಾರಿಗೆ ಪ್ರದರ್ಶನ ಕಂಡಿರುವ ಲಂಬೋರ್ಗಿನಿ ಹ್ಯುರಕನ್ ಎವಿಯೊ ಸೀಮಿತ 250 ಯುನಿಟ್ ಗಳಷ್ಟು ಮಾತ್ರ ನಿರ್ಮಾಣವಾಗಲಿದೆ.

ನೂತನ ಕಾರಿನಲ್ಲಿ ಎಲ್63 ಲಾಂಛನವು ಪ್ರಮುಖ ವೈಶಿಷ್ಟ್ಯವಾಗಿರಲಿದೆ. ಇಲ್ಲಿ ಎಲ್ ಎಂಬುದು ಲಂಬೋರ್ಗಿನಿ ಹಾಗೂ 63 ಎಂಬುದು ಸಂಸ್ಥೆಯು ಸ್ಥಾಪನೆಗೊಂಡ ಇಸವಿಯನ್ನು ಸೂಚಿಸುತ್ತದೆ.

ಐದು ಆಕರ್ಷಕ ಬಣ್ಣಗಳಲ್ಲಿ ದೊರೆಯಲಿದೆ. ಅವುಗಳೆಂದರೆ ಗ್ರೆಗಿಯೊ ಫಾಲ್ಗೊ ಜೊತೆ ಪಿಯರ್ಲ್ ಸೆಂಟ್ ಫಿನಿಶ್, ಬ್ಲೂ ಗ್ರಿಫೊ, ಗ್ರೆಗಿಯೊ ನಿಬ್ಬಿಯೊ, ಗ್ರೆಗಿಯೊ ವೋಲ್ಕನೋ ಮತ್ತು ವೆರ್ಡೆ ಟರ್ಬೈನ್.

ಇಟಲಿಯ ಸೂಪರ್ ಕಾರು ತಯಾರಕ ಆ್ಯಡ್ ಪರ್ಸನಮ್ ಕಸ್ಟಮೈಸ್ಡ್ ಪ್ರೋಗ್ರಾಂ ಮುಖಾಂತರ ವಿಶೇಷವಾಗಿ ಮಾರ್ಪಾಡುಗೊಳಿಸುವ ಅವಕಾಶವೂ ಇರುತ್ತದೆ.

ಅಂದ ಹಾಗೆ ಹ್ಯುರಕನ್ ಎಲ್ ಪಿ 610-4 ಕೂಪೆ ಹಾಗೂ ಸ್ಪೈಡರ್ ಮಾದರಿಗೆ ಸಮಾನವಾದ ಎಂಜಿನ್ ನಿಂದ ನಿಯಂತ್ರಿಸಲ್ಪಡಲಿದೆ. ಇದರಲ್ಲಿರುವ 5.2 ಲೀಟರ್ ವಿ10 ಎಂಜಿನ್ 560 ಎನ್ ಎಂ ತಿರುಗುಬಲದಲ್ಲಿ 602 ಅಶ್ವಶಕ್ತಿಯನ್ನು ಉತ್ಪಾದಿಸಲಿದೆ.

ಅಲ್ಲದೆ 3.2 ಸೆಕೆಂಡುಗಳಲ್ಲೇ ಗಂಟೆಗೆ 0-100 ಕೀ.ಮೀ. ವೇಗ ಹಾಗೂ ಗಂಟೆಗೆ ಗರಿಷ್ಠ 325 ಕೀ.ಮೀ. ವೇಗವನ್ನು ಕಾಪಾಡಿಕೊಳ್ಳಲಿದೆ.