ಮಹೀಂದ್ರ ನೂತನ ಎಲೆಕ್ಟ್ರಿಕ್ ಕಾರಿಗೆ ಹೊಸ ನಾಮಕರಣ

ದೇಶದ ನಂ.1 ಎಲೆಕ್ಟ್ರಿಕ್ ನಿರ್ಮಾಣ ಸಂಸ್ಥೆ ಎಂಬ ಪದವಿ ಆಲಂಕರಿಸಿಕೊಂಡಿರುವ ಮಹೀಂದ್ರದ ನೂತನ ಎಲೆಕ್ಟ್ರಿಕ್ ವಾಹನ ಇ2ಒ ಪ್ಲಸ್ ಎಂಬ ಹೊಸ ನಾಮಕರಣವನ್ನು ಪಡೆದಿದೆ.

ಇಲ್ಲಿ ಇ2ಒ ಎಂಬುದು ಆಮ್ಲಜನಕ ಶಕ್ತಿಯ ಸೂಚಕವಾದರೆ ಪ್ಲಸ್ ಎಂಬುದು ಗ್ರಾಹಕರಿಗೆ ಸಂಸ್ಥೆಯ ಧನಾತ್ಮಕ ಪರಿಣಾಮವನ್ನು ಬೀರಲಿದೆ.

ಅತಿ ಶೀಘ್ರದಲ್ಲೇ ಮಹೀಂದ್ರ ಇ2ಒ ಪ್ಲಸ್ ಎಲೆಕ್ಟ್ರಿಕ್ ವಾಹನ ಬಿಡುಗಡೆಯಾಗಲಿದೆ. ಇದು ಶೈಲಿಯಿಂದ ಹಿಡಿದು ಚಾರ್ಜಿಂಗ್ ವರೆಗೆ ಹಿಂದಿನ ಮಾದರಿಗಿಂತಲೂ ಹೆಚ್ಚು ಪ್ರಭಾವಶಾಲಿ ಎನಿಸಿಕೊಂಡಿದೆ.

ಶೂನ್ಯ ಮಾಲಿನ್ಯ, ಸುಲಭ ಚಾಲನೆ, ಕಡಿಮೆ ಚಾಲನೆ ವೆಚ್ಚ, ಮನೆಯಲ್ಲೇ ಚಾರ್ಜಿಂಗ್ ಹೀಗೆ ಒಂದಲ್ಲ ಎರಡಲ್ಲ ಅನೇಕ ಗುಣಗಳನ್ನು ಮಹೀಂದ್ರ ಎಲೆಕ್ಟ್ರಿಕ್ ಕಾರಿನೊಂದಿಗೆ ಲಭ್ಯವಾಗಲಿದೆ.

ಎಲೆಕ್ಟ್ರಿಕ್ ವಾಹನ ವಿಭಾಗದಲ್ಲಿ ನೂತನ ಕಾರು ಗೇಮ್ ಚೇಂಜರ್ ಎನಿಸಿಕೊಳ್ಳಲಿದೆ ಎಂಬ ನಂಬಿಕೆಯನ್ನು ಸಂಸ್ಥೆ ವ್ಯಕ್ತಪಡಿಸಿದೆ.

ಭಾರತದಲ್ಲಿ ಹೆಚ್ಚುತ್ತಿರುವ ಮಾಲಿನ್ಯ ಮಟ್ಟ ಹಾಗೂ ವಾಹನ ದಟ್ಟಣೆಯನ್ನು ಪರಿಗಣಿಸಿದಾಗ ಮಹೀಂದ್ರ ಎಲೆಕ್ಟ್ರಿಕ್ ವಾಹನ ಸೂಕ್ತ ಆಯ್ಕೆಯಾಗಿರಲಿದೆ.

ಮುಂದಿನ ತಲೆಮಾರಿನ ಎಲೆಕ್ಟ್ರಿಕ್ ಕಾರಾಗಿರುವ ಇ2ಒ ಪ್ಲಸ್ ಸ್ಟೈಲಿಷ್ ಹೊರಮೈ ಹಾಗೂ ಒಳಮೈಯಲ್ಲಿ ಗರಿಷ್ಠ ವೈಶಿಷ್ಟ್ಯಗಳನ್ನು ಪಡೆದುಕೊಂಡಿದೆ.