ಢಿಕ್ಕಿ ಪರೀಕ್ಷೆ; ಮಾರುತಿ ಬಲೆನೊ ಖರೀದಿಗೆ ಎಷ್ಟು ಸುರಕ್ಷಿತ ?

ಕಾರಿನ ಭದ್ರತಾ ಮಟ್ಟವನ್ನು ಗ್ರಾಹಕರಿಗೆ ಸುಲಭವಾಗಿ ಗುರುತಿಸಲು ಸಾಧ್ಯವಾಗುವುದಕ್ಕಾಗಿ ಗರಿಷ್ಠ ಫೈವ್ ಸ್ಟಾರ್ ರೇಟಿಂಗ್ ಗಳನ್ನು ನೀಡಲಾಗುತ್ತದೆ. ಅಂದರೆ ಮೂರು ಸ್ಟಾರ್ ರೇಟಿಂಗ್ ಪಡೆದ್ದಲ್ಲಿ ಸರಾಸರಿ ಅತ್ಯುತ್ತಮ ಪ್ರಯಾಣಿಕ ರಕ್ಷಣೆಯನ್ನು ಪಡೆದಿದೆ ಎಂಬುದನ್ನು ಖಾತ್ರಿಪಡಿಸಬಹುದಾಗಿದೆ.

ಯುರೋ ಎನ್ ಸಿಎಪಿ ನಡೆಸಿರುವ ಮುಂಭಾಗದ ಢಿಕ್ಕಿ ಪರೀಕ್ಷೆಯಲ್ಲಿ ಬಲೆನೊ ಸ್ಥಿರವಾಗಿ ನಿಂತಿದೆ. ಈ ಮೂಲಕ ಚಾಲಕ ಮತ್ತು ಪ್ರಯಾಣಿಕರಿಬ್ಬರ ಮೊಣಕಾಲು ಮತ್ತು ಮಂಡಿಗೆ ಅತ್ಯುತ್ತಮ ರಕ್ಷಣೆಯನ್ನು ಒದಗಿಸಿರುವುದು ಮಾನವ ಪ್ರತಿರೂಪದ ಢಿಕ್ಕಿ ಪರೀಕ್ಷೆಯಲ್ಲಿ ಕಂಡುಬಂದಿದೆ.

ಪೂರ್ಣ ಅಗಲವಾದ ಕಠಿಣವಾದ ಢಿಕ್ಕಿ ಪರೀಕ್ಷೆಯಲ್ಲೂ ಎದೆಯ ಭಾಗ ಹೊರತಾಗಿ ಬೇಕಾದಷ್ಟು ರಕ್ಷಣೆಯನ್ನು ಒದಗಿಸುವಲ್ಲಿ ಬಲೆನೊ ಯಶಸ್ವಿಯಾಗಿದೆ.

ಬದಿ ಭಾಗದ ಢಿಕ್ಕಿ ಪರೀಕ್ಷೆಯಲ್ಲೂ ಅತ್ಯುತ್ತಮ ಸುರಕ್ಷತೆಯನ್ನು ಒದಗಿಸಿತ್ತಾದರೂ ಬದಿಯಲ್ಲಿರುವ ಕರ್ಟೈನ್ ಏರ್ ಬ್ಯಾಗ್ ಗಳು ಸರಿಯಾಗಿ ತೆರೆದುಕೊಳ್ಳದೇ ಇರುವುದರಿಂದ ತಲೆಗೆ ಪೆಟ್ಟಾಗಿರುವ ಘಟನೆ ಸಂಭವಿಸಿದೆ.

ಹಿಂಭಾಗದ ಢಿಕ್ಕಿ ಪರೀಕ್ಷೆಯಲ್ಲೂ ಫ್ರಂಟ್ ಸೀಟು ಮತ್ತು ತಲೆ ಪ್ರತಿಬಂಧದಲ್ಲಿ ಅತ್ಯುತ್ತಮ ರಕ್ಷಣೆಯನ್ನು ಒದಗಿಸಿದೆ. ಹಿಂಭಾಗದ ಸೀಟುಗಳಲ್ಲೂ ಪ್ರಯಾಣಿಕರು ಸುರಕ್ಷಿತವಾಗಿದ್ದಾರೆ.

ಅದೇ ಹೊತ್ತಿಗೆ ರಾಡಾರ್ ಬ್ರೇಕ್ ಸರ್ಪೋಟ್ ಪಡೆದ ಬಲೆನೊ ಪ್ರೀಮಿಯಂ ಹ್ಯಾಚ್ ಬ್ಯಾಕ್ ಕಾರು ನಾಲ್ಕು ಸೇಫ್ಟಿ ರಾಂಕಿಂಗ್ ಗಳನ್ನು ಪಡೆದಿದೆ. ಈ ಮೂಲಕ ಅತ್ಯುತ್ತಮ ಪ್ರದರ್ಶನ ಮುಂದುವರಿಸಿದೆ.

ಇದೇ ಮೊದಲ ಬಾರಿಗೆ ಸುಜುಕಿ ಸಂಸ್ಥೆಯು ಭಾರತದಲ್ಲಿ ಉತ್ಪಾದಿಸಿದ ಕಾರನ್ನು ತವರೂರಿನ ಮಾರುಕಟ್ಟೆಯಲ್ಲಿ ಮಾರಾಟ ಮಾಡುತ್ತಿದೆ. ಇವೆಲ್ಲದರ ಶ್ರೇಯಸ್ಸು ಬಲೆನೊಗೆ ಸಲ್ಲುತ್ತದೆ. ಕಳೆದ ವರ್ಷ ಭಾರತಕ್ಕೆ ಪ್ರವೇಶಿಸಿರುವ ಬಲೆನೊ ಸಂಸ್ಥೆಯ ಮಾನೇಸರ್ ಘಟಕದಲ್ಲಿ ನಿರ್ಮಾಣವಾಗುತ್ತಿದೆ.