ಮರ್ಸಿಡಿಸ್ ಬೆಂಝ್ ಎಸ್-ಕ್ಲಾಸ್ ಕೂಪೆ 'ನೈಟ್ ಎಡಿಷನ್'

ಮರ್ಸಿಡಿಸ್ ಬೆಂಝ್ ಎಸ್ ಕ್ಲಾಸ್ ಕೂಪೆ ನೈಟ್ ಎಡಿಷನ್ ಕಾರು 2017 ಜನವರಿ ತಿಂಗಳಲ್ಲಿ ನಡೆಯಲಿರುವ ಡೆಟ್ರಾಯ್ಟ್ ಆಟೋ ಶೋದಲ್ಲಿ ಅನಾವರಣಗೊಳ್ಳಲಿದೆ.

ಬಳಿಕ ಎಪ್ರಿಲ್ ತಿಂಗಳಲ್ಲಿ ಯುರೋಪ್ ಮಾರುಕಟ್ಟೆಯನ್ನು ಹಾಗೂ ಆಗಸ್ಟ್ ತಿಂಗಳಲ್ಲಿ ಅಮೆರಿಕ ಮಾರುಕಟ್ಟೆಯನ್ನು ಪ್ರವೇಶ ಪಡೆಯಲಿದೆ.

ಹಾಗಿದ್ದರೂ ಬೆಂಝ್ ಎಸ್ ಕ್ಲಾಸ್ ಕೂಪೆ ನೈಟ್ ಎಡಿಷನ್ ಕಾರು ಎಷ್ಟು ದುಬಾರಿಯಾಗಲಿದೆ ಎಂಬುದು ತಿಳಿದು ಬಂದಿಲ್ಲ. 2017 ಜನವರಿ 09ರ ವೇಳೆಯಲ್ಲಷ್ಟೇ ಈ ಬಗ್ಗೆ ಮಾಹಿತಿ ಸಿಗಲಿದೆ.

ಕಾರಿನ ಮುಂಭಾಗದಲ್ಲಿ ಎಎಂಜಿ ಸ್ಪೂರ್ತಿ ಪಡೆದ ಸಿಂಗಲ್ ಸ್ಲೇಟ್ ಫ್ರಂಟ್ ಗ್ರಿಲ್ ಕಂಡುಬರಲಿದೆ. ಹಿಂದುಗಡೆ ಬಂಪರ್ ಸಹ ಎಎಂಜಿ ಸಂಯೋಜನೆ ಪಡೆಯಲಿದೆ.

20 ಇಂಚುಗಳ ಮಲ್ಟಿ ಸ್ಪೋಕ್ ಅಲಾಯ್ ಚಕ್ರಗಳು ಸಹ ಇಲ್ಲಿ ಕಂಡುಬಂದಿರುವ ಪ್ರಮುಖ ಆಕರ್ಷಣೆಯಾಗಿದೆ. ಗ್ಲೋಸ್ ಬ್ಲ್ಯಾಕ್ ಸ್ಪರ್ಶವನ್ನು ಇಲ್ಲಿ ಕೊಡಲಾಗಿದೆ.

ನೂತನ ಕಾರಿನಲ್ಲಿ ನೈಟ್ ಎಡಿಷನ್ ಲಾಂಛನ ಎದ್ದು ಕಾಣಿಸಲಿದೆ. ಇನ್ನು ಐಚ್ಛಿಕ ಸೆಲೆನೈಟ್ ಗ್ರೇ ಮ್ಯಾಗ್ನೊ ಬಣ್ಣದ ಆಯ್ಕೆಯೂ ಇರುತ್ತದೆ.

ಕಾರಿನೊಳಗೂ ಕಪ್ಪು ವರ್ಣದ ಥೀಮ್ ಕಂಡುಬರಲಿದೆ. ಎಎಂಜಿ ಸ್ಟೀರಿಂಗ್ ವೀಲ್ ಜೊತೆಗೆ ನಪ್ಪಾ ಲೆಥರ್ ಹೋದಿಕೆಯು ಇದರಲ್ಲಿರುತ್ತದೆ.

ನಪ್ಪಾ ಲೆಥರ್ ಹೋದಿಕೆಯು ವಿವಿಧ ಬಣ್ಣಗಳ ಸಂಯೋಜನೆಯನ್ನು ಕಾಣಬಹುದಾಗಿದೆ. ಗ್ರಾಹಕರ ಆಸಕ್ತಿಗೆ ಇಲ್ಲಿ ವಿಶೇಷ ಗಮನ ಕೊಡಲಾಗುವುದು.

ಇವುಗಳಲ್ಲಿ ಬ್ಲ್ಯಾಕ್/ಬ್ಲ್ಯಾಕ್, ಗ್ರೇ/ಬ್ಲ್ಯಾಕ್, ರೆಡ್/ಬ್ಲ್ಯಾಕ್ ಜೊತೆಗೆ ಹೈ ಗ್ಲೋಸ್ ಬ್ಲ್ಯಾಕ್ ವುಡ್ ಆಯ್ಕೆಯೂ ಇರುತ್ತದೆ.

ಮರ್ಸಿಡಿಸ್ ಬೆಂಝ್ ಎಸ್ ಕ್ಲಾಸ್ ಕಾರಿನ ಜನಪ್ರಿಯ ಎಸ್400 4 ಮ್ಯಾಟಿಕ್, ಎಸ್500 ಮತ್ತು ಎಸ್500 4ಮ್ಯಾಟಿಕ್ ವೆರಿಯಂಟ್ ಗಳಲ್ಲಿ ನೈಟ್ ಎಡಿಷನ್ ಸೌಲಭ್ಯಗಳು ಲಭ್ಯವಾಗಲಿದೆ.

ಇನ್ನು 367 ಅಶ್ವಶಕ್ತಿ ಉತ್ಪಾದಿಸುವ ವಿ6 3.0 ಲೀಟರ್ ಎಂಜಿನ್ ಮತ್ತು 455 ಅಶ್ವಶಕ್ತಿ ಉತ್ಪಾದಿಸಬಲ್ಲ ವಿ8 4.7 ಲೀಟರ್ ಎಂಜಿನ್ ಆಯ್ಕೆಗಳು ಇರುತ್ತದೆ.