ಸನ್ ಮೊಬಿಲಿಟಿ ಜೊತೆಗೂಡಿ ಎಲೆಕ್ಟ್ರಿಕ್ ಬಸ್ ನಿರ್ಮಿಸಿದ ಅಶೋಕ್ ಲೈಲ್ಯಾಂಡ್

ಈಗಾಗಲೇ ಪೆಟ್ರೋಲ್, ಡಿಸೇಲ್ ಮತ್ತು ಹೈಬ್ರಿಡ್ ಬಸ್‌ಗಳ ನಿರ್ಮಾಣದಲ್ಲಿ ಯಶಸ್ಸು ಸಾಧಿಸಿರುವ ಅಶೋಕ್ ಲೈಲ್ಯಾಂಡ್, ಈ ಬಾರಿ ಸನ್ ಮೊಬಿಲಿಟಿ ಜೊತೆಗೂಡಿ ವಿನೂತನ ಎಲೆಕ್ಟ್ರಿಕ್ ಮಾದರಿಯೊಂದನ್ನು ಪರಿಚಯಿಸುತ್ತಿದೆ.

ಅಶೋಕ್ ಲೈಲ್ಯಾಂಡ್ ಬಸ್‌ಗಳಲ್ಲಿನ ಎಲೆಕ್ಟ್ರಿಕ್ ಎಂಜಿನ್‌‌ಗಳನ್ನು ಸನ್ ಮೊಬಿಲಿಟಿ ಒದಗಿಸಲಿದ್ದು, ಬಸ್ ನಿಲ್ದಾಣಗಳಲ್ಲೂ ಸಹ ಅಗತ್ಯ ಚಾರ್ಜಿಂಗ್ ಸ್ಟೇಷನ್‌ಗಳನ್ನು ಕೂಡಾ ಸನ್ ಮೊಬಿಲಿಟಿ ನಿರ್ಮಾಣ ಮಾಡಲಿದೆ.

ಡಿಸೇಲ್ ಮತ್ತು ಪೆಟ್ರೋಲ್ ಸ್ಟೆೇಷನ್‌ಗಳಿಂತ ಮೊಬಿಲಿಟಿ ಎಲೆಕ್ಟ್ರಿಕ್ ಚಾರ್ಜಿಂಗ್ ಸ್ಟೇಷನ್‌ಗಳು ಅತಿ ಕಡಿತ ವೆಚ್ಚದಲ್ಲಿ ನಿರ್ಮಾಣಗೊಳ್ಳಲಿದ್ದು, ಇವು ಕಡಿಮೆ ಅವಧಿಯಲ್ಲಿ ಚಾರ್ಜಿಂಗ್ ಪಡೆದುಕೊಳ್ಳುವ ಗುಣಹೊಂದಿವೆ.

ಹೀಗಾಗಿ ಎಲೆಕ್ಟ್ರಿಕ್ ಬಸ್‌ಗಳ ಸಂಚಾರಕ್ಕೆ ಅಗತ್ಯ ನೆರವು ಸನ್ ಮೊಬಿಲಿಟಿಯಿಂದ ಸಿಗಲಿದ್ದು, ಅಂದುಕೊಂಡತೆ ಆದಲ್ಲಿ ಸದ್ಯದಲ್ಲೇ ಹೊಸ ನಮೂನೆಯ ಎಲೆಕ್ಟ್ರಿಕ್ ಬಸ್‌ಗಳು ರಸ್ತೆಗಿಳಿಯಲಿವೆ.

ಇದಲ್ಲದೇ ಎಲೆಕ್ಟ್ರಿಕ್ ಬಸ್‌ಗಳ ನಿರ್ಮಾಣಕ್ಕಾಗಿ ದೇಶಿಯ ತಂತ್ರಜ್ಞಾನವನ್ನೇ ಬಳಕೆ ಮಾಡಲು ನಿರ್ಧರಿಸುವ ಅಶೋಕ್ ಲೈಲ್ಯಾಂಡ್, ಮಹೀಂದ್ರಾ ಮತ್ತು ಟಾಟಾ ಸಂಸ್ಥೆಗಳು, ಯಾವುದೇ ಬಹುರಾಷ್ಟ್ರೀಯ ಕಂಪನಿಗಳ ಜೊತೆ ಒಪ್ಪಂದಕ್ಕೂ ಮುಂದಾಗದಿರುವುದು ಮತ್ತೊಂದು ವಿಶೇಷ.

ಡ್ರೈವ್ ಸ್ಪಾರ್ಕ್ ಅಭಿಪ್ರಾಯ

ಪರಿಸರ ಮಾಲಿನ್ಯ ತಡೆಗೆ ಪೂರಕವಾಗಿ ಅಶೋಕ್ ಲೈಲ್ಯಾಂಡ್ ಯೋಜನೆಗಳು ಪ್ರಮುಖವಾಗಿದ್ದು, ಮುಂಬರುವ ದಿನಗಳಲ್ಲಿ ಎಲೆಕ್ಟ್ರಿಕ್ ಬಸ್‌ಗಳ ಉತ್ಪಾದನೆ ಕೂಡಾ ಹೆಚ್ಚುವ ನೀರಿಕ್ಷೆಯಿದೆ.