ಭಾರತದಲ್ಲಿ ಒಂದು ಲಕ್ಷ ಉತ್ಪಾದನಾ ಮೈಲಿಗಲ್ಲನ್ನು ತಲುಪಿದ ಡಾಟ್ಸನ್ ಕಾರು

ಹೌದು, ಕಳೆದ 2014ರ ಫೆಬ್ರವರಿಯಲ್ಲಿ ಉತ್ಪಾದನೆ ಪ್ರಾರಂಭವಾದಾಗಿನಿಂದ ಇಲ್ಲಿಯವರೆಗೆ ಕಂಪೆನಿಯು 100,000 ಲಕ್ಷ ಡಾಟ್ಸನ್ ಮತ್ತು ರೆಡಿ-ಗೊ 1.0 ಕಾರು ಸೇರಿದಂತೆ ಭಾರತದಲ್ಲಿರುವ ಉತ್ಪಾದನಾ ಘಟಕದಿಂದ ತಯಾರು ಮಾಡಿರುವ ಶ್ರೇಯಸ್ಸನ್ನು ಪಡೆದುಕೊಂಡಿದೆ.

ನಿಸ್ಸಾನ್ ಮೋಟಾರ್ ಇಂಡಿಯಾ ಸಂಸ್ಥೆಯ ಎಂ.ಡಿ ಆಗಿರುವಂತಹ ಕಾಲಿನ್ ಮ್ಯಾಕ್‌ಡೊನಾಲ್ಡ್ ಮತ್ತು ರೆನಾಲ್ಟ್ ನಿಸ್ಸಾನ್ ಆಟೊಮೋಟಿವ್ ಇಂಡಿಯಾ ಪ್ರೈವೇಟ್ ಸಂಸ್ಥೆಯ ಎಂ.ಡಿ ಮತ್ತು ಸಿಇಓ ಆಗಿರುವಂತಹ ಜೆರೋಮ್ ಸೈಗೋಟ್ ಅವರು ಒಂದು ಲಕ್ಷ ಮೈಲಿಗಲ್ಲಿನ ಕಾರನ್ನು ಅನಾವರಣಗೊಳಿಸಿದರು.

ಡಾಟ್ಸನ್ ಸಂಸ್ಥೆಯು, ಪ್ರಸ್ತುತ ರಿಡಿ-ಗೊ ಹ್ಯಾಚ್‌ಬ್ಯಾಕ್, ಗೊ ಹ್ಯಾಚ್‌ಬ್ಯಾಕ್ ಮತ್ತು ಗೋ+ ಕಾಂಪ್ಯಾಕ್ಟ್-ಎಂಪಿವಿಗಳನ್ನು ಭಾರತದಲ್ಲಿ ಮಾರಾಟ ಮಾಡುತ್ತಿದೆ. ಈ ಕಂಪನಿಯು ಭಾರತದಲ್ಲಿ ಉತ್ಪಾದಿಸುವ ಬಹುಪಾಲು ಕಾರುಗಳು ದಕ್ಷಿಣ ಆಫ್ರಿಕಾ, ನೇಪಾಳ ಮತ್ತು ಶ್ರೀಲಂಕಾ ದೇಶಗಳಿಗೆ ರಫ್ತಾಗುತ್ತವೆ.

ಸಂಖ್ಯೆಯ ಆಧಾರದ ಮೇಲೆ ಡಾಟ್ಸನ್ ಬ್ರಾಂಡ್ ಭಾರತೀಯ ಮಾರುಕಟ್ಟೆಯಲ್ಲಿ ದೊಡ್ಡ ಪ್ರಭಾವ ಬೀರಿಲ್ಲ ಎನ್ನಬಹುದು. ಹೀಗಿದ್ದರೂ ಸಹ ಇದು ದೇಶದಲ್ಲಿ ತನ್ನ ಸ್ಪರ್ಧಿಗಳಿಗಿಂತ ಹೆಚ್ಚು ವೇಗವಾಗಿ ಬೆಳೆಯುತ್ತಿದೆ ಎನ್ನಬಹುದು.

ರೆಡಿ-ಗೊ 1.0 ಲೀಟರ್ ಡಾಟ್ಸನ್ ಕಾರು ಸ್ಥಿರತೆಯ ವಿಚಾರದಲ್ಲಿ ಹೆಚ್ಚು ವಿಶ್ವಾಸವನ್ನು ಕಾಯ್ದುಕೊಂಡಿರುವ ಕಾರಾಗಿದ್ದು, ಜನಪ್ರಿಯವಾದ ರೆನಾಲ್ಟ್ ಕ್ವಿಡ್ 1.0-ಲೀಟರ್ ಕಾರಿನಲ್ಲಿ ಇರುವಂತಹ 3-ಸಿಲಿಂಡರ್ 68 ಬಿಎಚ್‌ಪಿ ಮತ್ತು 91 ಎನ್ಎಂ ಪೆಟ್ರೋಲ್ ಇಂಜಿನ್ ಹೊಂದಿದೆ.

ಭಾರತದಲ್ಲಿ ಶೇಕಡಾ 5 ಪ್ರತಿಶತದಷ್ಟು ಮಾರುಕಟ್ಟೆ ಪಾಲನ್ನು ಸಾಧಿಸಲು ಡಟ್ಸನ್/ನಿಸ್ಸಾನ್ ಕಂಪನಿಗಳ ಮಹತ್ವಾಕಾಂಕ್ಷೆಯ ಯೋಜನೆಯಾಗಿದ್ದು, ಕಂಪೆನಿಯ ಗೊ ಕ್ರಾಸ್ ಕಾರಿನೊಂದಿಗೆ ಈ ಗುರಿಯನ್ನು ಮುಟ್ಟುವ ಯೋಜನೆ ಹಾಕಿಕೊಂಡಿದೆ.