ವಾಹನಗಳ ಮೇಲಿನ ತೆರಿಗೆ ಹೆಚ್ಚಿಸಲು ಕೇಂದ್ರಕ್ಕೆ ಮನವಿ ಮಾಡಿದ ಮಹಾರಾಷ್ಟ್ರ ಸರ್ಕಾರ

ಈ ಹಿಂದೆ ಜಿಎಸ್‌ಟಿ ಜಾರಿಯಾದ ನಂತರ ಕಾರು ಖರೀದಿದಾರರು ಮತ್ತು ಉತ್ಪಾದಕರು ವಿವಿಧ ರೀತಿಯ ತೆರಿಗೆ ಪದ್ಧತಿಗಳಿಂದ ಮುಕ್ತಿ ಹೊಂದಿ ನಿಟ್ಟುಸಿರುವ ಬಿಟ್ಟಿದ್ದರು. ಆದ್ರೆ ಈ ಮಧ್ಯೆ ಮೋಟಾರ್ ವೆಹಿಕಲ್ಸ್ ಮೇಲಿನ ತೆರಿಗೆ ಹೆಚ್ಚಿಸುವಂತೆ ಮಹಾರಾಷ್ಟ್ರಾ ಸರ್ಕಾರ ಪಟ್ಟು ಹಿಡಿದಿದೆ.

ಈ ಸಂಬಂಧ ಮುಂಗಾರು ಅಧಿವೇಶನದಲ್ಲಿ ಹೊಸ ತೆರಿಗೆ ಪದ್ಧತಿ ಬಗ್ಗೆ ನಿಳುವಳಿ ಮಂಡಿಸಿರುವ ಮಹಾರಾಷ್ಟ್ರ ಸರ್ಕಾರವು, ವಾಹನ ಮೇಲಿನ ತೆರಿಗೆ ಹೆಚ್ಚಿಸುವುದರಿಂದ ಸಮಾಧಾನಕರ ರಾಜ್ಯಸ್ವ ಹರಿದು ಬರಲಿದೆ ಎಂದು ಕೇಂದ್ರಕ್ಕೆ ಮನವಿ ಮಾಡಿದೆ.

ರೂ. 10 ಲಕ್ಷ ಮೇಲ್ಪಟ್ಟ ವಾಹನಗಳ ಮೇಲೆ ಶೇ.11 ರಷ್ಟು ತೆರಿಗೆ ಮತ್ತು ರೂ.20 ಲಕ್ಷ ಮೇಲ್ಪಟ್ಟ ವಾಹನಗಳ ಮೇಲೆ ಶೇ.13 ರಷ್ಟು ತೆರಿಗೆ ವಿಧಿಸಲು ಅವಕಾಶ ನೀಡುವಂತೆ ಕೇಂದ್ರಕ್ಕೆ ಪಟ್ಟು ಹಿಡಿದಿದೆ.

ಆದ್ರೆ ಈಗಾಗಲೇ ವಿವಿಧ ರೀತಿಯ ತೆರಿಗೆ ಪದ್ಧತಿಗಳನ್ನು ರದ್ದು ಮಾಡಿ ಏಕರೂಪದ ಜಿಎಸ್‌ಟಿ ಜಾರಿಗೆ ತರಲಾಗಿದ್ದರು ಮಹಾರಾಷ್ಟ್ರ ಸರ್ಕಾರ ಇದೀಗ ಹೊಸ ರಾಗ ಶುರುಮಾಡಿರುವ ವಾಹನ ಉತ್ಪಾದಕರು ಮತ್ತು ಖರೀದಿದಾರರಿಗೆ ತಲೆಬಿಸಿ ಉಂಟುಮಾಡಿದೆ.

ಇದರ ಜೊತೆ ಎಲ್‌ಪಿಜಿ ಮತ್ತು ಸಿಎನ್‌ಜಿ ಮೇಲೆ ಓಡುತ್ತಿರುವ ವಾಹನಗಳ ಮೇಲೂ ಶೇ.7 ರಷ್ಟು ತೆರಿಗೆ ಹೆಚ್ಚಳ ಮನವಿ ಸಲ್ಲಿಸಲಾಗಿದ್ದು, ಮಹಾರಾಷ್ಟ್ರ ಸರ್ಕಾರದ ಮನವಿಗೆ ಕೇಂದ್ರ ಸರ್ಕಾರ ಒಂದು ಗ್ರೀನ್ ಸಿಗ್ನಲ್ ನೀಡಿದ್ದೇ ಆದಲ್ಲಿ ಹೊಸ ವಾಹನ ಖರೀದಿದಾರರಿಗೆ ಮತ್ತೆ ಬೆಲೆ ಬಿಸಿ ತಟ್ಟಲಿದೆ.

ಡ್ರೈವ್ ಸ್ಪಾರ್ಕ್ ಅಭಿಪ್ರಾಯ

ಮಹಾರಾಷ್ಟ್ರ ಸರ್ಕಾರದ ಹೊಸ ಯೋಜನೆ ಒಂದು ವೇಳೆ ಜಾರಿಯಾದ್ರೆ ಆಟೋ ಮೊಬೈಲ್ ಉದ್ಯಮದ ಮೇಲೆ ನಕಾರಾತ್ಮ ಪರಿಣಾಮ ಬೀರುವ ಸಾಧ್ಯತೆಗಳಿದ್ದು, ಕೇಂದ್ರವು ಇಂತಹ ಮನವಿಗಳಿಗೆ ಮನ್ನಣೆ ನೀಡದಿರುವುದೇ ಒಳಿತು.