ಬಿಡುಗಡೆಗೆ ಸಜ್ಜುಗೊಂಡ ಮಹೀಂದ್ರಾ ನಿರ್ಮಾಣದ ಮೊದಲ ಎಲೆಕ್ಟ್ರಿಕ್ ಎಸ್‌ಯುವಿ

2030ರ ವೇಳೆಗೆ ಪೂರ್ಣಪ್ರಮಾಣದಲ್ಲಿ ಎಲೆಕ್ಟ್ರಿಕ್ ಕಾರುಗಳನ್ನು ಪರಿಚಯಿಸುವ ಉದ್ದೇಶದಿಂದ ಎಲ್ಲಾ ಕಾರು ಉತ್ಪಾದಕರು ಹೊಸ ಹೊಸ ನಮೂನೆಯ ಕಾರು ಮಾದರಿಗಳನ್ನು ಅಭಿವೃದ್ಧಿಗೊಳಿಸುತ್ತಿದ್ದು, ಮಹೀಂದ್ರಾ ಸಂಸ್ಥೆಯು ಕೂಡಾ ತನ್ನ ಜನಪ್ರಿಯ ಎಕ್ಸ್‌ಯುವಿ ಸರಣಿಯಲ್ಲೇ ಹೊಸ ಎಲೆಕ್ಟ್ರಿಕ್ ಕಾರು ಮಾದರಿಯೊಂದನ್ನು ನಿರ್ಮಾಣ ಮಾಡಿದೆ.

ಮಹೀಂದ್ರಾ ಅಭಿವೃದ್ಧಿಗೊಳಿಸಿರುವ ಹೊಸ ಕಾರಿಗೆ ಎಕ್ಸ್‌ಯುವಿ ಏರೋ ಹೆಸರಿಸಲಾಗಿದ್ದು, ಎಸ್‌ಯುವಿ ಪ್ರಿಯರನ್ನು ಸೆಳೆಯುವಂತೆ ಹೊರ ಮತ್ತು ಒಳ ವಿನ್ಯಾಸಗಳನ್ನು ಕೈಗೊಂಡಿರುವ ಮತ್ತಷ್ಟು ಆಕರ್ಷಣೆಗೆ ಕಾರಣವಾಗಿದೆ.

ಇದಲ್ಲದೇ ಪ್ರಸ್ತುತ ಮಾರುಕಟ್ಟೆಯಲ್ಲಿರುವ ಎಕ್ಸ್‌ಯುವಿ 500 ಮಾದರಿಯಲ್ಲೇ ಹೈ ಎಂಡ್ ಸೌಲಭ್ಯಗಳನ್ನು ಪಡೆದುಕೊಂಡಿದ್ದು, ಸದ್ಯ ದೇಶಿಯ ಮಾರುಕಟ್ಟೆಯಲ್ಲಿ ಎಕ್ಸ್‌ಯುವಿ ಏರೋ ಕಾರನ್ನು ಉನ್ನತ ಶ್ರೇಣಿ ಮಾದರಿಯಂದೇ ಬಿಂಬಿಸಲಾಗಿದೆ.

Recommended Video

TVS Apache RR 310 Launched In India - DriveSpark

ಇದಕ್ಕೆ ಕಾರಣ ಏನೆಂದ್ರೆ ಕೇವಲ 8 ಸೇಕೆಂಡುಗಳಲ್ಲಿ 0 ದಿಂದ 100ಕಿಮಿ ವೇಗದ ಮೀತಿ ಪಡೆದುಕೊಳ್ಳುವ ಎಕ್ಸ್‌ಯುವಿ ಏರೋ ಕಾರು, 200-ಬಿಎಚ್‌ಪಿ ಮತ್ತು 400-ಎನ್ಎಂ ಟಾರ್ಕ್ ಉತ್ಪಾದನೆ ಜೊತೆಗೆ 190 ಕಿಮಿ ಟಾಪ್ ಸ್ಪೀಡ್ ಹೊಂದಿರಲಿದೆ.

ಮೈಲೇಜ್

ಸುಧಾರಿತ ಬ್ಯಾಟರಿ ಬಳಕೆ ಹಿನ್ನೆಲೆ ಅತ್ಯುತ್ತಮ ಮೈಲೇಜ್ ಸಾಮರ್ಥ್ಯ ಹೊಂದಿರುವ ಎಕ್ಸ್‌ಯುವಿ ಏರೋ ಕಾರು ಪ್ರತಿ ಚಾರ್ಜಿಂಗ್‌ಗೆ 300 ಕಿಮಿ ಮೈಲೇಜ್ ನೀಡಲಿದೆ ಎಂದು ಮಹೀಂದ್ರಾ ಸಂಸ್ಥೆ ಹೇಳಿಕೊಂಡಿದೆ.

ಬೆಲೆ (ಅಂದಾಜು)

ಹೊಸ ಎಲೆಕ್ಟ್ರಿಕ್ ಕಾರಿನ ಬೆಲೆ ಬಗ್ಗೆ ಯಾವುದೇ ಅಧಿಕೃತ ಮಾಹಿತಿ ಇಲ್ಲವಾದ್ರು ಸುಧಾರಿತ ತಂತ್ರಜ್ಞಾನ ಬಳಕೆ ಹಿನ್ನೆಲೆ ಸ್ವಲ್ಪ ಮಟ್ಟಿಗೆ ದುಬಾರಿಯಾಗಲಿದ್ದು, ರೂ.18 ಲಕ್ಷದಿಂದ ರೂ.20 ಲಕ್ಷ ಇರಬಹುದೆಂದು ಅಂದಾಜಿಸಲಾಗಿದೆ.

ಬಿಡುಗಡೆಯ ದಿನಾಂಕ

ಮುಂಬರುವ 2018ರ ಇಂಡಿಯನ್ ಆಟೋ ಎಕ್ಸ್‌ಪೋದಲ್ಲಿ ಹೊಸ ಕಾರುನ್ನು ಪ್ರದರ್ಶನಗೊಳಿಸಲಿರುವ ಮಹೀಂದ್ರಾ ತದನಂತರವಷ್ಟೇ ಬಿಡುಗಡೆಯ ಮಾಹಿತಿ ಹೊರಹಾಕಲಿದ್ದು,2019ರಲ್ಲಿ ಮಾರುಕಟ್ಟೆ ಪ್ರವೇಶಿಸುವ ಸಾಧ್ಯತೆಗಳಿವೆ.

ಡ್ರೈವ್ ಸ್ಪಾರ್ಕ್ ಅಭಿಪ್ರಾಯ

ಇ2ಒ ಪ್ಲಸ್ ಮತ್ತು ಇ ವೆರಿಟೊ ಎಲೆಕ್ಟ್ರಿಕ್ ಕಾರಿನ ಮೂಲಕ ಎಲೆಕ್ಟ್ರಿಕ್ ಕಾರು ವಿಭಾಗದಲ್ಲಿ ಜನಪ್ರಿಯತೆ ಸಾಧಿಸುತ್ತಿರುವ ಮಹೀಂದ್ರಾ ಸಂಸ್ಥೆಯು ಇದೀಗ ಎಸ್‌ಯುವಿ ಮಾದರಿಯನ್ನು ಹೊರತರುವ ಮೂಲಕ ಎಲೆಕ್ಟ್ರಿಕ್ ಕಾರುಗಳು ವಿಭಾಗದಲ್ಲಿ ಮತ್ತೊಮ್ಮೆ ತನ್ನ ಪ್ರಭುತ್ವ ಸಾಧಿಸಲಿದೆ.