ಮಹೀಂದ್ರಾ ಎಕ್ಸ್‌ಯುವಿ 500 ಪೆಟ್ರೋಲ್ ಆವೃತಿ ಭಾರತದಲ್ಲಿ ಬಿಡುಗಡೆ

ಹೊಚ್ಚ ಹೊಸ ಮಹೀಂದ್ರಾ ಎಕ್ಸ್‌ಯುವಿ 500 ಪೆಟ್ರೋಲ್ ಮಾದರಿಯು ಏಕೈಕ ರೂಪಾಂತರದಲ್ಲಿ ಮಾತ್ರ ಲಭ್ಯವಿರುತ್ತದೆ ಮತ್ತು ಜಪಾನ್ ಎಐಎಸ್ಐಎನ್ ನಿರ್ಮಾಣದ 6-ಸ್ಪೀಡ್ ಆಟೊಮ್ಯಾಟಿಕ್ ಗೇರ್‌ಬಾಕ್ಸ್ ಆಯ್ಕೆಯನ್ನು ಹೊಂದಿದೆ ಹಾಗು ಮಹೀಂದ್ರಾ ಎಕ್ಸ್‌ಯುವಿ 500 ಪೆಟ್ರೋಲ್ ಆವೃತ್ತಿಯನ್ನು 'ಜಿ ಎಟಿ' ಮಾದರಿ ಎಂದು ಹೆಸರಿಸಲಾಗಿದೆ.

ಪೆಟ್ರೋಲ್ ಎಂಜಿನ್ ಪಡೆದಿರುವ ಈ ಬಲಿಷ್ಠ ಎಸ್‌ಯುವಿ ಕಾರು 138 ಬಿಎಚ್‌ಪಿ ಮತ್ತು 320 ಎನ್ಎಂ ಟಾರ್ಕ್ ಉತ್ಪಾದಿಸುವ ಮತ್ತು ಸ್ಥಳೀಯವಾಗಿ ಅಭಿವೃದ್ಧಿಪಡಿಸಲಾಗಿರುವ 2.2-ಲೀಟರ್ ಎಂಹಾಕ್ ಪೆಟ್ರೋಲ್ ಎಂಜಿನ್ ಆಧರಿಸಿದೆ.

ಈ ಕಾರಿನಲ್ಲಿ 6 ಸ್ಪೀಡ್ ಆಟೊಮ್ಯಾಟಿಕ್ ಗೇರ್‌ಬಾಕ್ಸ್ ಆಯ್ಕೆಯನ್ನು ನೀಡಲಾಗಿದೆ. ಈ ಗೇರ್‌ಬಾಕ್ಸ್ ಕ್ರೀಪ್ ಫಂಕ್ಷನ್ ಮತ್ತು ಮ್ಯಾನ್ಯುವಲ್ ಮೋಡ್ ಆಯ್ಕೆಯಂತಹ ವೈಶಿಷ್ಟ್ಯಗಳನ್ನು ಹೊಂದಿದೆ.

ಮಾರುಕಟ್ಟೆಯಲ್ಲಿ ಪ್ರಸ್ತುತ ಲಭ್ಯವಿರುವ ಡೀಸೆಲ್ ಮಾದರಿಯಂತೆಯೇ ಎಕ್ಸ್‌ಯುವಿ 500 ಪೆಟ್ರೋಲ್ ಮಾದರಿಯು ಕಾಣಲಿದೆ. ಒಳಭಾಗದಲ್ಲಿ 7 ಇಂಚಿನ ಟಚ್‌ಸ್ಕ್ರೀನ್ ಇನ್ಫೋಟೈನ್ಮೆಂಟ್ ಸಿಸ್ಟಮ್, ಒಆರ್‌ವಿಎಂ ಮೇಲೆ ಲೋಗೊ ಪ್ರೊಜೆಕ್ಷನ್ ಜೊತೆ ಪೆಡಲ್ ಲ್ಯಾಂಪ್‌ಗಳು , ಸ್ಥಿರ ಬೆಂಡಿಂಗ್ ದೀಪಗಳು, ಆಂಡ್ರಾಯ್ಡ್ ಆಟೋನಂತಹ ಸಂಪರ್ಕ ವೈಶಿಷ್ಟ್ಯಗಳನ್ನು ಪಡೆದಿದೆ.

ಹೆಚ್ಚುವರಿಯಾಗಿ, ಸಂಪೂರ್ಣವಾಗಿ ಸ್ವಯಂಚಾಲಿತ ತಾಪಮಾನ ನಿಯಂತ್ರಣ, ಕ್ರೂಸ್ ನಿಯಂತ್ರಣ, ಮಳೆ ಸಂವೇದಕ ವೈಪರ್‌ಗಳು, ಬೆಳಕಿನ ಸಂವೇದಕ ಹೆಡ್‌ಲ್ಯಾಂಪ್‌ಗಳು, ಕೀಲಿಕೈ ಇಲ್ಲದ ಒಳಗೆ ಪ್ರವೇಶ, 8 ರೀತಿಯಲ್ಲಿ ಹೊಂದಾಣಿಕೆ ಮಾಡಬಹುದಾದ ಚಾಲಕ ಸೀಟು ಹಾಗು ಮುಂತಾದ ಸೌಲಭ್ಯ ಅಳವಡಿಸಲಾಗಿದೆ.

ಸುರಕ್ಷತೆ ವೈಶಿಷ್ಟ್ಯಗಳನ್ನು ಕುರಿತಂತೆ, ಮಹೀಂದ್ರಾ ಎಕ್ಸ್‌ಯುವಿ 500 ಪೆಟ್ರೋಲ್ ಆವೃತ್ತಿಯು ಡ್ಯುಯಲ್ ಫ್ರಂಟ್ ಏರ್‌ಬ್ಯಾಗ್, ಇಎಸ್‌ಪಿ ರೋಲ್ಓವರ್ ತಗ್ಗಿಸುವಿಕೆ, ಎಬಿಎಸ್ ಇಬಿಡಿ ಮತ್ತು ಎಮರ್ಜೆನ್ಸಿ ಕರೆಗಳಂತಹ ಆಯ್ಕೆಗಳನ್ನು ನೀಡಲಾಗಿದೆ.