'ಟಾಟಾ ಸಿಎಲ್ಐಕ್ಯೂ(CLiQ)' ಸಹಭಾಗಿತ್ವದಲ್ಲಿ ಟಾಟಾ ಮೋಟರ್ಸ್ 'ಹೆಕ್ಸಾ' ಎಸ್ ಯುವಿ ಕಾರಿನ ಮಾರಾಟ

ಟಾಟಾ ಸಿಎಲ್ಐಕ್ಯೂ ಮತ್ತು ಟಾಟಾ ಮೋಟರ್ಸ್ ಸಹಭಾಗಿತ್ವದಲ್ಲಿ ಬಿಡುಗಡೆಗೊಳ್ಳುತ್ತಿರುವ ಈ ಟಾಟಾ ಹೆಕ್ಸಾ ಕಾರು ಗ್ರಾಹಕರಿಗೆ ಮತ್ತಿತರ ಸೌಲಭ್ಯಗಳನ್ನು ನೀಡುವಲ್ಲಿ ಸಫಲವಾಗಲಿವೆ. ಈ ಸಹಭಾಗಿತ್ವದಿಂದಾಗಿ ಕೊಳ್ಳಲು ಬರುವ ಗ್ರಾಹಕರು ಟೆಸ್ಟ್ ಡ್ರೈವ್ ಮತ್ತಿತರ ಸೌಲಭ್ಯಗಳನ್ನು ಪಡೆದುಕೊಳ್ಳಲಿದ್ದಾರೆ.

ಟಾಟಾ ಮೋಟಾರ್ಸ್ ಕಾರುಗಳಿಗೆ ಅನುಸರಿಸಲಾಗುತ್ತಿರುವ ನಾವೀನ್ಯ ತಂತ್ರಗಾರಿಕೆಯನ್ನು ಹೆಕ್ಸಾದಲ್ಲೂ ಅನುಸರಿಸಲಾಗಿದ್ದು, ಗ್ರಾಹಕರ ಅಗತ್ಯತೆಯನ್ನು ಪೂರ್ಣಗೊಳಿಸಲಿದೆ.

ಹೊಚ್ಚ ಹೊಸ ಹೆಕ್ಸಾ ವಾಹನ ಮುಂದಿನ ಪೀಳಿಗೆಯ 2.2-ಲೀಟರ್ ವ್ಯಾರಿಕೋರ್ ಎಂಜಿನ್ ಹೊಂದಿದೆ.

400 ಎನ್ ಎಂ ತಿರುಗುಬಲದಲ್ಲಿ 153.6 ಅಶ್ವಶಕ್ತಿ ಉತ್ಪಾದಿಸಲಿದ್ದು, ಎಲೆಕ್ಟ್ರಾನಿಕ್ ಸ್ಟೆಬಿಲಿಟಿ ಪ್ರೋಗ್ರಾಂ (ಇಎಸ್ ಪಿ) ಮತ್ತು ಟ್ರಾಕ್ಷನ್ ಕಂಟ್ರೋಲ್ ವ್ಯವಸ್ಥೆಯು (ಟಿಸಿಎಸ್) ಕಾರಿನ ಸುರಕ್ಷತೆಯನ್ನು ಕಾಪಾಡಿಕೊಳ್ಳಲಿದೆ.

ಟಾಟಾ ಸಿಎಲ್ಐಕ್ಯೂ ಸಿಇಓ ಮಾತನಾಡಿ " ಅತ್ಯದ್ಭುತ ವಿನ್ಯಾಸ, ವೈಶಿಷ್ಟ್ಯ ಮತ್ತು ಸಾಮರ್ಥ್ಯ ಹೊಂದಿರುವ ಶ್ರೇಷ್ಠ ಟಾಟಾ ಹೆಕ್ಸಾ ಕಾರು ಇದಾಗಿದ್ದು, ಗ್ರಾಹಕರ ಮನ ಗೆಲ್ಲಲು ನಮ್ಮ ಜಾಲ ಮುಖಪುಟದ ಮೂಲಕ ನಿಮ್ಮ ಮುಂದೆ ಬರಲಿದೆ" ಎಂದರು.

ಸಾಧಾರಣ ಟಾಟಾ ಕಾರುಗಿಂತಲೂ ವಿಭಿನ್ನವಾಗಿ ಹೆಚ್ಚು ಪರಿಣಾಮಕಾರಿ, ಸ್ಪಷ್ಟತೆಯ ವಿನ್ಯಾಸವು ಟಾಟಾ ಹೆಕ್ಸಾ ಕ್ರೀಡಾ ಬಳಕೆಯ ಕಾರಿನಲ್ಲಿ ಅನುಭವಕ್ಕೆ ಬರಲಿದೆ.

ಸಾಧಾರಣ ಟಾಟಾ ಕಾರುಗಿಂತಲೂ ವಿಭಿನ್ನವಾಗಿ ಹೆಚ್ಚು ಪರಿಣಾಮಕಾರಿ, ಸ್ಪಷ್ಟತೆಯ ವಿನ್ಯಾಸವು ಟಾಟಾ ಹೆಕ್ಸಾದಲ್ಲಿ ಅನುಭವಕ್ಕೆ ಬರಲಿದೆ. ಎಕ್ಸ್ಈ, ಎಕ್ಸ್ಎಂ, ಎಕ್ಸ್ ಟಿ, ಎಕ್ಸ್ಎಂಎ, ಎಕ್ಸ್ ಟಿಎ ಮತ್ತು ಎಕ್ಸ್ ಟಿ ಎಂಬ ಆರು ವಿಧಗಳಲ್ಲಿ ಕಾರು ಲಭ್ಯವಿದೆ.

ಟಾಟಾ ಮೋಟರ್ಸ್ ನ ಪ್ರಯಾಣಿಕ ಕಾರು ವಿಭಾಗದ ಮಾರ್ಕೆಟಿಂಗ್ ಮುಖ್ಯಸ್ಥರಾದ ವಿವೇಕ್ ಶ್ರೀವತ್ಸ ಮಾತನಾಡಿ, "ಜಾಗತಿಕಮಟ್ಟದಲ್ಲಿ ವಾಹನಗಳ ಬಗ್ಗೆ ಇರುವ ಕಲ್ಪನೆ ಬದಲಾಗುತ್ತಿರುವ ಹೊತ್ತಿನಲ್ಲಿ ಬ್ರಾಂಡ್ ಹೊರತಾಗಿ ಗ್ರಾಹಕನಿಗೆ ತಲುಪುವುದು ಬಹಳ ಮುಖ್ಯವಾದ ಅಂಶವಾಗಿದ್ದು, ಈ ನಿಟ್ಟಿನಲ್ಲಿ ಟಾಟಾ ಸಿಎಲ್ಐಕ್ಯೂ ಜೊತೆಗಿನ ಒಪ್ಪಂದ ನಮಗೆ ಮತ್ತಷ್ಟು ಬಲ ತಂದುಕೊಡಲಿದೆ" ಎಂದರು.