ಇಸುಜು ಸಂಸ್ಥೆಯ ಈ ಕಾರುಗಳ ಮೇಲೆ ಮತ್ತೆ ಬೆಲೆ ಏರಿಕೆ..

ಇಸುಜು ಇಂಡಿಯಾ ಲೈನ್‍ ಅಪ್‍‍ನಲ್ಲಿರುವ ಡಿ ಮ್ಯಾಕ್ಸ್ ಶ್ರೇಣಿಯಲ್ಲಿನ ರೆಗ್ಯುಲರ್ ಕ್ಯಾಬ್ ಮಾಡಲ್‍‍ಗಳಿಂದ 4x4 ಅಡ್ವೆಂಚರ್ ಪಿಕಪ್ ವೆಹಿಕಲ್ ಡಿ-ಮ್ಯಾಕ್ಸ್ ವಿ-ಕ್ರಾಸ್ ಮಾಡಲ್‍‍ನ ವರೆಗು ಎಲ್ಲಾ ಮಾಡಲ್‍‍ಗಳ ಮೇಲೆ ಬೆಲೆ ಏರಿಸಲಾಗಿದೆ. ಹೆಚ್ಚುತ್ತಿರುವ ವಿತರಣೆ ಮತ್ತು ಇನ್‍ಪುಟ್ ವೆಚ್ಚಗಳ ಕಾರಣದಿಂದಾಗಿ ವಾಹನಗಳಾ ಮೇಲೆ ಬೆಲೆ ಏರಿಸಲಾಗಿದೆ ಎನ್ನಲಾಗಿದೆ.

ಇಸುಜು ಸಂಸ್ಥೆಯು ನೂತನವಾಗಿ ತೆಗೆದುಕೊಂಡ ತೀರ್ಮಾನದಿಂದ, ಎಲ್ಲಾ ಮಾಡಲ್‍‍ಗಳ ಮೇಲೆ ಸುಮಾರು ಶೇಕಡ ಎರಡರಿಂದ ಮೂರರಷ್ಟು ಬೆಲೆ ಅಧಿಕವಾಗಲಿದೆ ಎನ್ನಲಾಗಿದೆ. ಅಂದರೆ ಆ ಮಾಡಲ್‍‍ಗಳ ಪ್ರಸ್ಥುತ ಬೆಲೆಯ ಆಧಾರದ ಮೇಲೆ ರೂ.20,000 ಸಾವಿರದಿಂದ 30,000 ಸಾವಿರ ಅಧಿಕವಾಗಿರಲಿದೆ.

ಇಸುಜು ಸಂಸ್ಥೆಯು ಈ ವರ್ಷದಲ್ಲಿ ತಮ್ಮ ಕಾರುಗಳ ಮೇಲೆ ಬೆಲೆ ಏರಿಸುತ್ತಿರುವುದು ಇದು ಎರಡನೆಯ ಬಾರಿ. ಈ ವರ್ಷದ ಪ್ರಾರಂಭದಲ್ಲಿ ಜನವರಿ ತಿಂಗಳಿನಲ್ಲಿ ಎಲ್ಲಾ ಮಾಡಲ್‍‍ಗಳ ಮೇಲೆ ಎರಡರಿಂದ ಮೂರರಷ್ಟು ಬೆಲೆ ಏರಿಸಿದೆ.

ಇಸುಜು ಪಿಕಪ್ ಶ್ರೇಣಿಯಲ್ಲಿ ಮೂರು ವೇರಿಯಂಟ್‍‍ಗಳಿದ್ದು, ಅವು ಮ್ಯಾಕ್ಸ್ ಕ್ಯಾಬ್, ಡಿ-ಮ್ಯಾಕ್ಸ್ ಎಸ್-ಕ್ಯಾಬ್ ಮತ್ತು ಹೈ ಎಂಡ್ ಮಾಡಲ್ ಡಿ ಮ್ಯಾಕ್ಸ್ ವಿ ಕ್ರಾಸ್. ಇಸುಜು ಡಿ ಮ್ಯಾಕ್ಸ್ ವಿ-ಕ್ರಾಸ್ ಸ್ಟ್ಯಾಂಡರ್ಡ್ ಹಾಗು ಹೈ ಎಂಡ್ ಎಂಬ ಎರಡು ವೇರಿಯಂಟ್‍‍ಗಳಲ್ಲಿ ಖರೀದಿಗೆ ಲಭ್ಯವಿದೆ.

ಇಸುಜು ಸಂಸ್ಥೆಯ ಪ್ರಾರಂಭಿಕ ಮಾಡಲ್ ಡಿ-ಮ್ಯಾಕ್ಸ್ ಬೆಲೆಯು ದೆಹಲಿಯ ಎಕ್ಸ್ ಶೋರಂ ಪ್ರಕಾರ ರೂ.6.86 ಲಕ್ಷದಿಂದ ಪ್ರಾರಂಭಗೊಂಡು ಮತ್ತು ಹೈ ಎಂಡ ವೇರಿಯಂಟ್‍‍ಗಳ ಬೆಲೆಯು ಸರಾಸರಿ ರೂ.14.30 ಲಕ್ಷದ ವೆರೆಗು ಮತ್ತು 15.81 ಲಕ್ಷದ ವರೆಗು ಇದೆ.

ಇಸುಜು ಡಿ-ಮ್ಯಾಕ್ಸ್ ವಿ-ಕ್ರಾಸ್ ಟಾಪ್ ಎಂಡ್ ವೇರಿಯಂಟ್ 4x4 ಅಡ್ವೆಂಚರ್ ಮಾಡಲ್ 2,999ಸಿಸಿ ಕೆಪಾಸಿಟಿ ಇರುವ ಟರ್ಬೋ-ಇಂಟರ್ ಕೂಲ್ಡ್ ಡೀಸೆಲ್ ಎಂಜಿ ಅನ್ನು ಹೊಂದಿದ್ದು, ಇದು 134ಬಿಹೆಚ್ ಮತ್ತು 320ಎನ್ಎಮ್ ಟಾರ್ಕ್ ಅನ್ನು ಉತ್ಪಾದಿಸುವ ಶಕ್ತಿಯನ್ನು ಪಡೆದುಕೊಂಡಿದೆ.

ಡ್ರೈವ್‍ಸ್ಪಾರ್ಕ್ ಅಭಿಪ್ರಾಯ

ಇಸುಜು ಮೋಟರ್ಸ್ ತಮ್ಮ ಪಿಕಪ್ ವೆಹಿಕಲ್ ಶ್ರೇಣಿಯಲ್ಲಿನ ವಾಹನಗಳ ಮೇಲೆ ಬೆಲೆಯನ್ನು ಏರಿಸಿದೆ. ಪ್ರತೀ ವರ್ಷದ ಎರಡನೆಯ ಅರ್ಧ ವಾರ್ಶಿಕ ಮಾಸದಲ್ಲಿ ತಪ್ಪದೇ ಬೆಲೆಯನ್ನು ಏರಿಸುತ್ತದೆ. ದೇಶಿಯ ಮಾರುಕಟ್ಟೆಯಲ್ಲಿನ ಇನ್ನಿತರೆ ವಾಹನ ತಯಾರಕ ಸಂಸ್ಥೆಗಳಾದ ಮಾರುತಿ ಸುಜುಕಿ, ಮಹೀಂದ್ರಾ, ಟಾಟಾ ಮೋಟರ್ಸ್, ಹೋಂಡಾ ಕಾರ್ಸ್ ಮತ್ತು ಮರ್ಸಿಡೀಸ್ ಬೆಂಝ್ ಕೂಡಾ ತಮ್ಮ ಕಾರುಗಳ ಮೇಲೆ ಬೆಲೆಯನ್ನು ಏರಿಸಿದೆ.