ಜಿನೆವಾ ಆಟೋ ಮೇಳದಲ್ಲಿ ಸದ್ದು ಮಾಡಿದ ಲ್ಯಾಂಬೋರ್ಗಿನಿ ಹುರಕಾನ್ ಪರ್ಫಾಮೆಂಟ್ ಸ್ಪೈಡರ್

ಲಂಬೋರ್ಗಿನಿ ನಿರ್ಮಾಣದ ಈ ಹೊಸ ಹುರಕಾನ್ ಪರ್ಫಾಮೆಂಟ್ ಸ್ಪೈಡರ್ ಕಾರು ರೂಫ್‍‍ಲೆಸ್ ಕಾರು ಮಾದರಿಯಾಗಿದ್ದು, ಸಂಪೂರ್ಣ ರೂಫ್ ಯಾಂತ್ರಿಕತೆಯು 125 ಕೆಜಿಯನ್ನು ಕಾರಿಗೆ ಸೇರಿಸಿದೆ. ಹೀಗಾಗಿ ಐಷಾರಾಮಿ ಸೂಪರ್ ಕಾರುಗಳ ಮಾದರಿಯಲ್ಲಿ ಉತ್ತಮ ಬೇಡಿಕೆ ಹೊಂದುವ ನೀರಿಕ್ಷೆಯಿದೆ.

ಈ ಸೂಪರ್‍‍ಕಾರ್ ಫ್ಯಾಬ್ರಿಕ್ ಸೂಕ್ಷ್ಮ ಟಾಪ್ ಕೇವಲ 17 ಸೆಕೆಂಡ್‍‍ನಲ್ಲಿ ತೆಗೆದು ಮುಚ್ಚಬಹುದಾಗಿದ್ದು, ಇನ್ನು ಈ ಕಾರು ಗಂಟೆಗೆ 50 ಕಿಲೋಮೀಟರ್ ಕನ್ವರ್ಷನ್ ಮಾಡಲಿದೆಯಂತೆ.

ಎಂಜಿನ್ ಸಾಮರ್ಥ್ಯ

5.2 ಲೀಟರ್ V10 ಎಂಜಿನ್ ಹೊಂದಿರುವ ಈ ಕಾರು 631 ಬಿಹೆಚ್‍ಪಿ ಮತ್ತು 601 ಎನ್ಎಂ ಟಾರ್ಕ್ ಉತ್ಪಾದಿಸುವ ಶಕ್ತಿಯನ್ನು ಪದೆದಿದ್ದು, 7 ಸ್ಪೀಡ್ ಡ್ಯುಯಲ್ ಕ್ಲಚ್ ಟ್ರಾನ್‍ಮಿಷನ್ ಪಡೆದಿದೆ.

ಕಾರಿನ ಕರ್ಬ್ ತೂಕ 1507 ಕಿಲೋಗ್ರಾಂ ಆಗಿದ್ದು, ರೆಗ್ಯುಲರ್ ಮಾದರಿಗಿಂತ 25ಕಿಲೋಗ್ರಾಂ ಕಡಿಮೆಯೆ ಇದೆ. ಸಂಸ್ಥೆಯು ಈ ಕಾರಿನ ಏರೋಡೈನಾಮಿಕ್ಸ್ ವಿಚಾರದಲ್ಲಿ ಯಾವುದೇ ಸ೦ಧಾನ ಮಾಡಿಕೊಳ್ಳುವ ಅವಕಾಶವಿಲ್ಲವೆಂದು ಹೇಳಲಾಗಿದೆ.

ಲ್ಯಾಂಬೋರ್ಗಿನಿಯ ಆಟ್ಟಿವಾ ಏರೋಡೈನಾಮಿಕ್ಸ್ ಯಾಂತ್ರಿಕತೆಯನ್ನು ಏರೊಡೈನಾಮಿಕ್ ಲ್ಯಾಂಬೋರ್ಗಿನಿ ಅಟ್ಟಿವಾ ಎಂದು ಕರೆಯಲಾಗಿದ್ದು, ಇದನ್ನು ಹೊಸ ಕಾರಿನಲ್ಲಿ ಬಳಸಲಾಗಿದೆಯಂತೆ.

ಹೀಗಾಗಿಯೇ ಕೇವಲ 3.1 ಸೆಕೆಂಡಿಗೆ 0-100 ಗಂಟೆಗೆ ಕಿಲೋಮೀಟರ್ ಚಲಿಸುವ ಶಕ್ತಿ ಹೊಂದಿದ್ದು, ಹಾಗೆಯೇ 352 ಕಿಲೋಮೀಟರ್ ಚಲಿಸಬಲ್ಲ ಟಾಪ್ ಸ್ಪೀಡ್ ಅನ್ನು ಪಡೆಕೊಂಡಿರಲಿದೆ.

ಪರ್ಫಾಮೆಂಟ್ ಸ್ಪೈಡರ್ ಕಾರು ತನ್ನ ರೆಗ್ಯುಲರ್ ಮಾದರಿಯಿಂದ ಸ್ಟ್ರಾಡ್ (ಕಂಫರ್ಟ್) , ಸ್ಪೋರ್ಟ್ ಮತ್ತು ಕೋರ್ಸಾ (ಟ್ರಾಕ್) ಮೋಡ್‍‍ಗಳನ್ನು ಪಡೆದುಕೊಂಡಿದ್ದು, ಈ ಸೂಪರ್ ಕಾರು ಪ್ರಿಯರನ್ನು ಸೆಳೆಯಿದೆ.

ಹುರಾಕಾನ್ ಪರ್ಫಾಮೆಂಟ್ ಕೌಪ್ ಈಗಾಗಲೇ ಜರ್ಮನಿಯಲ್ಲಿ ನುರ್‍‍ಬರ್ಗ್ರಿಂಗ್ ಟ್ರಾಕ್ ನಲ್ಲಿ ಫಾಸ್ಟೆಸ್ಟ್ ಕಾರು ಮಾದರಿ ಎಂದು ಬಿರುದನ್ನು ಪಡೆದಿದ್ದು, ಓಪೆನ್ ರೂಫ್ ಆಯ್ಕೆಯು ರೈಡಿಂಗ್ ಅನುಭೂತಿಯನ್ನು ಇನ್ನಷ್ಟು ಥ್ರಿಲ್ಲಿಂಗ್ ಆಗಿಸಲಿದೆ.