Just In
- 12 hrs ago ಸ್ವಂತ ದುಡಿಮೆಯಲ್ಲಿ ಹೊಸ ಕಾರು ಖರೀದಿಸಿ ಯುವ ನಟಿಯ ಭಾವನಾತ್ಮಕ ಪೋಸ್ಟ್
- 14 hrs ago Suzuki Access Electric: ಸುಜುಕಿ ಆಕ್ಸೆಸ್ ಎಲೆಕ್ಟ್ರಿಕ್ ಸ್ಕೂಟರ್ ಈ ವರ್ಷ ಬಿಡುಗಡೆ ಸಾಧ್ಯತೆ!
- 14 hrs ago Royal Enfield Himalayan ಸುಲಭವಾಗಿ ಖರೀದಿಸುವುದು ಹೇಗೆ?: ಇಲ್ಲಿದೆ ಡೌನ್ಪೇಮೆಂಟ್, EMI ಮಾಹಿತಿಗಳು!
- 15 hrs ago ಮಿಂಚಿನ ವೇಗಕ್ಕೆ ಸರಿಸಾಟಿಯಾಗಿ ಬೆಂಗಳೂರಿನ ಹೊಸ ಅಲ್ಟ್ರಾವೈಲೆಟ್ ಬೈಕ್ ಬಿಡುಗಡೆ: 323KM ರೇಂಜ್
Don't Miss!
- Finance ಇನ್ಮುಂದೆ OTP ವಂಚನೆಗೆ ಬೀಳಲಿದೆ ಬ್ರೇಕ್, ಏನಿದು ಹೊಸ ವ್ಯವಸ್ಥೆ?
- Technology ರೆಡ್ಮಿ ಸಂಸ್ಥೆಯ ಈ ಅಗ್ಗದ ಫೋನಿನ ಆಫರ್ ಬೆಲೆ ತಿಳಿದ್ರೆ, ನೀವು ವಾವ್ ಅಂತೀರಾ!
- News ರಾಜ್ಯದ ವಿವಿಧೆಡೆ ಮಳೆರಾಯನ ಆರ್ಭಟ; ಕರ್ನಾಟಕದ ಪ್ರಮುಖ ಡ್ಯಾಂಗಳ ನೀರಿನ ಮಟ್ಟ ಎಷ್ಟು ? ಇಲ್ಲಿದೆ ಸಂಪೂರ್ಣ ವಿವರ
- Sports 'ಟಿ20 ವಿಶ್ವಕಪ್ಗೆ ಈತನನ್ನು ಆಯ್ಕೆ ಮಾಡಿ'; ಅಜಿತ್ ಅಗರ್ಕರ್ಗೆ ಬಂತು ದೊಡ್ಡ ಮನವಿ!
- Lifestyle ಮಲೆನಾಡ ಶೈಲಿನ ಮೃದುವಾದ ಕಡುಬು ಮಾಡೋದು ಹೇಗೆ.? ಸಿಂಪಲ್ ತಿಂಡಿ ರೆಸಿಪಿ
- Movies ನೀಲಿ ಪ್ರಪಂಚದ ಕರಾಳ ಸತ್ಯವನ್ನ ಹೇಳಿದ ಲಾನಾ ರೋಡ್ಸ್
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಸೆಡಾನ್ ಕಾರುಗಳಲ್ಲಿ ರಿಯರ್ ವೈಪರ್ ಬಳಕೆ ಮಾಡೊದೇ ಇಲ್ಲಾ- ಹಾಗಾದ್ರೆ ಇದಕ್ಕೆ ಕಾರಣ ಏನು?
ನಾವೆಲ್ಲಾ ನೋಡಿರುವ ಪ್ರಕಾರ ಹ್ಯಾಚ್ಬ್ಯಾಕ್ ಮತ್ತು ಎಸ್ಯುವಿ,ಎಂಪಿವಿ ಕಾರುಗಳಲ್ಲಿ ಮಾತ್ರ ರಿಯರ್ ವೈಪರ್ ಬಳಕೆ ಮಾಡಲಾಗುತ್ತಿದ್ದು, ಸೆಡಾನ್ ಕಾರುಗಳಲ್ಲಿ ಮಾತ್ರ ರಿಯರ್ ವೈಪರ್ ಬಳಕೆ ಮಾಡದಿರುವುದು ಕೆಲವರಿಗೆ ಕುತೂಹಲ ಹುಟ್ಟುಹಾಕದೇ ಇರಲಾರದು.
ಬಹುತೇಕ ವಾಹನ ಪ್ರಿಯರಿಗೆ ಈ ರೀತಿಯಾದ ಸಹಜ ಪ್ರಶ್ನೆಗಳು ಕಾಡದೇ ಇರಲಾರದು. ಹೌದು.. ನಾವೆಲ್ಲಾ ನೋಡಿರುವ ಪ್ರಕಾರ ಹ್ಯಾಚ್ಬ್ಯಾಕ್ ಮತ್ತು ಎಸ್ಯುವಿ, ಎಂಪಿವಿ ಕಾರುಗಳಲ್ಲಿ ಮಾತ್ರ ರಿಯರ್ ವೈಪರ್ ಬಳಕೆ ಮಾಡಲಾಗುತ್ತಿದ್ದು, ಸೆಡಾನ್ ಕಾರುಗಳಲ್ಲಿ ಮಾತ್ರ ರಿಯರ್ ವೈಪರ್ ಬಳಕೆ ಮಾಡದಿರುವುದು ಕೆಲವರಿಗೆ ಕುತೂಹಲ ಹುಟ್ಟುಹಾಕದೇ ಇರಲಾರದು.
ಹಾಗಾದ್ರೆ ಸೆಡಾನ್ ಕಾರುಗಳಲ್ಲಿ ರಿಯರ್ ವೈಪರ್ ಬಳಕೆ ಯಾಕೆ ಮಾಡುವುದಿಲ್ಲ. ಇಂತಹ ಪ್ರಶ್ನೆ ನಿಮ್ಮನ್ನು ಅಷ್ಟೇ ಅಲ್ಲಾ ನಮಗೂ ಕೂಡಾ ಮೊದಮೊದಲು ಕಾಡಿತ್ತು. ಅದಕ್ಕೆ ವೈಜ್ಞಾನಿಕ ಕಾರಣಗಳನ್ನು ಹುಡುಕುತ್ತಾ ಹೋದಾಗ ಸಿಕ್ಕ ಕೆಲವು ಉತ್ತರಗಳು ವಾಸ್ತವಾಂಶದ ಜೊತೆ ಜೊತೆಗೆ ಕುತೂಹಲ ಹುಟ್ಟುಹಾಕಿದ್ದು ಮಾತ್ರ ಸುಳ್ಳಲ್ಲ.
ಮಾರುಕಟ್ಟೆಯಲ್ಲಿರುವ ಕೆಲವು ಕಾರುಗಳನ್ನೇ ತೆಗೆದುಕೊಳ್ಳಿ. ಮಾರುತಿ ಸುಜುಕಿ ನಿರ್ಮಾಣದ ಸ್ವಿಫ್ಟ್ ಹ್ಯಾಚ್ಬ್ಯಾಕ್ ಕಾರುಗಳಲ್ಲಿ ಕಂಡುಬರುವ ರಿಯರ್ ವೈಪರ್ಗಳನ್ನು ಡಿಜೈರ್ ಸೆಡಾನ್ ಕಾರುಗಳಲ್ಲಿ ನೋಡಲು ಸಾಧ್ಯವೇ ಇಲ್ಲಾ.
ಅದೇ ರೀತಿಯಾಗಿ ಫೋಕ್ಸ್ವ್ಯಾಗನ್ ಪೊಲೊದಲ್ಲಿ ರಿಯರ್ ವೈಪರ್ ಕಂಡುಬಂದ್ರೆ ವೆಂಟೋ ಸೆಡಾನ್ನಲ್ಲಿ ಈ ಸೌಲಭ್ಯ ಸಿಗಲಾರದು. ಇನ್ನು ಟಾಟಾ ಟಿಯಾಗೋ-ಟಿಗೋರ್, ಫೋರ್ಡ್ ಫಿಗೊ- ಆಸ್ಪೈರ್ ಸೆಡಾನ್ಗಳಲ್ಲೂ ಅದೇ ರೀತಿ ಇರುವುದು ಸಾಮಾನ್ಯ.
ಹೀಗಾಗಿ ಸೆಡಾನ್ ಕಾರುಗಳಲ್ಲಿ ರಿಯರ್ ವೈಪರ್ ಬಳಕೆ ಯಾಕೆ ಮಾಡುತ್ತಿಲ್ಲ ಎನ್ನುವ ಬಗ್ಗೆ ಹಲವು ಆಯಾಮಗಳಲ್ಲಿ ಚರ್ಚಿಸಿದಾಗ ಮೊದಲಿಗೆ ಬಂದ ಉತ್ತರ ಇದೇನಾ ಅದಕ್ಕೆ ಕಾರಣ ಅಂತಾ ಅಚ್ಚರಿ ಆಗಿತ್ತು.
ಸಾಮಾನ್ಯವಾಗಿ ಹ್ಯಾಚ್ಬ್ಯಾಕ್ ಮತ್ತು ಎಸ್ಯುವಿ ಕಾರುಗಳ ವಿಂಡ್ಸ್ಕ್ರೀನ್ ವಿನ್ಯಾಸವು 90ಡಿಗ್ರಿ ಮಾದರಿಯಲ್ಲಿ ಮೇಲ್ಮುಖವಾಗಿರುವುದನ್ನು ನೀವು ನೋಡಿದ್ದಿರಿ. ಹೀಗಿರುವಾಗ ಎಸ್ಯುವಿ ಮತ್ತು ಹ್ಯಾಚ್ಬ್ಯಾಕ್ ಕಾರುಗಳಲ್ಲಿನ ವಿಂಡ್ಸ್ಕೀನ್ಗಳಲ್ಲಿ ರಿಯರ್ ವೈಪರ್ ಬಳಕೆ ಸೂಕ್ತವಾಗಿದೆ ಎನ್ನಬಹುದು.
ಅದೇ ನೀವು ಸೆಡಾನ್ ಕಾರುಗಳ ವಿಂಡ್ಸ್ಕ್ರೀನ್ ವಿನ್ಯಾಸವನ್ನು ಗಮನಸಿ. ಅದು ಕಾರಿನ ಬೂಟ್ ಸ್ಪೇಸ್ ಮತ್ತು ರೂಫ್ ಟಾಪ್ಗೆ ಹೊಂದಿಕೊಂಡಂತೆ ಇಳಿಮುಖವಾಗ ವಿನ್ಯಾಸವನ್ನು ಪಡೆದಿರುತ್ತೆ. ಇದೇ ಕಾರಣಕ್ಕೆ ಸೆಡಾನ್ ವಿಂಡ್ಸ್ಕ್ರಿನ್ಗಳಲ್ಲಿ ಮಳೆ ನೀರು ಮತ್ತು ಧೂಳನ್ನು ಅಷ್ಟಾಗಿ ಹಿಡಿಯುದಿಲ್ಲ.
ಇದೇ ಕಾರಣಕ್ಕಾಗಿ ಸೆಡಾನ್ ಕಾರುಗಳಲ್ಲಿ ರಿಯರ್ ವೈಪರ್ ಬಳಕೆ ಮಾಡುವ ಅವಶ್ಯಕತೆ ಇರುವುದಿಲ್ಲ. ಇದರಿಂದ ಧೂಳು ಮತ್ತು ಮಳೆ ನೀರಿನಿಂದಾಗಿ ಹಿಂಬದಿಯ ನೋಟಕ್ಕೆ ತೊಂದರೆಯಾಗುವ ಹ್ಯಾಚ್ಬ್ಯಾಕ್ ಮತ್ತು ಎಸ್ಯುವಿ ಕಾರುಗಳಲ್ಲಿ ರಿಯರ್ ವೈಪರ್ ಹೆಚ್ಚು ಸೂಕ್ತವಾಗಿದೆ.
ಮತ್ತೊಂದು ಪ್ರಮುಖ ವಿಚಾರ ಅಂದ್ರೆ, ಸೆಡಾನ್ ಕಾರುಗಳಲ್ಲಿ ಒಂದು ವೇಳೆ ರಿಯರ್ ವೈಪರ್ ಬಳಕೆ ಮಾಡಬೇಕು ಎಂದಾದಲ್ಲಿ ಅದು ತಾಂತ್ರಿಕ ಅಡಚಣೆಗೂ ಕಾರಣವಾಗಬಲ್ಲದು. ಈ ಕಾರಣಕ್ಕೂ ಕೂಡಾ ರಿಯರ್ ವೈಪರ್ ಬಳಕೆಯಿಂದ ಹಿಂದೆ ಸರಿಯಲಾಗಿದೆ.
ಇಂಧನ ಕಾರ್ಯಕ್ಷಮತೆ ಮೇಲೆ ಪರಿಣಾಮ
ಸೆಡಾನ್ ಕಾರುಗಳಲ್ಲಿ ಏಕೆ ರಿಯರ್ ವೈಪರ್ ಬಳಕೆ ಮಾಡಿಲ್ಲ ಎನ್ನುವ ಪ್ರಶ್ನೆಗೆ ಇದು ಕೂಡಾ ಒಂದು ಪ್ರಮುಖ ವಿಚಾರ. ಒಂದು ವೇಳೆ ಸೆಡಾನ್ ಕಾರುಗಳಲ್ಲಿ ರಿಯರ್ ವೈಪರ್ ಬಳಕೆ ಮಾಡಿದಲ್ಲಿ ಅದು ಕಾರಿನ ಮೈಲೇಜ್ ಮೇಲೂ ಹೊಡೆತ ಬಿಳುತ್ತೆ.
ಹಾಗಾದ್ರೆ ಎಸ್ಯುವಿ ಮತ್ತು ಹ್ಯಾಚ್ಬ್ಯಾಕ್ ಕಾರುಗಳಲ್ಲಿ ರಿಯರ್ ವೈಪರ್ ಬಳಕೆ ಮಾಡಿದ್ರೆ ಇಂಧನ ಕಾರ್ಯಕ್ಷಮತೆ ಮೇಲೆ ಪರಿಣಾಮ ಬಿರುವುದುದಿಲ್ಲವೇ ಎಂದು ನೀವು ಕೇಳಬಹುದು. ಅದಕ್ಕೂ ಇಲ್ಲಿ ಉತ್ತರವಿದೆ.
ಎಸ್ಯುವಿ ಮತ್ತು ಹ್ಯಾಚ್ಬ್ಯಾಕ್ಗಳಲ್ಲಿ ರಿಯರ್ ವೈಪರ್ ಬಳಕೆ ಮಾಡುವ ಆಟೋ ಉತ್ಪಾದಕರು ಇಂಧನ ದಕ್ಷತೆಗೆಗಾಗಿ ಕೆಲವು ಸೌಲಭ್ಯಗಳನ್ನು ಕಡಿತ ಮಾಡಿರುತ್ತಾರೆ. ಇದೇ ಕಾರಣಕ್ಕೆ ಸೆಡಾನ್ ಕಾರುಗಳ ಮೈಲೇಜ್ ಪ್ರಮಾಣವು ಅಗತ್ಯವಾಗಿ ಎಸ್ಯುವಿ ಕಾರುಗಳಿಂತ ಹೆಚ್ಚಿರುತ್ತೆ.
ಅದೇ ನೀವು ಹ್ಯಾಚ್ಬ್ಯಾಕ್ ಮತ್ತು ಸೆಡಾನ್ ಕಾರುಗಳನ್ನು ಹೋಲಿಕೆ ಮಾಡಿದಾಗ ಹ್ಯಾಚ್ಬ್ಯಾಕ್ ಕಾರುಗಳ ಇಂಧನ ಕಾರ್ಯಕ್ಷಮತೆ ಹೆಚ್ಚಿರುತ್ತಲ್ಲದೇ ಸೆಡಾನ್ ಮಾದರಿಗಳಿಂತ ಕಡಿಮೆ ಮಟ್ಟದ ಸೌಲಭ್ಯಗಳನ್ನು ಹೊಂದಿರುವುದನ್ನು ಕಾಣಬಹುದು.
ಒಟ್ಟಿನಲ್ಲಿ ಸೆಡಾನ್ ಕಾರುಗಳಲ್ಲಿ ರಿಯರ್ ವೈಪರ್ ಬಳಕೆಯು ಅನಗತ್ಯ ಎಂಬ ಕಾರಣಕ್ಕೆ ಆಟೋ ಉತ್ಪಾದಕರು ರಿರಯರ್ ವೈಪರ್ ಬಳಕೆ ಕೈಬಿಟ್ಟಿದ್ದು, ಇತ್ತೀಚೆಗೆ ಕೆಲವು ಮಾಡಿಫೈ ವಾಹನ ಪ್ರಿಯರು ಕಾರಿನ ಅಂದವನ್ನು ಹೆಚ್ಚಿಸಲು ರಿಯರ್ ವೈಪರ್ ಬಳಕೆ ಮಾಡುತ್ತಿರುವುದನ್ನ ನಾವು ಅಲ್ಲಗಳೆಯುವಂತಿಲ್ಲ.