ಮುಂದಿನ ಚಿತ್ರದಲ್ಲಿ ಬ್ಯಾಟ್‍‍ಮ್ಯಾನ್ ಬಳಸುವ ಕಾರು ಹೀಗಿರಲಿದೆ

ಮುಂದಿನ ವರ್ಷ ಹೊಸ ಬ್ಯಾಟ್‍‍ಮ್ಯಾನ್ ಚಲನಚಿತ್ರ ಬಿಡುಗಡೆಯಾಗಲಿದೆ. ಈ ಚಿತ್ರದ ನಿರ್ದೇಶಕರಾದ ಮ್ಯಾಟ್ ರೀವ್ಸ್ ಇತ್ತೀಚೆಗೆ ಚಿತ್ರದ ಕೆಲವು ಪೋಟೋಗಳನ್ನು ತಮ್ಮ ಟ್ವಿಟರ್‍ ಖಾತೆಯಲ್ಲಿ ಶೇರ್‍‍ಮಾಡಿಕೊಂಡಿದ್ದಾರೆ. ಈ ಫೋಟೋನಲ್ಲಿ ಬ್ಯಾಟ್‍‍‍ಮ್ಯಾನ್ ಹೊಸ ಸೂಟ್‍‍ನಲ್ಲಿ ಹೊಸ ಬ್ಯಾಟ್‍‍ಮೊಬೈಲ್ ಕಾರಿನ ಪಕ್ಕದಲ್ಲಿ ನಿಂತಿರುವುದು ಕಂಡುಬಂದಿದೆ. ಬ್ಯಾಟ್‍‍ಮೊಬೈಲ್ ಕಾರು ಯಾವಾಗಲೂ ಬ್ಯಾಟ್‍ಮ್ಯಾನ್‍ ಚಲನಚಿತ್ರದಲ್ಲಿ ಪ್ರಮಖ ಆಕರ್ಷಣೆಯಾಗಿದೆ.

ಬ್ಯಾಟ್‍‍ಮ್ಯಾನ್ ಬಳಸುತ್ತಿದೆ ಹಿಂದಿನ ಮಾದರಿಗೆ ಹೋಲಿಸಿದರೆ, ಇತ್ತೀಚಿನ ಆವೃತ್ತಿಯ ಬ್ಯಾಟ್‍‍ಮೊಬೈಲ್ ಕಾರು ಹೆಚ್ಚು ಆಕರ್ಷಕ ಲುಕ್ ಅನ್ನು ಹೊಂದಿದೆ.

ಬ್ಯಾಟ್‍‍ಮೊಬೈಲ್ ಕಾರಿನ ಮುಂಭಾಗದಲ್ಲಿ ಮತ್ತು ಪಕ್ಕದಲ್ಲಿ ಬ್ಯಾಟ್‍‍ಮ್ಯಾನ್ ನಿಂತಿರುವ ಚಿತ್ರವನ್ನು ನಿರ್ದೇಶಕ ಶೇರ್ ಮಾಡಿದ್ದಾರೆ. ಈ ಕಾರು ಹಿಂದಿನ ಬ್ಯಾಟ್‍ಮ್ಯಾನ್‍ ಕಾರಿಗೆ ಹೋಲಿಸಿದರೆ ಸಾಮಾನ್ಯವಾಗಿದೆ. ಆದರೆ ಈ ಕಾರನ್ನು ವ್ಯಾಪಕವಾಗಿ ಮಾಡಿಫೈ ಮಾಡಲಾಗಿದೆ.

ಕಾರಿನ ಮುಂಭಾಗವು ಮ್ಯಾಟ್ ಬ್ಲ್ಯಾಕ್ ಬಣ್ಣವನ್ನು ಹೊಂದಿದೆ. ಕಾರಿನಲ್ಲಿರುವ ಹುಡ್‍‍ನ ಎರಡು ಬದಿಗಳಲ್ಲಿ ಮೆಟಲ್ ಫ್ರೇಮ್ ಅನ್ನು ಅಳವಡಿಸಲಾಗಿದೆ. ಕಾರಿನಲ್ಲಿ ಹುಡ್ ಮೆಷಿನ್‍‍‍ಗಳಿಗೆ ಹೆಚ್ಚಿನ ಸ್ಥಳಾವಕಾಶವನ್ನು ಕಲ್ಪಿಸಲು ಕಾರಿನ ಎಂಜಿನ್ ಅನ್ನು ಹಿಂಭಾಗದಲ್ಲಿ ಇರಿಸಲಾಗಿದೆ.

ಚಿತ್ರದಲ್ಲಿ ಕಾರಿನ ಹಿಂಭಾಗದ ಬಗ್ಗೆ ಮಾಹಿತಿಯು ಬಹಿರಂಗಗೊಂಡಿದೆ. ಬ್ಯಾಟ್‍‍ಮೊಬೈಲ್ ಕಾರಿನಲ್ಲಿ ದೊಡ್ಡ ಮತ್ತು ಅಗಲವಾದ ಟಯರ್‍‍ಗಳಿವೆ. ಹೊಸ ಬ್ಯಾಟ್‍‍‍ಮೊಬೈಲ್ ಕಾರು ದೊಡ್ಡ ವ್ಹೀಲ್ ಆರ್ಚ್‍‍ಗಳನ್ನು ಹೊಂದಿದೆ.

ಈ ಕಾರಿನಲ್ಲಿ ಆಕರ್ಷಕವಾದ ಹೆಡ್‍‍ಲೈಟ್ ಮತ್ತು ಟೇಲ್‍‍‍ಲೈಟ್‍‍ಗಳಿವೆ. ಕಾರಿನ ಬಾಡಿಯನ್ನು ಗಟ್ಟಿಯಾಗಿಸಲು ರೋಲ್ ಗೇಜ್ ಅನ್ನು ಅಳವಡಿಸಲಾಗಿದೆ. ಬ್ಯಾಟ್‍ಮೊಬೈಲ್ ಕಾರಿನ ಹಿಂಭಾಗದಲ್ಲಿ ದೊಡ್ಡ ಎಂಜಿನ್ ಅನ್ನು ಅಳವಡಿಸಲಾಗಿದೆ.

ಈ ಎಂಜಿನ್ ಹೆಚ್ಚು ಪವರ್‍‍ಫುಲ್ ಆಗಿದೆ. ಪವರ್‍‍ಫುಲ್ ಎಂಜಿನ್ ಅನ್ನು ಅಳವಡಿಸಿರುವುದರಿಂದ ಈ ಕಾರಿನ ಬಾಡಿಯನ್ನು ಸದೃಡವಾಗಿ ತಯಾರಿಸಲಾಗಿದೆ. ಒಟ್ಟಾರೆಯಾಗಿ ಹಿಂದಿನ ಬ್ಯಾಟ್‍‍ಮೊಬೈಲ್ ಕಾರಿಗೆ ಹೋಲಿಸಿದರೆ ವಿಭಿನ್ನವಾಗಿ ತಯಾರಿಸಲಾಗಿದೆ.

ಹೊಸ ಬ್ಯಾಟ್‍‍ಮ್ಯಾನ್ ಚಲನಚಿತ್ರವು 2021ರ ಜೂನ್ 25ರಂದು ತೆರೆಕಾಣಲಿದೆ. ರಾಬರ್ಟ್ ಪ್ಯಾಟಿನ್ಸನ್ ಈ ಚಿತ್ರದಲ್ಲಿ ಮುಖ್ಯ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಸಿನಿಪ್ರಿಯರು ಬ್ಯಾಟ್‍‍ಮ್ಯಾನ್ ಚಿತ್ರಕ್ಕಾಗಿ ಕಾತುರದಿಂದ ಕಾಯುತ್ತಿದ್ದಾರೆ. ಚಿತ್ರದಲ್ಲಿ ಬ್ಯಾಟ್‍ಮ್ಯಾನ್ ಬಳಸುವ ಬ್ಯಾಟ್‍ಮೊಬೈಲ್ ಕಾರಿನ ಬಗ್ಗೆ ಹೆಚ್ಚು ಕೂತಹಲ ಮೂಡಿಸಿದೆ.