ಅವತಾರ್ ಮೂವಿ ಸ್ಟೈಲ್‍‍ನಲ್ಲಿ ವಿನ್ಯಾಸಗೊಂಡ ಮರ್ಸಿಡಿಸ್ ಕಾರು..!

ಅಂದ ಹಾಗೆ ಈ ಕಾರ್ ಅನ್ನು ಅಭಿವೃದ್ಧಿಪಡಿಸಲಿರುವುದು ಮರ್ಸಿಡಿಸ್ ಬೆಂಝ್ ಕಂಪನಿ. ಈ ಕಾನ್ಸೆಪ್ಟ್ ಕಾರ್ ಅನ್ನು ಇತ್ತೀಚಿಗೆ ಲಾಸ್ ವೇಗಾಸ್‍‍‍ನಲ್ಲಿ ನಡೆದ 2020ರ ಸಿ‍ಇ‍ಎಸ್ ಸಮ್ಮೇಳನದಲ್ಲಿ ಅನಾವರಣಗೊಳಿಸಲಾಯಿತು. ಅವತಾರ್ ಎಂಬ ಹೆಸರಿನಲ್ಲಿ ಪ್ರದರ್ಶಿಸಲಾದ ಈ ಕಾರಿನಲ್ಲಿ ಹಲವಾರು ಆಧುನಿಕ ಟೆಕ್ನಾಲಜಿಗಳನ್ನು ಅಳವಡಿಸಲಾಗಿದೆ.

ಅವತಾರ್ ಚಿತ್ರದಲ್ಲಿದ್ದ ಪಾತ್ರಗಳನ್ನು ಬಳಸಿಕೊಂಡು ನಿರ್ದೇಶಕ ಜೇಮ್ಸ್ ಕ್ಯಾಮರೋನ್‍‍ರವರು ಈ ಕಾರ್ ಅನ್ನು ವಿನ್ಯಾಸಗೊಳಿಸಿದ್ದಾರೆ. ಈ ಕಾರಿನಲ್ಲಿರುವ ಲುಕ್ ಹಾಗೂ ಆಧುನಿಕ ಟೆಕ್ನಾಲಜಿಗಳನ್ನು ಇದೇ ಮೊದಲ ಬಾರಿಗೆ ವಿಶಿಷ್ಟವಾಗಿ ವಿನ್ಯಾಸಗೊಳಿಸಲಾಗಿದೆ.

33 ಮೂವೇಬಲ್ ಸ್ಕೇಲ್‍‍ಗಳನ್ನು ಹೊಂದಿರುವ ಈ ಅವತಾರ್ ಕಾರು ವಿವಿಧ ದಿಕ್ಕುಗಳಲ್ಲಿ ಚಲಿಸುತ್ತದೆ. ಈ ಸ್ಕೇಲ್‍‍ಗಳಿಂದಾಗಿ ಕಾರಿನ ಹೊರಗಡೆಯಿರುವವರ ಜೊತೆಗೆ ಸಂಪರ್ಕ ಸಾಧಿಸಬಹುದು. ಅವತಾರ್ ಚಿತ್ರದಲ್ಲಿ ಕಂಡುಬಂದ ಮರದಲ್ಲಿದ್ದಂತಹ ಸೀಡ್‍‍ಗಳನ್ನು ಈ ಕಾರಿನ ವ್ಹೀಲ್‍‍ಗಳಲ್ಲಿ ಅಳವಡಿಸಲಾಗಿದೆ.

ಇದರಿಂದಾಗಿ ಚಲನೆಯಲ್ಲಿದ್ದಾಗ ಕಾರು ಅಲುಗಾಡುವ ಅನುಭವವಾಗುತ್ತದೆ. ಮತ್ತೊಂದು ಪ್ರಮುಖ ಅಂಶವೆಂದರೆ ಈ ಕಾರಿನಲ್ಲಿರುವ ಸ್ಟೀಯರಿಂಗ್ ವ್ಹೀಲ್. ಇದರಲ್ಲಿ ಆಟೋಮ್ಯಾಟಿಕ್ ಟೆಕ್ನಾಲಜಿಯನ್ನು ಅಳವಡಿಸಲಾಗಿದೆ.

ಇದರಿಂದಾಗಿ ಈ ಕಾರ್ ಅನ್ನು ಡ್ರೈವ್ ಮಾಡುವ ಅವಶ್ಯಕತೆಯಿಲ್ಲ. ಮೊಟ್ಟೆಯ ರೂಪದಲ್ಲಿರುವ ಸಿಸ್ಟಂ ಈ ಕಾರ್ ಅನ್ನು ಕಂಟ್ರೋಲ್ ಮಾಡುತ್ತದೆ. ಈ ಸಿಸ್ಟಂ ಅನ್ನು ಇದು ಭವಿಷ್ಯದ ಕಾರು ಎಂಬ ಕಾರಣಕ್ಕೆ ನೀಡಲಾಗಿದೆ. ಕಾರಿನಲ್ಲಿರುವ ಬಹುತೇಕ ಕಂಟ್ರೋಲ್‍‍ಗಳು ಒವಲ್ ಶೇಪಿನಲ್ಲಿವೆ.

ಒವಲ್ ಶೇಪಿನ ಕಂಟ್ರೋಲರ್ ಮೇಲೆ ಕೈಯಿಟ್ಟಾಗ ಕೈಯಿಟ್ಟವರ ಹಾರ್ಟ್‍‍ಬೀಟ್ ತೋರಿಸುತ್ತದೆ. ಟ್ರಯಾಂಗ್ಯುಲರ್ ಶೇಪಿನಲ್ಲಿರುವ ಸೀಟುಗಳನ್ನು ಅವತಾರ್ ಚಿತ್ರದಲ್ಲಿರುವ ಜೀವ ರಕ್ಷಕ ಮೆಕಾನಿಸಂನಿಂದ ಪಡೆಯಲಾಗಿದೆ. ಈ ಕಾರಿನಲ್ಲಿರುವ ಪ್ರತಿಯೊಂದು ಭಾಗವೂ ಅವತಾರ್ ಚಿತ್ರದ ರೂಪದಲ್ಲಿದೆ.

ಇದರ ಜೊತೆಗೆ ಮಕ್ಕಳಿಗಾಗಿ ಈ ಕಾರಿನಲ್ಲಿ ಆಟ ಹಾಗೂ ಕ್ರೀಡೆಗಳಿಗೆ ಸಂಬಂಧಪಟ್ಟ ಹಲವಾರು ಸಂಗತಿಗಳಿವೆ. ಈ ಕಾರಿನಲ್ಲಿ ಆರ್ಗಾನಿಕ್ ಬ್ಯಾಟರಿಯನ್ನು ಅಳವಡಿಸಲಾಗಿದೆ. ಇದಕ್ಕಾಗಿ ಯಾವುದೇ ಮಿನರಲ್‍‍ಗಳ ಅಗತ್ಯವಿರುವುದಿಲ್ಲ.

110 ಕಿ.ವ್ಯಾನ ಈ ಬ್ಯಾಟರಿಯನ್ನು ಪೂರ್ತಿಯಾಗಿ ಚಾರ್ಜ್ ಮಾಡಿದರೆ 700 ಕಿ.ಮೀವರೆಗೆ ಚಲಿಸಬಹುದು. ಈ ಬ್ಯಾಟರಿಯಲ್ಲಿರುವ ಎಲೆಕ್ಟ್ರಿಕ್ ಮೋಟರ್ 470 ಬಿ‍‍ಹೆಚ್‍‍ಪಿ ಪವರ್ ಉತ್ಪಾದಿಸುತ್ತದೆ. ಇದರ ಜೊತೆಗೆ ಈ ಕಾರಿನ ಇಂಟಿರಿಯರ್‍‍ನಲ್ಲಿ ರಿಸೈಕಲ್ ಪ್ಲಾಸ್ಟಿಕ್‍‍ಗಳನ್ನು ಬಳಸಲಾಗಿದೆ.

ಸೀಟುಗಳಲ್ಲಿ ದಿನಾಮ್ಕಾ ಲೆದರ್ ಅಳವಡಿಸಲಾಗಿದೆ. ಕಾರಿನ ಬೇಸ್‍‍ಮೆಂಟ್ ಅನ್ನು ಕರುನ್ ಎಂಬ ಮರದಿಂದ ತಯಾರಿಸಲಾಗಿದೆ. ಈ ಮರಗಳನ್ನು ಇಂಡೋನೇಷ್ಯಾದಿಂದ ಆಮದು ಮಾಡಿಕೊಳ್ಳಲಾಗಿದೆ. ಮರ್ಸಿಡಿಸ್ ಬೆಂಝ್ ಕಾರು ಈ ಕಾರಿನ ಮೂಲಕ ಭವಿಷ್ಯದ ಎಲೆಕ್ಟ್ರಿಕ್ ಕಾರ್ ಅನ್ನು ತಯಾರಿಸಿದೆ.

ಲಾಸ್ ವೇಗಾಸ್ ಸಮ್ಮೇಳನದಲ್ಲಿ ಪ್ರದರ್ಶಿಸಲಾದ ಈ ಕಾನ್ಸೆಪ್ಟ್ ಕಾರಿನ ಉತ್ಪಾದನೆಯನ್ನು ಶೀಘ್ರದಲ್ಲಿಯೇ ಆರಂಭಿಸಲಾಗುವುದು. ಭಾರತದಲ್ಲಿ ಈ ಕಾರ್ ಅನ್ನು ಬಿಡುಗಡೆಗೊಳಿಸುವ ಬಗ್ಗೆ ಹಾಗೂ ಈ ಕಾರ್ ಅನ್ನು ಯಾವಾಗ ಬಿಡುಗಡೆಗೊಳಿಸಲಾಗುವುದು ಎಂಬ ಬಗ್ಗೆ ಮರ್ಸಿಡಿಸ್ ಕಂಪನಿಯು ಯಾವುದೇ ಮಾಹಿತಿಯನ್ನು ಬಹಿರಂಗಪಡಿಸಿಲ್ಲ.