ಡ್ರೈವಿಂಗ್ ವೇಳೆ ಹೃದಯಾಘಾತವಾದ್ರೆ AI ಮೂಲಕ ನಿಮ್ಮನ್ನು ರಕ್ಷಿಸುವ ಅದ್ಭುತ ಎಲೆಕ್ಟ್ರಿಕ್ ಕಾರ್...

ಚೀನಾದಲ್ಲಿ ರೆನಾಲ್ಟ್ ಸಮೂಹ ಸಂಸ್ಥೆಯ ಅಡಿಯಲ್ಲಿ ಹೊಸ ಸ್ಟಾರ್ಟ್ ಅಪ್ ಕಂಪನಿಯಾದ ಬಿಯಾಂಕಾ ಈ ಅತ್ಯಾಧುನಿಕ ಕಾರನ್ನು ನಿರ್ಮಿಸಿದೆ. ಇದು ಸಂಪೂರ್ಣ ಎಲೆಕ್ಟ್ರಿಕ್ ಕಾರ್ ಆಗಿದ್ದು, ಈ ಕಾರು ಚಾಲಕನ ದೈಹಿಕ ಸ್ಥಿತಿಯನ್ನು ಮೇಲ್ವಿಚಾರಣೆ ಮಾಡುತ್ತದೆ. ಬಳಿಕ ಚಾಲಕನನ್ನು ತನ್ನ ಆರ್ಟಿಫಿಷಿಯಲ್ ಇಂಟಲಿಜನ್ಸ್ ಮೂಲಕ ರಕ್ಷಿಸುತ್ತದೆ.

ವಿವರವಾಗಿ ಹೇಳುವುದಾದರೆ ಎದೆನೋವಿನಂತಹ ಯಾವುದೇ ಅವಘಡಗಳು ಸಂಭವಿಸಿದಾಗ ತಕ್ಷಣವೇ ಸಹಾಯ ಮಾಡುವ ಸೌಲಭ್ಯಗಳನ್ನು ಒದಗಿಸುತ್ತದೆ. ಅಂದರೆ ಇನ್‌ಫೋಟೈನ್‌ಮೆಂಟ್‌ ಸಿಸ್ಟಮ್ ಮೂಲಕ ವೈದ್ಯರೊಂದಿಗೆ ಸಂವಹನ ನಡೆಸುತ್ತದೆ. ಅದಕ್ಕಾಗಿ ಈ ಕಾರಿಗೆ ಸೆನ್ಸರ್ ಮತ್ತು ಕ್ಯಾಮೆರಾ ಅಳವಡಿಸಲಾಗಿದೆ.

ಚಾಲಕನ ಎಲ್ಲಾ ಕ್ರಿಯೆಗಳನ್ನು ಮೇಲ್ವಿಚಾರಣೆ ಮಾಡಲಾಗುತ್ತದೆ. ಅದರಲ್ಲಿ ಏನಾದರೂ ತೊಂದರೆಯಾದರೆ, ಕಾರಿನಲ್ಲಿರುವ AI (ಕೃತಕ ಬುದ್ಧಿಮತ್ತೆ) ಅದನ್ನು ಮೊದಲು ಪತ್ತೆ ಮಾಡುತ್ತದೆ. ಬಳಿಕ ಚಾಲಕನಿಗೆ ಧ್ವನಿ ಕರೆ ಮಾಡಿ ಅದಕ್ಕೆ ಸ್ಪಂದಿಸುತ್ತಿದ್ದಾನೆಯೇ ಎಂಬುದನ್ನು ಇದು ಪರಿಶೀಲಿಸುತ್ತದೆ.

ಒಂದು ವೇಳೆ ಚಾಲಕ ಅದಕ್ಕೆ ಪ್ರತಿಕ್ರಿಯಿಸಲು ವಿಫಲವಾದರೆ, ಏನಾದರೂ ಅಹಿತಕರ ಘಟನೆ ಸಂಭವಿಸಲಿದೆ ಎಂದು ತಾನಾಗಿಯೇ ಅರಿತುಕೊಳ್ಳುತ್ತದೆ. ಬಳಿಕ ತಾನಾಗಿಯೇ ಸಂಪೂರ್ಣವಾಗಿ ಕಾರನ್ನು ನಿಯಂತ್ರಿಸಿ ಸುರಕ್ಷಿತವಾಗಿ ಬದಿಯಲ್ಲಿ ನಿಲ್ಲಿಸುತ್ತದೆ. ನಂತರ ಇನ್ಫೋಟೈನ್‌ಮೆಂಟ್ ಸ್ಕ್ರೀನ್ ಮೂಲಕ ವೈದ್ಯರೊಂದಿಗೆ ಸಂವಹನ ನಡೆಸುತ್ತದೆ.

ಇದು ವೈದ್ಯರ ಮೇಲೆ ಹೇಗೆ ಪರಿಣಾಮ ಬೀರುತ್ತದೆ? ಚಾಲಕನಿಗೆ ಪ್ರಥಮ ಚಿಕಿತ್ಸೆ ಏನು? ತಕ್ಷಣ ಸಹಾಯಕ್ಕಾಗಿ ಜನರನ್ನು ಕರೆಯುವುದು, ಕಾರು ಈಗ ಎಲ್ಲಿದೆ ಎಂದು ತಿಳಿದುಕೊಳ್ಳುವುದು ಹಾಗೂ ಹತ್ತಿರದ ಆಸ್ಪತ್ರೆಗೆ ಎಚ್ಚರಿಕೆ ನೀಡುವಂತಹ ಎಲ್ಲವನ್ನೂ ಇದು ಮಾಡುತ್ತದೆ.

ಬಿಯಾಂಕಾದ ಬಗ್ಗೆ ಒಂದಷ್ಟು ಮಾಹಿತಿ

ಬಿಯಾಂಕಾಗೆ ಸಂಬಂಧಿಸಿದಂತೆ, ರೆನಾಲ್ಟ್‌ನ ದಕ್ಷಿಣ ಏಷ್ಯಾ ಮುಖ್ಯಸ್ಥರು ಕಂಪನಿಯನ್ನೂ ನಿರ್ವಹಿಸುತ್ತಿದ್ದಾರೆ. ಝೌ ವೈಮಿಂಗ್ ಪ್ರಸ್ತುತ ಉಸ್ತುವಾರಿ ವಹಿಸಿಕೊಂಡಿದ್ದಾರೆ. ಅವರು 15 ವರ್ಷಗಳ ಕಾಲ ಫೋಕ್ಸ್‌ವ್ಯಾಗನ್ ಚೀನಾದಲ್ಲಿ ಕೆಲಸ ಮಾಡಿದವರು. ಕಳೆದ ವರ್ಷ ರೆನಾಲ್ಟ್‌ಗೆ ಸೇರಿದರು.

ಚೀನಾದಲ್ಲಿ ಸೂಪರ್ ಪ್ರೀಮಿಯರ್ ಕಾರುಗಳನ್ನು ಮಾರಾಟ ಮಾಡಲು ಬಿಯಾಂಕಾ ನಿರ್ಧರಿಸಿದೆ. 3ರಿಂದ 5 ಮಾದರಿಯ ಕಾರುಗಳನ್ನು ತಯಾರಿಸಲು ನಿರ್ಧರಿಸಲಾಗಿದೆ. ಕಂಪನಿಯು ವರ್ಷಕ್ಕೆ 1 ಲಕ್ಷ ಕಾರುಗಳನ್ನು ಉತ್ಪಾದಿಸಲು ಯೋಜಿಸುತ್ತಿದೆ. ಪ್ರೀಮಿಯಂ ಕಾರುಗಳಿಗೆ ಚೀನಾ ಅತಿ ದೊಡ್ಡ ಮಾರುಕಟ್ಟೆಯಾಗಿದೆ.

ಅದನ್ನು ಗುರುತಿಸಿ ಕಂಪನಿಯು ಪ್ರೀಮಿಯಂ ಕಾರುಗಳನ್ನು ತಯಾರಿಸುತ್ತಿದೆ. ಬಿಯಾಂಕಾ ಬಿಡುಗಡೆ ಮಾಡಿರುವ GT Opus 1 ಬೆಲೆಯು 8.98 ಲಕ್ಷ ಚೈನೀಸ್ ಯೆನ್, ಅಂದರೆ ಭಾರತೀಯ ಕರೆನ್ಸಿಯಲ್ಲಿ ಸುಮಾರು 1.2 ಕೋಟಿ ರೂ. ಟಾಪ್ ಮಾಡೆಲ್ ಬೆಲೆ 1.8 ಮಿಲಿಯನ್ ಚೈನೀಸ್ ಯೆನ್ ಆಗಿದೆ, ಇದು ಭಾರತದಲ್ಲಿ 2.04 ಕೋಟಿ ರೂ. ಇರಬಹುದು.

ಬಿಯಾಂಕಾ ಚೈನೀಸ್ ಸ್ಟಾರ್ಟ್ ಅಪ್ ಕಂಪನಿಯಾಗಿದ್ದು ಈಗ ರೆನಾಲ್ಟ್ ಖರೀದಿಸಿ ಮುನ್ನಡೆಸುತ್ತಿದೆ. ಕಂಪನಿಯು ತನ್ನ ಮೊದಲ ಕಾರನ್ನು 2023 ರ ಮೊದಲ ತ್ರೈಮಾಸಿಕದಲ್ಲಿ ಬಿಡುಗಡೆ ಮಾಡಲು ಸಜ್ಜಾಗಿದೆ. ಈ ಜಗತ್ತಿನ ಯಾವ ಕಾರಿನಲ್ಲೂ ಇಲ್ಲದ ಹಲವು ಸೌಲಭ್ಯಗಳೊಂದಿಗೆ ಈ ಕಾರು ಬಿಡುಗಡೆಯಾಗಲಿದೆ.

ಕಂಪನಿಯು ಈ ಕಾರಿಗೆ ಜಿಟಿ ಒಪೆರಾಸ್ 1 ಎಂದು ಹೆಸರಿಸಿದೆ. ಈ ಕಾರು ಮಾರುಕಟ್ಟೆಯಲ್ಲಿ ಬಿಎಂಡಬ್ಲ್ಯು ಏಜಿಸ್ 7 ಸಿರೀಸ್ ಮತ್ತು ಪೋರ್ಷೆ ಏಜಿಸ್ ಟಕನ್ ಸೈರೆನ್‌ನೊಂದಿಗೆಗೆ ಸ್ಪರ್ಧಿಸಲಿದೆ. ಸದ್ಯಕ್ಕಿರುವ ಮಾಹಿತಿಯ ಪ್ರಕಾರ ಈ ಕಾರು ವಿಶ್ವದ ಅತ್ಯುನ್ನತ ತಂತ್ರಜ್ಞಾನವನ್ನು ಪಡೆದ ಕಾರಾಗಿದೆ.

ಮುಂದಿನ ದಿನಗಳಲ್ಲಿ ಎಲ್ಲಾ ಕಾರು ಬ್ರಾಂಡ್‌ಗಳು ಈ ತಂತ್ರಜ್ಞಾನವನ್ನು ಬಳಸಿಕೊಳ್ಳಲಿವೆ. ಆದರೆ ಅದಕ್ಕೂ ಮುಂಚಿತವಾಗಿಯೇ ಬಿಯಾಂಕಾ ಮಾರಾಟದಲ್ಲಿ ತನ್ನ ಹಿಡಿತವನ್ನು ಸಾಧಿಸಲು ಯೋಜಿಸಿಕೊಂಡಿದೆ. ಬಿಯಾಂಕಾ ಕಂಪನಿಯು ಈ ಕಾರನ್ನು ಅಂತರಾಷ್ಟ್ರೀಯ ಮಟ್ಟದಲ್ಲಿ ಬಿಡುಗಡೆ ಮಾಡಲಿದ್ದು, ಟಾಪ್ ಬ್ರಾಂಡ್‌ಗಳಿಗೆ ಪೈಪೋಟಿ ನೀಡಲು ಸಜ್ಜಾಗಿದೆ.

ಡ್ರೈವ್‌ಸ್ಪಾರ್ಕ್ ಅಭಿಪ್ರಾಯ

ಈಗಾಗಲೇ ವಿಶ್ವಾದ್ಯಂತ ಎಲೆಕ್ಟ್ರಿಕ್ ಕಾರುಗಳಿಗೆ ಬೇಡಿಕೆ ಹೆಚ್ಚಾಗಿದೆ. ಆದರೆ ಜನರಿಗೆ ಕೈಗೆಟುಕುವ ಬೆಲೆಗೆ ಎಲೆಕ್ಟ್ರಿಕ್ ಕಾರುಗಳು ಸಿಗುತ್ತಿಲ್ಲ, ಇದಕ್ಕಾಗಿ ಕೇಂದ್ರ ಸರ್ಕಾರ ಕೂಡ ಹಲವು ಸಬ್ಸಿಡಿಗಳನ್ನು ನೀಡುತ್ತಿದೆ. ಭಾರತದಲ್ಲೂ ಬಿಯಾಂಕಾ ಬಿಡುಗಡೆಯಾದಲ್ಲಿ ಸಬ್ಸಿಡಿ ಸಿಗಲಿದೆಯದರೂ ಬೆಲೆ ಹೆಚ್ಚಾಗಿಯೇ ಇರುತ್ತದೆ. ಹಾಗಾಗಿ ಬಿಯಾಂಕಾ ಭಾರತೀಯ ಗ್ರಾಹಕರಿಗಾಗಿ ಅಗ್ಗದ ಬೆಲೆಯಲ್ಲಿ ಇಂತಹ ಕಾರುಗಳನ್ನು ಪರಿಚಯಿಸಲಿದೆಯೇ ಕಾದುನೋಡಬೇಕು.