ಮಹೀಂದ್ರ ಎಲೆಕ್ಟ್ರಿಕ್ ಸ್ಪೋರ್ಟ್ಸ್ ಕಾರು ಅನಾವರಣ

ಮಹೀಂದ್ರ ರೇವಾ ಹ್ಯಾಲೊ ಕಾರು ಕೇವಲ ಎಂಟು ಸೆಕೆಂಡುಗಳಲ್ಲಿ ಗಂಟೆಗೆ 0-100 ಕೀ.ಮೀ. ವೇಗವರ್ಧಿಸುವ ಸಾಮರ್ಥ್ಯ ಹೊಂದಿರಲಿದೆ. ಹಾಗೆಯೇ ಗಂಟೆಗೆ ಗರಿಷ್ಠ 160 ಕೀ.ಮೀ. ವೇಗದಲ್ಲಿ ಸಂಚರಿಸಲಿದೆ.

ನಿರ್ವಹಣೆ ವಿಚಾರದಲ್ಲಿ ಸಾಮಾನ್ಯ ಸ್ಪೋರ್ಟ್ಸ್ ಕಾರುಗಳಷ್ಟು ಪವರ್‌ಫುಲ್ ಆಗಿಲ್ಲದಿದ್ದರೂ ಹ್ಯಾಲೊ ವಿದ್ಯುತ್ ಚಾಲಿತ ವಾಹನ ಮೂಲಕ ಮಹೀಂದ್ರ ರೇವಾ ದಿಟ್ಟ ಹೆಜ್ಜೆಯನ್ನಿಟ್ಟಿದೆ.

ಮಹೀಂದ್ರ ಹ್ಯಾಲೊ ನಿರ್ವಹಣೆ

ಮಹೀಂದ್ರ ಹ್ಯಾಲೊ ವಿದ್ಯುತ್ ಚಾಲಿತ ಕಾರು, 105 ಕೆಡಬ್ಲ್ಯು (140 ಅಶ್ವಶಕ್ತಿ) ಯುನಿಟ್ ಉತ್ಪಾದಿಸಬಲ್ಲ ಎಲೆಕ್ಟ್ರಿಕ್ ಮೋಟಾರು ಹೊಂದಿರಲಿದೆ.

ಮಹೀಂದ್ರ ಹ್ಯಾಲೊ ಸಂಪೂರ್ಣ ಚಾರ್ಜ್ ಆಗಲು ಒಂದು ತಾಸು ತಗುಲಲಿದೆ. ಇದು 200 ಕೀ.ಮೀ. ವರೆಗೂ ಸಾಗಲು ನೆರವಾಗಲಿದೆ. ಇದರ ಮಗದೊಂದು ವರ್ಷನ್ 150 ಕೀ.ಮೀ. ವರೆಗೆ ಚಲಿಸಲಿದೆ.

ಒಳಮೈ

ಇನ್ನು ಕಾರಿನೊಳಗೆ ಟ್ಯಾಬ್ಲಟ್ ಕಂಪ್ಯೂಟರ್ ಸೌಲಭ್ಯವಿರಲಿದೆ. ಇದು ಡಿಜಿಟಲ್ ಡಿಸ್‌ಪ್ಲೇ ತರಹನೂ ಕೆಲಸ ಮಾಡಲಿದೆ.

ಈ ಎಲ್ಲದರ ಮೂಲಕ ತಂತ್ರಗಾರಿಕೆ ಹಾಗೂ ಭವಿಷ್ಯದ ಸಂಚಾರ ವಾಹಕ ದೃಷ್ಟಿಕೋನದಲ್ಲಿ ಮಹೀಂದ್ರ ಅಕ್ಷರಶ: ಗಮನ ಸೆಳೆಯುವಲ್ಲಿ ಯಶಸ್ವಿಯಾಗಿದೆ.

ರೇವಾ ಡಿಸೈನ್ ತಲಹದಿಯಲ್ಲಿ ಮಹೀಂದ್ರ ಹ್ಯಾಲೊ ವಿನ್ಯಾಸಗೊಳಿಸಲಾಗಿದೆ. ಇದು ತಾಜಾ ಹಾಗೂ ಆಕರ್ಷಕ ವಿನ್ಯಾಸ ಪಡೆದುಕೊಂಡಿದೆ.