ದಟ್ಸನ್ ಗೊ ಪ್ಲಸ್ ಎಂಪಿವಿ ಭರ್ಜರಿ ಎಂಟ್ರಿ

By Nagaraja

Published: Thursday, February 6, 2014, 8:31 [IST]

ನಿಸ್ಸಾನ್‌ನ ಕಡಿಮೆ ವೆಚ್ಚದ ಕಾರು ಬ್ರಾಂಡ್ ಆಗಿರುವ ದಟ್ಸನ್, ನೂತನ ದಟ್ಸನ್ ಗೊ ಪ್ಲಸ್ ಎಂಪಿವಿ ಕಾರನ್ನು ಭಾರತ ಮಾರುಕಟ್ಟೆಗೆ ಪರಿಚಯಿಸಿದೆ.

2014 ದೆಹಲಿ ಆಟೋ ಎಕ್ಸ್ ಪೋ

ರಾಷ್ಟ್ರ ರಾಜಧಾನಿಯಲ್ಲಿ ಸಾಗುತ್ತಿರುವ 12ನೇ ಆಟೋ ಎಕ್ಸ್ ಪೋದಲ್ಲಿ ದಟ್ಸನ್ ಗೊ ಪ್ಲಸ್ ಎಂಪಿವಿ ಪ್ರದರ್ಶನಗೊಂಡಿದೆ. ಇದಕ್ಕೂ ಮೊದಲು ಗೊ ಪ್ಲಸ್ ಮಾದರಿ ಇಂಡೋನೇಷ್ಯಾದಲ್ಲಿ ಅನಾವರಣಗೊಂಡಿತ್ತು.

ಇದು ದಟ್ಸನ್‌ನಿಂದ ಬಂದಿರುವ ಮೊದಲ ಎಂಪಿವಿ ಸೆಗ್ಮೆಂಟ್ ಕಾರಾಗಿರಲಿದೆ. ಗೊ ಹ್ಯಾಚ್‌ಬ್ಯಾಕ್ ತಲಹದಿಯಲ್ಲಿ ಇದನ್ನು ರೂಪಿಸಲಾಗಿದೆ. ಇದೇ ಸಂದರ್ಭದಲ್ಲಿ ರೆಡಿ ಗೊ ಕ್ರಾಸೋವರ್ ಕಾನ್ಸೆಪ್ಟ್ ಸಹ ಪ್ರದರ್ಶಿಸಲಾಗಿತ್ತು.

ದೊಡ್ಡ ಕುಟುಂಬವನ್ನು ಗುರಿಯಾಗಿರಿಸಿಕೊಂಡು ದಟ್ಸನ್ ಗೊ ಪ್ಲಸ್ ಹ್ಯಾಚ್‌ಬ್ಯಾಕ್ ಕಾರು ನಿರ್ಮಿಸಲಾಗಿದೆ. ಇದು 5+2 ಆಸನ ವ್ಯವಸ್ಥೆ ಹೊಂದಿರಲಿದೆ.

ಪ್ರಮುಖವಾಗಿ ಮಾರುತಿ ಎರ್ಟಿಗಾ ಹಾಗೂ ಇನ್ನಷ್ಟೇ ಆಗಮನವಾಗಲಿರುವ ಹೋಂಡಾ ಮೊಬಿಲಿಯೊ ಪ್ರತಿಸ್ಪರ್ಧಿಯಾಗಲಿರುವ ದಟ್ಸನ್ ಗೊ ಪ್ಲಸ್ ಎಂಪಿವಿ, ಅನೇಕ ವೈಶಿಷ್ಟ್ಯಗಳನ್ನು ಒಳಗೊಂಡಿರಲಿದೆ.