ಅಪಘಾತ ಪರೀಕ್ಷೆಯಲ್ಲಿ ಎಡವಿದ ಫೋರ್ಡ್ ಇಕೊಸ್ಪೋರ್ಟ್

ಫೋರ್ಡ್‌ನ ಚೆನ್ನೈ ಘಟಕದಲ್ಲಿ ತಯಾರಿಸಲಾದ ಇಕೊಸ್ಪೋರ್ಟ್ ಟೈಟಾನಿಯಂ ವೆರಿಯಂಟನ್ನು ಅಪಘಾತ ಪರೀಕ್ಷೆಗೊಳಪಡಿಸಲಾಗಿತ್ತು. ನಿಮ್ಮ ಮಾಹಿತಿಗಾಗಿ, ಯುರೋಪ್‌ನಲ್ಲಿ ಅಪಘಾತ ಪರೀಕ್ಷೆ ನಡೆಸುವುದು ಅತಿ ಅಗತ್ಯವಾಗಿದೆ.

ಇಲ್ಲಿ ಕಂಡುಬಂದಿರುವ ಪ್ರಮುಖ ಅಂಶವೆಂದರೆ ಪಾದಚಾರಿ ಸುರಕ್ಷತೆಯನ್ನು ಒದಗಿಸುವುಲ್ಲಿ ಈ ಮಿನಿ ಎಸ್‌ಯುವಿ ಸಂಪೂರ್ಣವಾಗಿ ವಿಫಲಗೊಂಡಿದೆ.

ಇನ್ನು ಪ್ರಾಪ್ತ ವಯಸ್ಕರ (adult) ಸುರಕ್ಷತೆಯಲ್ಲಿ ಶೇಕಡಾ 93 ಹಾಗೂ ಮಕ್ಕಳ ಸುರಕ್ಷತೆಯಲ್ಲಿ (child) ಶೇಕಡಾ 77ರಷ್ಟು ರೇಟಿಂಗ್ ಕಾಯ್ದುಕೊಳ್ಳುವಲ್ಲಿ ಇಕೊಸ್ಪೋರ್ಟ್ ಯಶಸ್ವಿಯಾಗಿದೆ. ಹಾಗೆಯೇ ಪಾದಚಾರಿ ಸುರಕ್ಷತೆ ಶೇಕಡಾ 58ರಷ್ಟಿತ್ತು.

ವೇಗ ಮಿತಿ ಸಾಧನಗಳ ಅಭಾವ, ಹಿಂದುಗಡೆ ಪ್ರಯಾಣಿಕರಿಗೆ ಸೀಟು ಬೆಲ್ಟ್ ಧರಿಸುವಂತೆ ಎಚ್ಚರಿಸುವ ವ್ಯವಸ್ಥೆಗಳ ಕೊರತೆಯೂ ಎದ್ದು ಕಾಣಿಸುತ್ತಿದೆ.

ಹಾಗಿದ್ದರೂ ಪ್ರಸ್ತುತ ವರದಿಯಲ್ಲಿ ಫೋರ್ಡ್ ಇದೇ ಮೊದಲ ಬಾರಿ ಪರಿಚಯಿಸಿರುವ ಎಮರ್ಜನ್ಸಿ ಅಸಿಸ್ಟ್ ಸೇವೆಗಳ ಕುರಿತು ಉಲ್ಲೇಖವಾಗಿಲ್ಲ.

ಹಾಗೆಯೇ ಎಲೆಕ್ಟ್ರಾನಿಕ್ ಸ್ಟೆಬಿಲಿಟಿ ಕಂಟ್ರೋಲ್ ಸ್ಟಾಂಡರ್ಡ್ ಆಗಿದೆ ಎಂದು ವರದಿ ತಿಳಿಸುತ್ತದೆ. ದೇಶದಲ್ಲಿ ಇಎಸ್‌ಸಿ 1.5 ಆಟೋಮ್ಯಾಟಿಕ್ ವೆರಿಯಂಟ್‌ಗಳಲ್ಲಿ ಮಾತ್ರ ಈ ಸೌಲಭ್ಯ ಲಭ್ಯವಾಗುತ್ತದೆ.

ಇಕೊಸ್ಪೋರ್ಟ್ ಟೆಸ್ಟಿಂಗ್ ವರದಿ ಇಂತಿದೆ:

ಪರೀಕ್ಷೆಗೊಳಪಡಿಸಿದ ಮಾದರಿ: ಫೋರ್ಡ್ ಇಕೊಸ್ಪೋರ್ಟ್ ಟೈಟಾನಿಯಂ

ಬಾಡಿ ವಿಧ: 5 ಡೋರ್ ಹ್ಯಾಚ್‌ಬ್ಯಾಕ್

ಮಾಡೆಲ್: 2013

ಕರ್ಬ್ ಭಾರ: 1350 ಕೆ.ಜಿ

ರೇಟಿಂಗ್

ಒಟ್ಟು ಐದು ಸ್ಟಾರ್‌ಗಳ ಪೈಕಿ ನಾಲ್ಕು ಸ್ಟಾರ್‌ಗಳನ್ನು ಗಿಟ್ಟಿಸಿಕೊಳ್ಳುವಲ್ಲಿ ಫೋರ್ಡ್ ಯಶಸ್ವಿಯಾಗಿದೆ.

• ವಯಸ್ಕರ ಸುರಕ್ಷತೆ: ಶೇಕಡಾ 93
• ಮಕ್ಕಳ ಸುರಕ್ಷತೆ: ಶೇಕಡಾ 77
• ಪಾದಚಾರಿ ಸುರಕ್ಷತೆ: ಶೇಕಡಾ 58
• ಸೇಫ್ಟಿ ಅಸಿಸ್ಟ್: ಶೇಕಡಾ 55



ಸುರಕ್ಷತಾ ವೈಶಿಷ್ಟ್ಯಗಳು

ಫ್ರಂಟ್ ಸೀಟು ಬೆಲ್ಟ್ ,

ಡ್ರೈವರ್ ಫ್ರಂಟ್ ಏರ್ ಬ್ಯಾಗ್,

ಫ್ರಂಟ್ ಪ್ಯಾಸೆಂಜರ್ ಫ್ರಂಟಲ್ ಏರ್‌ಬ್ಯಾಗ್,

ಸೈಡ್ ಬಾಡಿ ಏರ್ ಬ್ಯಾಗ್,

ಸೈಡ್ ಹೆಡ್ ಏರ್ ಬ್ಯಾಗ್,

ಎಲೆಕ್ಟ್ರಾನಿಕ್ ಸ್ಟೆಬಿಲಿಟಿ ಕಂಟ್ರೋಲ್,

ಸೀಟು ಬೆಲ್ಟ್ ರಿಮೈಂಡರ್



ಈ ನಡುವೆ ದೇಶದಲ್ಲಿ ಫೋರ್ಡ್ ಇಕೊಸ್ಪೋರ್ಟ್ 60,000ಕ್ಕೂ ಹೆಚ್ಚು ಬುಕ್ಕಿಂಗ್ ಗಿಟ್ಟಿಸಿಕೊಂಡಿದೆ. ಈ ಪೈಕಿ 25,000 ಯುನಿಟ್‌ಗಳನ್ನು ಈಗಾಗಲೇ ಗ್ರಾಹಕರಿಗೆ ಹಸ್ತಾಂತರಿಸಲಾಗಿದೆ. ಇಕೊಸ್ಪೋರ್ಟ್ ಬೇಡಿಕೆ ಹೆಚ್ಚಿದ್ದರಿಂದ ಉತ್ಪಾದನೆಯನ್ನು ಸ್ಥಗಿತಗೊಳಿಸಲಾಗಿತ್ತು. ಇದು ನಿರ್ದಿಷ್ಟ ವೆರಿಯಂಟ್ ಅವಲಂಬಿಸಿರಲಿದೆ ಎಂದು ಕಂಪನಿ ತಿಳಿಸಿದೆ.