ಹೋಂಡಾ 4ನೇ ತಲೆಮಾರಿನ ಸಿಟಿ ಆಗಮನಕ್ಕೆ ರೆಡಿ

ನೂತನ ಸಿಟಿ ಸೆಡಾನ್ ಕಾರು ಡೀಸೆಲ್ ವೆರಿಯಂಟ್‌ಗಳಲ್ಲಿ ಲಭಿಸಲಿದೆ ಎಂಬುದೇ ಕಾರು ಪ್ರೇಮಿಗಳನ್ನು ಅತಿ ಹೆಚ್ಚು ಉತ್ಸಾಹಕ್ಕೆ ಕಾರಣವಾಗಿದೆ. ಅಂದರೆ ಹೋಂಡಾ ಅಮೇಜ್ ಯಶಸ್ಸನ್ನು ಸಿಟಿ ಸೆಡಾನ್ ಹಿಂಬಾಲಿಸಲಿದೆ. ಹೋಂಡಾ ಅಮೇಜ್ ಈಗಾಗಲೇ 35,000 ಯುನಿಟ್‌ಗಳನ್ನು ಮಾರಾಟಗೈದಿದೆ.

ನಾಲ್ಕನೇ ತಲೆಮಾರಿನ ಹೋಂಡಾ ಸಿಟಿ ಸೆಡಾನ್ ಕಾರು ಆರರಿಂದ ಎಂಟು ವೆರಿಯಂಟ್‌ಗಳಲ್ಲಿ ಲಭ್ಯವಾಗಲಿದೆ. ಅಂದರೆ ಇದು 1.5 ಪೆಟ್ರೋಲ್ ಹಾಗೂ ಡೀಸೆಲ್ ಎಂಜಿನ್‌ಗಳು ಆಟೋಮ್ಯಾಟಿಕ್ ಟ್ರಾನ್ಸ್‌ಮಿಷನ್ ಹೊಂದಿರಲಿದೆ.

ನೂತನ ಸಿಟಿ ಕಾರು ಜಾಝ್ ಹ್ಯಾಚ್‌ಬ್ಯಾಕ್ ಫ್ಲ್ಯಾಟ್‌ಫಾರ್ಮ್‌ನಲ್ಲಿ ನಿರ್ಮಾಣವಾಗಿದೆ. ಹಾಗೆಯೇ ಸಿ ಸೆಗ್ಮೆಂಟ್ ಗ್ರಾಹಕರನ್ನು ಹೆಚ್ಚು ಆಕರ್ಷಿಸುವ ನಿಟ್ಟಿನಲ್ಲಿ ಫ್ಯೂಯಿಡಿಕ್ ವಿನ್ಯಾಸಕ್ಕೆ ಹೆಚ್ಚಿನ ಒತ್ತು ಕೊಡಲಾಗಿದೆ.

ವಿ.ಸೂ: ಸಾಂದರ್ಭಿಕ ಚಿತ್ರ ಬಳಕೆ (ಹೋಂಡಾ ಕ್ರೈಡರ್)

ಶುಭ್ರವಾದ ಹೆಡ್‌ಲ್ಯಾಂಪ್ ಜತೆಗೆ ಪ್ರೊಜೆಕ್ಟರ್ ಲ್ಯಾಂಪ್ ಕಾರಿಗೆ ಸ್ವಚ್ಛ ನೋಟ ಒದಗಿಸುತ್ತದೆ. ಹಾಗೆಯೇ ಹಿಂದುಗಡೆಯ ಎಲ್‌ಇಡಿ ಟೈಲ್ ಲೈಟ್ಸ್ ಪರಿಷ್ಕೃತಗೊಳಿಸಲಾಗಿದೆ. ಇನ್ನು ಹಿಂದಿನ ಆವೃತ್ತಿಗಿಂತಲೂ ದೊಡ್ಡದಾದ ಗಾತ್ರ ಪಡೆದುಕೊಳ್ಳಲಿದೆ.

ವಿ.ಸೂ: ಸಾಂದರ್ಭಿಕ ಚಿತ್ರ ಬಳಕೆ (ಹೋಂಡಾ ಕ್ರೈಡರ್)

ಹಾಗಿದ್ದರೂ ಇದುವರೆಗೆ ಬಿಡುಗಡೆ ದಿನಾಂಕ ಬಗ್ಗೆ ಯಾವುದೇ ಮಾಹಿತಿಗಳನ್ನು ಹೋಂಡಾ ಕಾರ್ಸ್ ಹಂಚಿಲ್ಲ. ಹಾಗಿದ್ದರೂ 2014ರಲ್ಲಿ ಭಾರತ ಮಾರುಕಟ್ಟೆ ಪ್ರವೇಶಿಸುವ ಸಾಧ್ಯತೆಯಿದೆ.

ವಿ.ಸೂ: ಸಾಂದರ್ಭಿಕ ಚಿತ್ರ ಬಳಕೆ (ಹೋಂಡಾ ಕ್ರೈಡರ್)