ವಿಶ್ವದ ಅತಿ ದುಬಾರಿ ಕಾರು- ಲಂಬೊರ್ಗಿನಿ ವೆನನೊ ರೊಡ್‌ಸ್ಟರ್

Updated: Monday, October 21, 2013, 12:27 [IST]

ಇಟಲಿ ಮೂಲದ ಸೂಪರ್ ಕಾರು ತಯಾರಕ ಸಂಸ್ಥೆಯಾದ ಲಂಬೊರ್ಗಿನಿ, ವಿಶ್ವದ ಅತಿ ದುಬಾರಿ ಕಾರನ್ನು ಲಾಂಚ್ ಮಾಡಿದೆ. ಆಕ್ರಮಣಕಾರಿ ವಿನ್ಯಾಸ ಹೊಂದಿರುವ ಈ ಸೂಪರ್ ಕಾರಿನ ಬೆಲೆ ಬರೋಬ್ಬರಿ 33 ಕೋಟಿ ( £3.36 million) ರುಪಾಯಿಗಳಾಗಿವೆ.

ಪ್ರಮುಖ ಅಂಶಗಳು:

ಕೇವಲ 3 ಸೆಕೆಂಡುಗಳಲ್ಲಿ ಗಂಟೆಗೆ 100 ಕೀ.ಮೀ. ವೇಗವರ್ಧನೆ,
ಈ ಹೈಪರ್ ಕಾರಿನಲ್ಲಿ 750 ಅಶ್ವಶಕ್ತಿ ಉತ್ಪಾದಿಸುವ 6.5 ಲೀಟರ್ ವಿ12 ಎಂಜಿನ್ ಬಳಕೆ,
ರಸ್ತೆಯಲ್ಲಿ ಓಡಾಡುವ ರೇಸ್ ಕಾರು ರೀತಿಯಲ್ಲಿ ವಿನ್ಯಾಸ ರೂಪಿಸಲಾಗಿದೆ.

ಇನ್ನು ತಯಾರಕರಿಗೆ ಈ ಟಾಪ್ ಲೆಸ್ ಸುಂದರಿಯ ರೈಡಿಂಗ್ ಅನುಭವದ ಬಗ್ಗೆ ವರ್ಣಿಸಲು ಪದಗಳೇ ಸಿಗುತ್ತಿಲ್ಲ. ಅಲ್ಲದೆ ರಸ್ತೆಯಲ್ಲಿ ಓಡಾಡುವ ಕಾರಿನ ಎಲ್ಲ ಫೀಚರ್‌ಗಳೊಂದಿಗೆ ಇದನ್ನು ಅಭಿವೃದ್ಧಿಪಡಿಸಿರುವುದು ಇನ್ನೊಂದು ಪ್ರಮುಖ ಅಂಶವಾಗಿದೆ.

ವಿಶ್ವದ ಅತ್ಯಂತ ದುಬಾರಿ ಕಾರು- ಲಂಬೊರ್ಗಿನಿ ವೆನನೊ ರೊಡ್‌ಸ್ಟರ್

33 ಕೋಟಿ ರು.ಗಿಂತಲೂ ಹೆಚ್ಚು ಬೆಲೆಬಾಳುವ ಜಗತ್ತಿನ ಅತಿ ದುಬಾರಿ ಲಂಬೊರ್ಗಿನಿ ವೆನನೊ ರೋಡ್‌ಸ್ಟರ್ ಹೈಪರ್ ಕಾರು ಸೀಮಿತ ಆವೃತಿಗಳಲ್ಲಿ ಮಾತ್ರ ಲಭ್ಯವಿರಲಿದೆ.

ಲಂಬೊರ್ಗಿನಿಯ 50ನೇ ವರ್ಷಾಚರಣೆ ಅಂಗವಾಗಿ ವಿಶ್ವದ ಅತಿ ದುಬಾರಿ ಕಾರನ್ನು ಲಾಂಚ್ ಮಾಡಲಾಗಿದ್ದು, ಪ್ರಸಕ್ತ ಸಾಲಿನಲ್ಲಿ 4 ಮಾದರಿಗಳನ್ನಷ್ಟೇ ಹಸ್ತಾಂತರಿಸಲಾಗುವುದು. ಅಂದ ಹಾಗೆ ಒಟ್ಟು 9 ಸೀಮಿತ ಆವೃತ್ತಿಗಳು ಮಾತ್ರ ಲಭ್ಯವಾಗಲಿದೆ.