ಕಾರು ತಂತ್ರಜ್ಞಾನದಲ್ಲೂ ರೇಂಜ್ ರೋವರ್ ಇವೋಕ್ ನಂ.1

ಅಷ್ಟೇ ಅಲ್ಲದೆ ವರ್ಷದ ಎಸ್‌ಯುವಿ ಅತ್ಯುತ್ತಮ ಪ್ರೀಮಿಯಂ ಎಸ್‌ಯುವಿ ಪ್ರಶಸ್ತಿಗಳಿಗೂ ಪಾತ್ರವಾಗಿದೆ. ಅಷ್ಟಕ್ಕೂ ರೇಂಜ್ ರೋವರ್ ಇವೋಕ್ ಕಾರಿನಲ್ಲಿರುವ ಪ್ರಮುಖ ತಂತ್ರಾಂಶಗಳು ಯಾವುವು? ವಿವರಗಳಿಗಾಗಿ ಮುಂದಿನ ಪುಟದತ್ತ ಕಣ್ಣಾಯಿರಿಸಿರಿ.

ಇದರಲ್ಲಿರುವ 4x4ಐ ಸಿಸ್ಟಂ ನಿರಂತರವಾಗಿ ವಾಹನದ ಡೈನಾಮಿಕ್ ಮೇಲೆ ನಿಗಾ ವಹಿಸುತ್ತಿದ್ದು, ಸೆಂಟ್ರಲ್ ಕನ್ಸೋಲ್‌ನಲ್ಲಿರುವ ಮಾಹಿತಿ ಮನರಂಜನಾ ಪರದೆಗೆ ನೇರವಾಗಿ ಮಾಹಿತಿ ರವಾನಿಸುತ್ತದೆ. ಇವೆಲ್ಲದರ ಜೊತೆಗೆ ಲ್ಯಾಂಡ್ ರೋವರ್ ಆಫ್ ರೋಡ್ ನೇವಿಗೇಷನ್ ಸಿಸ್ಟಂ ಮ್ಯಾಪಿಂಗ್ ಇಲ್ಲದ ಪ್ರದೇಶದ ಮಾಹಿತಿಯನ್ನು ಒದಗಿಸಲಿದೆ.

ಕನ್ನಡಿಯಲ್ಲಿ ಆಳವಡಿಸಲಾಗಿರುವ ಲ್ಯಾಂಡ್ ರೋವರ್ ವೇಡ್ ಸೆನ್ಸಿಂಗ್ ಸೆನ್ಸಾರುಗಳು ಚಾಲಕರಿಗೆ ನೀರಿನ ಮೇಲೆ ಸಂಚರಿಸುವ ಅಥವಾ ಗೋಚರತೆ ಕಡಿಮೆಯಿರುವ ರಾತ್ರಿಗಳಲ್ಲಿ ನೆರವಾಗಲಿದೆ. ಇದು ವಾಹನದ ಸಮೀಪದ ನೀರಿನ ಆಳದ ಮಟ್ಟ (500ಎಂಎಂ) ಏರಿಕೆಯಾದ್ದಲ್ಲಿ ಚಾಲಕರನ್ನು ತಕ್ಷಣ ಎಚ್ಚರಿಸಲಿದೆ.

ಕಾರಿನ ಸುತ್ತಲೂ ಆಳವಡಿಸಲಾಗಿರುವ ಐದು ಡಿಜಿಟಲ್ ಕ್ಯಾಮೆರಾದಿಂದ ಕಾರಿನ ಗೋಚರತೆಯು ವೃದ್ಧಿಸಿದೆ. ಈ ಮೂಲಕ ಸುತ್ತಲಿನ ಪ್ರದೇಶದ ಸರಿ ಸುಮಾರು 360 ಡಿಗ್ರಿ ರಿಯಲ್ ಟೈಮ್ ದರ್ಶನ ನೀಡುವ ಪ್ರಯತ್ನ ಮಾಡಿದೆ.

ಇದರಂತೆ ಬ್ಲೈಂಡ್ ಸ್ಪಾಟ್ ಮಾನಿಟರಿಂಗ್ ವ್ಯವಸ್ಥೆಯು ಕಾರಿನ ಸುತ್ತಲಿನ ಪ್ರದೇಶದ ಬ್ಲೈಂಡ್ ಸ್ಪಾಟ್ ಪತ್ತೆ ಹಚ್ಚಲಿದೆ. ಈ ತಂತ್ರಜ್ಞಾನದ ಮೂಖಾಂತರ ಚಾಲಕರಿಗೆ ಕ್ಷಿಪ್ರ ಗತಿಯಲ್ಲಿ ಬ್ಲೈಂಡ್ ಸ್ಪಾಟ್ ವಾರ್ನಿಂಗ್ ಲೈಟ್ ಫ್ಲ್ಯಾಶ್ ಆಗಲಿದೆ.

ರಿವರ್ಸ್ ಟ್ರಾಫಿಕ್ ಡಿಟೆಕ್ಷನ್ ಮಗದೊಂದು ವೈಶಿಷ್ಟ್ಯವಾಗಿದ್ದು, ವಾಹನ ದಟ್ಟಣೆಯ ಪ್ರದೇಶದಲ್ಲಿ ರಿವರ್ಸ್ ಮಾಡುವಾಗ ಸಹಕಾರಿಯಾಗಲಿದೆ. ಈ ವೇಳೆ ಚಾಲಕರಿಗೆ ಎರಡು ಬದಿಗಳಿಂದ ಎಚ್ಚರಿಕೆ ರವಾನೆಯಾಗಲಿದೆ.

ಅಂತೆಯೇ ಇದರ ಇಕೊ ಡ್ರೈವ್ ತಂತ್ರಜ್ಞಾನವು ನಿರಂತರವಾಗಿ ಎಂಟು ಇಂಚಿನ ಪರದೆಯ ಮೂಲಕ ಮಾಹಿತಿ ರವಾನಿಸಲಿದೆ. ಇದರಲ್ಲಿ ಡ್ರೈವಿಂಗ್ ಸುಧಾರಿಸಲು ನಿಟ್ಟಿನಲ್ಲಿ ಟಿಪ್ಸ್ ಕೂಡಾ ನೀಡಲಿದ್ದು, ಸಂಪೂರ್ಣ ಹೊಸತನವೆನಿಸಿದೆ.

2011ನೇ ಇಸವಿಯಲ್ಲಿ ಲಾಂಚ್ ಆಗಿರುವ ರೇಂಜ್ ರೋವರ್ ಇವೋಕ್ ಈಗಾಗಲೇ 161 ಅಂತರಾಷ್ಟ್ರೀಯ ಪ್ರಶಸ್ತಿಗಳನ್ನು ಬಾಚಿಕೊಂಡಿದೆ. ಇದು ಶಕ್ತಿಶಾಲಿ ಡೀಸೆಲ್ ಹಾಗೂ ಪೆಟ್ರೋಲ್ ಎಂಜಿನ್‌ಗಳನ್ನು ಪಡೆದುಕೊಂಡಿದೆ. ಅಲ್ಲದೆ ರೇಂಜ್ ರೋವರ್ ಪೈಕಿ ಅತ್ಯಂತ ವೇಗದಲ್ಲಿ ಮಾರಾಟ ಗಿಟ್ಟಿಸಿಕೊಳ್ಳುತ್ತಿರುವ ಇವೋಕ್ ಈಗಾಗಲೇ ಮೂರು ಲಕ್ಷಕ್ಕೂ ಹೆಚ್ಚು ಯುನಿಟ್‌ಗಳ ಮಾರಾಟ ಕಂಡಿದೆ.