ರೆನೊ ಡಸ್ಟರ್ ಮೀರಿಸಿತೇ ನಿಸ್ಸಾನ್ ಟೆರನೊ ಎಸ್‌ಯುವಿ?

By Nagaraja

Published: Monday, August 19, 2013, 11:51 [IST]

ನಿಸ್ಸಾನ್ ಇಂಡಿಯಾ ನೂತನ ಕ್ರೀಡಾ ಬಳಕೆಯ ವಾಹನ (ಎಸ್‌ಯುವಿ) ಅನಾವರಣ ಮಾಡಲಿರುವಂತೆಯೇ ಕಾರು ಪ್ರಿಯರಲ್ಲಿ ಕುತೂಹಲ ಮನೆ ಮಾಡಿಬಿಟ್ಟಿದೆ. ರೆನೊ ಡಸ್ಟರ್ ರಿ ಬ್ಯಾಡ್ಜ್ ಪಡೆದುಕೊಂಡಿರುವ ನಿಸ್ಸಾನ್ ಟೆರೆನೊ ಮುಖಾಂತರ ಹೆಚ್ಚು ಪ್ರೀಮಿಯಂ ವಿನ್ಯಾಸದೊಂದಿಗೆ ಸದ್ಯದಲ್ಲೇ ಭಾರತ ರಸ್ತೆಗೆ ಪ್ರವೇಶಿಸಲಿದೆ.

ಹಾಗಾಗಿ ಜಾಗತಿಕವಾಗಿ ರೆನೊದ ಅತಿ ಹೆಚ್ಚು ಮಾರಾಟ ಗಿಟ್ಟಿಸಿಕೊಂಡ ಕಾರೆಂಬ ಖ್ಯಾತಿಗೆ ಪಾತ್ರವಾಗಿರುವ ಡಸ್ಟರನ್ನು ನೂತನ ನಿಸ್ಸಾನ್ ಟೆರನೊ ಎಸ್‌ಯುವಿ ಹಿಮ್ಮೆಟ್ಟಿಸಲಿದೆಯೇ ಎಂಬುದು ಕುತೂಹಲಕ್ಕೆ ಕಾರಣವಾಗಿದೆ. ಇದರಂತೆ ನಿಸ್ಸಾನ್ ಟೆರನೊ ಎಕ್ಸ್‌ಕ್ಲೂಸಿವ್ ಚಿತ್ರಗಳನ್ನು ಟ್ವಿಟರ್‌ನಲ್ಲಿ ಆಟೋ ಅಭಿಮಾನಿಯೊಬ್ಬ ಬಿಡುಗಡೆ ಮಾಡಿರುವುದು ಇನ್ನಷ್ಟು ಆಸಕ್ತಿದಾಯಕವೆನಿಸಿದೆ.

ಎಂಜಿನ್

ಡಸ್ಟರ್‌ನಲ್ಲಿ ಸದ್ಯ ಲಭ್ಯವಿರುವ ಪೆಟ್ರೋಲ್ ಹಾಗೂ ಡೀಸೆಲ್‌ಗೆ ಸಮಾನವಾದ ಎಂಜಿನ್ ಆಯ್ಕೆಗಳಲ್ಲಿ ನಿಸ್ಸಾನ್ ಟೆರೆನೊ ಆಗಮನವಾಗಲಿದೆ.

ದುಬಾರಿ

ಇನ್ನು ದರ ಹೋಲಿಸಿದರೆ ಡಸ್ಟರ್‌ಗಿಂತ ಪ್ರೀಮಿಯಂ ಲುಕ್ ಪಡೆದಿರುವ ಟೆರನೊ ದುಬಾರಿಯೆನಿಸಲಿದೆ. ದರ ಹೆಚ್ಚಾಗಿರುವುದರಿಂದ ಸಹಜವಾಗಿಯೇ ಕಾರಿನ ಗುಣಮಟ್ಟದಲ್ಲೂ ವೃದ್ಧಿ ಕಾಣಲಿದೆ.

ವಿನ್ಯಾಸ

ಮೊದಲ ನೋಟದಲ್ಲಿ ನಿಸ್ಸಾನ್ ಟೆರನೊ ಆಕರ್ಷಕವಾಗಿ ಗೋಚರಿಸುತ್ತಿದೆ. ಇದರ ಮುಂಭಾಗ ಸೇರಿದಂತೆ ಹಿಂಭಾಗದಲ್ಲೂ ವಿಶಾಲವಾದ ವಿನ್ಯಾಸ ಪಡೆದುಕೊಂಡಿದೆ. ಹಾಗೆಯೇ ಉತ್ತಮ ಗ್ರೌಂಡ್ ಕ್ಲಿಯರನ್ಸ್ ಹೊಂದಿದೆ.