ಅಯ್ಯೋಯ್ಯೋ ಕಾರಿನ ಬ್ರೇಕ್ ಫೈಲ್ಯೂರ್ ಆಗಿದೆ!

ಬ್ರೇಕ್ ಫೈಲ್ಯೂರ್ ಆದಾಗ ವಾಹನದಲ್ಲಿದ್ದರಿಗೆ ಮಾತ್ರವಲ್ಲದೇ ರಸ್ತೆಯ ಆಸುಪಾಸಿನಲ್ಲಿರುವ ಪಾದಚಾರಿಗಳಿಗೆ, ಇತರ ವಾಹನ ಸವಾರರಿಗೂ ಅಪಾಯವಾಗುವ ಸಂಭವವಿರುತ್ತದೆ. ಹೀಗಾಗಿ ಇಂತಹ ಸಮಯದಲ್ಲಿ ನಿಮ್ಮ ಗಮನ ರಸ್ತೆ ಮೇಲೆ ಇರಬೇಕು. ಹಾರ್ನ್ ಹಾಕಿ, ಸಾಧ್ಯವಾದರೆ ಬೊಬ್ಬೆ ಹಾಕಿ, ಅಥವಾ ಕೈ ಸನ್ನೆಯ ಮೂಲಕ ಜನರನ್ನು ಪಕ್ಕಕ್ಕೆ ಸರಿಯುವಂತೆ ತಿಳಿಸಬೇಕು. ಹೆಡ್ ಲೈಟ್ಸ್ ಆನ್ ಮಾಡಬೇಕು.

ಇದೇ ಸಮಯದಲ್ಲಿ ಸ್ಟಿಯರಿಂಗ್ ಮೇಲೆ ಗಮನವಿಟ್ಟುಕೊಂಡು ಕಾರಿನ ಗಾಜು ಕೆಳಗಿಳಿಸಿ. ಕಾರಿನೊಳಗೆ ಗಾಳಿ ಹೋದಂತೆ ವಾಹನದ ವೇಗವೂ ಕಡಿಮೆಯಾಗುತ್ತದೆ. ಕಾರಿನಲ್ಲಿ ಇತರ ಪ್ರಯಾಣಿಕರಿದ್ದರೆ ಅವರಲ್ಲಿ ಬೊಬ್ಬೆ ಹಾಕಲು ತಿಳಿಸಿ(ಕೆಲವೊಮ್ಮೆ ನೀವು ತಿಳಿಸುವ ಮುನ್ನ ಅವರೇ ಜೀವ ಭಯದಿಂದ ಕಿರುಚಿಕೊಳ್ಳಬಹುದು. ಆದರೆ ಅವರಿಗೆ ದೈರ್ಯ ಕಳೆದುಕೊಳ್ಳದಂತೆ ತಿಳಿಸಿ).

ಕಾರು ಬ್ರೇಕ್ ಫೈಲ್ಯೂರ್ ಆದ ಸಮಯದಲ್ಲಿ ಕಾರನ್ನು ಸ್ಲೋ ಮಾಡಲು ಹಲವು ಉಪಾಯಗಳಿವೆ. ನಾಳೆಯ ಸಲಹೆಯಲ್ಲಿ ಆ ಕುರಿತು ಚರ್ಚಿಸೋಣ.