ಶಾಕಿಂಗ್ ವಿಡಿಯೋ- ಬುದ್ಧಿ ಹೇಳಿದ ಹಿರಿಯ ವ್ಯಕ್ತಿಗೆ ಥಳಿಸಿದ ಕ್ರಿಕೆಟರ್ ಅಂಬಾಟಿ ರಾಯುಡು..!

ಬೆಳ್ಳಂಬೆಳಗ್ಗೆ ಕ್ರಿಕೆಟರ್ ಅಂಬಾಟಿ ರಾಯುಡು ತಮ್ಮ ಲ್ಯಾಂಡ್ ರೋವರ್ ಕಾರಿನಲ್ಲಿ ವೇಗವಾಗಿ ಚಾಲನೆ ಮಾಡಿದ್ದರು. ಈ ವೇಳೆ ವಾಕಿಂಗ್ ಮಾಡುತ್ತಿದ್ದ ಹಿರಿಯ ವ್ಯಕ್ತಿಯ ಕೈಗೆ ವೇಗದಲ್ಲಿದ್ದ ಕಾರಿನ ರಿರ್ ಮಿರರ್ ತಾಗಿದ್ದು, ಈ ಸಂಬಂಧ ವಾಗ್ವಾದ ನಡೆದಿದೆ.

ತನ್ನದೇ ತಪ್ಪಿದ್ದರೂ ಕಾರಿನಿಂದ ಹೊರಬಂದು ವೃದ್ಧರ ಜೊತೆ ಮಾತಿನ ಚಕಮಕಿ ನಡೆಸುತ್ತಿದ್ದ ಅಂಬಾಟಿ ರಾಯುಡು, ವೇಳೆ ಬುದ್ಧಿವಾದ ಹೇಳಲು ಬಂದ ಹಿರಿಯ ವ್ಯಕ್ತಿಯೋರ್ವರಿಗೆ ರಸ್ತೆ ಮಧ್ಯೆಯೇ ಹಿಗ್ಗಾಮುಗ್ಗಾ ಥಳಿಸಿದ್ದಾರೆ.

ಈ ಪ್ರಕರಣಕ್ಕೆ ಸಂಬಂಧಿಸಿದಂತೆ ವೀಡಿಯೋವೊಂದು ಸಾಮಾಜಿಕ ತಾಣಗಳಲ್ಲಿ ವೈರಲ್ ಆಗಿದ್ದು, ಅಂಬಾಟಿ ರಾಯುಡು ಕೋಪದ ಪರಮಾವಧಿ ಬಗ್ಗೆ ಭಾರೀ ಆಕ್ರೋಶಗಳು ವ್ಯಕ್ತವಾಗಿವೆ.

ಸ್ಥಳದಲ್ಲಿದ್ದವರು ರಾಯುಡು ಅವರನ್ನು ಸಮಾಧಾನಪಡಿಸಿ ವಾಪಸ್ ಕಳುಹಿಸಿದ್ದು, ಹಲ್ಲೆಗೀಡಾದ ವೃದ್ಧರು ಈಗಾಗಲೇ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸಿದ್ದಾರೆ. ಇದಲ್ಲದೇ ಪ್ರಕರಣ ಕುರಿತು ಬಿಸಿಸಿಐಗೂ ದೂರು ನೀಡುವುದಾಗಿ ತಿಳಿಸಿದ್ದಾರೆ.

ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿರೋ ಅಂಬಾಟಿ ರಾಯುಡು ಹಲ್ಲೆಯ ವಿಡಿಯೋ ಇಲ್ಲಿದೆ ನೋಡಿ.