ಈ ಬಸ್ ಡ್ರೈವರ್ ಎರಡು ಸೂಪರ್ ಕಾರುಗಳ ಒಡೆಯ

By Nagaraja

Published: Saturday, May 21, 2016, 11:48 [IST]

ನಮ್ಮ ದೇಶದಲ್ಲಿ ಬಹುತೇಕ ಮಂದಿ ಜೀವನೋಪಯಕ್ಕೆ ಅನ್ಯ ದಾರಿಯಿಲ್ಲದೆ ಬಸ್ ಡ್ರೈವರ್ ವೃತ್ತಿಯನ್ನು ಸ್ವೀಕರಿಸುತ್ತಾರೆ. ಮಧ್ಯಮ ವರ್ಗದ ಕುಟುಂಬಕ್ಕೆ ವಿಭಾಗಕ್ಕೆ ಸೇರಿದ ಬಸ್ ಡ್ರೈವರ್ ಗಳು ದಿನವಿಡೀ ನಿಯಮಿತ ಸಂಬಳಕ್ಕೆ ಮಾತ್ರ ದುಡಿಯಬೇಕಾಗುತ್ತದೆ.

ಬಸ್ ಚಾಲನೆ ಮಾಡುವುದು ಅತ್ಯಂತ ಕಠಿಣ ಮತ್ತು ತ್ರಾಸದಾಯಕ ಕೆಲಸವಾಗಿರುವುದರಿಂದ ಅನೇಕ ಮಂದಿಗೆ ಕ್ರಮೇಣ ಆರೋಗ್ಯ ಸಮಸ್ಯೆಯೂ ಎದುರಾಗುತ್ತಿದೆ. ಇವೆಲ್ಲ ಭಾರತೀಯ ಚಾಲಕರ ದಯನೀಯ ಪರಿಸ್ಥಿತಿಯಾದರೆ ಅತ್ತ ಚೀನಾದಲ್ಲಿ ಸೂಪರ್ ಕಾರುಗಳನ್ನು ಓಡಿಸಿ ಐಷಾರಾಮಿ ಜೀವನ ನಡೆಸುತ್ತಿರುವ ಬಸ್ ಚಾಲಕನ ಬಗ್ಗೆ ವಿವರವನ್ನು ಕೊಡಲಿದ್ದೇವೆ.

ಉತ್ತರ ಚೀನಾ ತೈಯೂವನ್ ಪ್ರಾಂತ್ಯದಲ್ಲಿ ಬಸ್ ಚಾಲಕನೋರ್ವರು ದೈನಂದಿನ ಕೆಲಸಕ್ಕಾಗಿ ಲಂಬೋರ್ಗಿನಿ ಸೂಪರ್ ಕಾರಿನಲ್ಲಿ ತೆರಳುತ್ತಿದ್ದಾರೆ.

ಈತ ಕೇವಲ ಲಂಬೋರ್ಗಿನಿ ಗಲರ್ಡೊ ಸೂಪರ್ ಕಾರು ಮಾತ್ರವಲ್ಲದೆ ಅತಿ ದುಬಾರಿ ಆಡಿ ಆರ್8 ಸೂಪರ್ ಕಾರನ್ನು ಇಟ್ಟುಕೊಂಡಿದ್ದಾರೆ.

ವಾಸ್ತವ ಸಂಗತಿಯೆಂದರೆ ಈತನಿಗೆ ಕೆಲಸದ ಅಗತ್ಯವೇ ಇಲ್ಲ. ಹಾಗಿರುವಾಗ ಯಾತಕ್ಕಾಗಿ ಈತ ಬಸ್ ಡ್ರೈವರ್ ವೃತ್ತಿಯಲ್ಲಿ ತೊಡಗಿಸಿಕೊಂಡಿದ್ದಾರೆ ಎಂಬುದು ಸ್ಥಳೀಯರಲ್ಲಿ ಗೊಂದಲಕ್ಕೆಕಾರಣವಾಗಿದೆ.