ಎರಡು ಬೃಹತ್ ಟ್ರಕ್ ಗಳ ನಡುವೆ ಕಾರು ಅಪ್ಪಚ್ಚಿ; ಐವರ ದುರ್ಮರಣ

ಉನ್ನತ ಶಿಕ್ಷಣಕ್ಕಾಗಿ ಮಕ್ಕಳನ್ನು ಕಾಲೇಜಿಗೆ ಸೇರಿಸಲು ತೆರಳುತ್ತಿದ್ದ ಕಾರು ಸರ್ಕಲ್ ತಲುಪುತ್ತಿದ್ದಂತೆಯೇ ಬಲಕ್ಕೆ ತಿರುಗಲು ಯತ್ನಸಿತ್ತು.

ಈ ಸಂದರ್ಭದಲ್ಲಿ ಹಿಂಬದಿಯಿಂದ ಬಂದ ಟ್ರಕ್ ಬಲಕ್ಕೆ ತಿರುಗಲು ಯತ್ನಿಸುತ್ತಿದ್ದ ಕಾರನ್ನು ಏಕಾಏಕಿ ತನ್ನ ರಭಸಕ್ಕೆ ಸೆಳೆದುಕೊಂಡಿತ್ತು.

ಇನ್ನೇನು ಕೆಲವೇ ಕ್ಷಣಗಳಲ್ಲಿ ಮುಂಭಾಗದಿಂದ ಬಂದ ಟ್ರಕ್ ಲಾರಿಗೆ ಮುಖಾಮುಖಿಯಾಗಿ ಢಿಕ್ಕಿ ಹೊಡೆದಿತ್ತು.

ಈ ವೇಳೆಯಲ್ಲಿ ಮಧ್ಯದಲ್ಲಿ ಸಿಕ್ಕಿಯಾಗಿಕೊಂಡ ಕಾರು ಲಾರಿಗಳೆಡೆಯಲ್ಲಿ ಸಿಲುಕಿ ಅಪ್ಪಚ್ಚಿಯಾಗಿತ್ತು.

ಪ್ರತ್ಯಕ್ಷದರ್ಶಿಗಳ ಪ್ರಕಾರ ಶವಗಳು ಗುರುತು ಸಿಗದಷ್ಟು ವಿರೂಪಗೊಂಡಿದ್ದವು. ಸ್ಥಳದಲ್ಲಿ ರಕ್ತದ ಕೋಡಿ ಮಡು ಗಟ್ಟಿ ನಿಂತಿತ್ತು.

ಮೃತಪಟ್ಟವರನ್ನು ಪ್ರವೀಣ್ ಮತ್ತವರ ಪುತ್ರಿ ನಿಖಿತಾ, ಪುತ್ರ ಭರತ್, ಲಕ್ಷ್ಮಣ್ ಮತ್ತು ಮತ್ತವರ ಪುತ್ರ ಹರ್ಷಾ ಎಂದು ಗುರುತಿಸಲಾಗಿದೆ. ಅಪಘಾತದಲ್ಲಿ ಲಾರಿ ಚಾಲಕ ಸಹ ಗಂಭೀರ ಗಾಯಗೊಂಡಿದ್ದಾನೆ.

ಒಟ್ಟಿನಲ್ಲಿ ಹಲವಾರು ಕನಸುಗಳನ್ನು ಹೊತ್ತುಕೊಂಡು ಕಾರಿನಲ್ಲಿ ಸಾಗುತ್ತಿದ್ದ ಕುಟಂಬವು ಕರುಣಾಜನಕ ಅಂತ್ಯ ಕಂಡಿರುವುದು ಬೇಸರಕ್ಕೆ ಕಾರಣವಾಗಿದೆ.

ಭೀಕರ ಅಪಘಾತದ ವಿಡಿಯೋ ವೀಕ್ಷಿಸಲು ಕ್ಲಿಕ್ಕಿಸಿ