ಮೌಢ್ಯಕ್ಕಿಲ್ಲ ಬ್ರೇಕ್- ಒಂದೇ ಸಂಖ್ಯೆಯ 19 ಲಗ್ಷುರಿ ಕಾರುಗಳನ್ನು ಖರೀದಿಸಿದ ಛತ್ತೀಸ್‌ಗಢ ಸಿಎಂ

ಆದ್ರೆ ಮೂಢನಂಬಿಕೆಗಳ ಹೆಸರಿನಲ್ಲಿ ಬಲಿಪಶುವಾಗುವ ಜನಸಾಮಾನ್ಯರಿಗೆ ಮಾದರಿಯಾಗಬೇಕಿದ್ದ ಮುಖ್ಯಮಂತ್ರಿಯೊಬ್ಬರು ಮೌಢ್ಯಕ್ಕೆ ಜೋತು ಬಿದ್ದಿರುವುದು ಸದ್ಯ ಚರ್ಚೆಗೆ ಕಾರಣವಾಗಿದ್ದು, ಒಂದೇ ಸಂಖ್ಯೆಯ 19 ಲಗ್ಷುರಿ ಕಾರುಗಳನ್ನು ಖರೀದಿ ಮಾಡಿದ್ದಾರೆ.

ಮೂಢನಂಬಿಕೆಗೆ ಇದು ಸ್ಪಷ್ಟ ನಿದರ್ಶನ ಎನ್ನಬಹುದೇನೋ, ಛತ್ತೀಸ್ ಗಢದ ಮುಖ್ಯಮಂತ್ರಿ ರಮಣ್ ಸಿಂಗ್ ಇತ್ತೀಚೆಗೆ ಮಿಟ್ಸುಬಿಷಿ ಪಜೆರೊ ಎಸ್ ಯುವಿ 19 ಕಾರುಗಳನ್ನು ಖರೀದಿಸಿದ್ದು, ಅವುಗಳ ಸಂಖ್ಯೆಗಳೆಲ್ಲವೂ 004 ನಲ್ಲಿ ಕೊನೆಗೂಳ್ಳುತ್ತದೆ.

Recommended Video

Jeep Dealership Executives In Mumbai Beat Up Man Inside Showroom

ಮಾವೋವಾದಿಗಳ ಸಮಸ್ಯೆ ಹೆಚ್ಚಾಗಿರುವ ಕಾರಣ ಛತ್ತೀಸ್ ಗಢ ಮುಖ್ಯಮಂತ್ರಿ ಸ್ಟರ್ಡಿ ಎಸ್ ಯುವಿ ಕಾರುಗಳನ್ನು ಖರೀದಿಸಿದ್ದಾರೆ ಎಂದು ಕೆಲವರು ಹೇಳಿದರೆ ಇನ್ನು ಕೆಲವರು 19 ಸಂಖ್ಯೆ ಗೆಲುವಿನ ಸಂಕೇತವಾಗಿದ್ದು ಮೂಢನಂಬಿಕೆಯಿಂದ ಈ ಸಂಖ್ಯೆಯ ಕಾರುಗಳನ್ನು ಖರೀದಿಸಿದ್ದಾರೆ ಎಂದು ಜನರು ಮಾತನಾಡಿಕೊಳ್ಳುತ್ತಿದ್ದಾರೆ.

ಆದರೆ ಇದನ್ನು ನಿರಾಕರಿಸಿರುವ ಮುಖ್ಯಮಂತ್ರಿ ರಮಣ್ ಸಿಂಗ್, ಕಾರುಗಳ ನಂಬರ್ ಪ್ಲೇಟುಗಳನ್ನು ಆರ್ ಟಿಒ ಕಚೇರಿಗಳು ನಿರ್ಧರಿಸುತ್ತವೆಯೇ ಹೊರತು ನಾವಲ್ಲ. ನಮಗೆ ಸಿಕ್ಕಿರುವ ಸಂಖ್ಯೆಗಳೆಲ್ಲವು ಅದೃಷ್ಟದ ಸಂಖ್ಯೆಗಳಾಗಿವೆಯೇ ವಿನಃ ಇದರಲ್ಲಿ ಮ್ಯಾಜಿಕ್, ಮೂಢನಂಬಿಕೆಯೇನು ಇಲ್ಲ. ನಾನು ನನ್ನ ಜೀವನದಲ್ಲಿ ಮೂಢಾಚಾರಗಳನ್ನು ನಂಬುವುದಿಲ್ಲ ಎಂದಿದ್ದಾರೆ.

2003ರಿಂದ ರಮಣ್ ಸಿಂಗ್ ಅವರು ಸತತ ಮೂರು ಬಾರಿ ಮುಖ್ಯಮಂತ್ರಿಯಾಗಿದ್ದಾರೆ. ಕಾಂಗ್ರೆಸ್ ನ ಅಜಿತ್ ಜೋಗಿ ನಂತರ ರಮಣ್ ಸಿಂಗ್ ಮುಖ್ಯಮಂತ್ರಿಯಾಗಿದ್ದಾರೆ. ಮುಂದಿನ ವರ್ಷ ರಾಜ್ಯದಲ್ಲಿ ಚುನಾವಣೆ ನಡೆಯಲಿದೆ.

ಮೂಲಗಳ ಪ್ರಕಾರ ಖರೀದಿ ಮಾಡಲಾಗಿರುವ 19 ಪಜೆರೊ ಸೆಲೆಕ್ಟ್ ಪ್ಲಸ್ ಕಾರುಗಳು ರಮಣ್ ಸಿಂಗ್ ಅವರ ರಕ್ಷಣೆಗೆ ನಿಯೋಜನೆ ಮಾಡಲಾಗುತ್ತಿದ್ದು, ಒಂದೇ ಸಂಖ್ಯೆಯಲ್ಲಿ 19 ಕಾರುಗಳನ್ನು ಖರೀದಿಸಿರುವ ಪರ ವಿರೋಧಕ್ಕೆ ಕಾರಣವಾಗಿದೆ.

ಮಿಟ್ಸುಬಿಷಿ ಕಾರಿನ ತಾಂತ್ರಿಕ ಮಾಹಿತಿಗಳು ಹೀಗಿವೆ

ಪಜೆರೊ ಸ್ಪೋರ್ಟ್ ಸೀಮಿತ ಆವೃತ್ತಿಯ ಕ್ರೀಡಾ ಬಳಕೆಯ ವಾಹನಗಿಂತ ಹೆಚ್ಚು ಬದಲಾವಣೆ ಹೊಂದಿರುವ ಸೆಲೆಕ್ಟ್ ಪ್ಲಸ್ ಮಾದರಿಯೂ, ಎಂಜಿನ್ ತಾಂತ್ರಿಕತೆಯಲ್ಲೂ ಅಪ್ ಗ್ರೇಡ್ ಹೊಂದಿದೆ.

ಬೆಲೆ (ಮುಂಬೈ ಎಕ್ಸ್‌ಶೋರಂ ಪ್ರಕಾರ)

ಸೆಲೆಕ್ಟ್ ಪ್ಲಸ್ ಮಾದರಿ- ರೂ.30.50 ಲಕ್ಷ ಟು ವೀಲ್ಹ್ ಮಾದರಿ- ರೂ.30.95 ಲಕ್ಷ

ಸೆಲೆಕ್ಟ್ ಪ್ಲಸ್ ಆವೃತ್ತಿ ಮತ್ತೊಂದು ವಿಶೇಷ ಅಂದ್ರೆ, ಕೆಲವು ತುರ್ತು ಸಂದರ್ಭಗಳಲ್ಲಿ ಹಿಂದಿನ 2 ಚಕ್ರಗಳಿಗೆ ಮಾತ್ರ ಪೂರ್ಣ ಪ್ರಮಾಣದ ಶಕ್ತಿ ಒದಗಿಸಿ ವಾಹನ ಚಾಲನೆ ಮಾಡುವ ಅವಕಾಶವಿದ್ದು, 2.5-ಲೀಟರ್ ಡೀಸೆಲ್ ಎಂಜಿನ್ ಹೊಂದಿರುವ ಪಜೆರೊ ಸ್ಪೋರ್ಟ್ಸ್ ಸೆಲೆಕ್ಟ್ ಪ್ಲಸ್ ಆವೃತ್ತಿಯು, ಆಪ್ ರೋಡಿಂಗ್ ಪ್ರಿಯರನ್ನು ಸೆಳೆಯಲಿದೆ.