ಮೊದಲ ಪ್ರಯತ್ನದಲ್ಲೇ 115 ಕೀ.ಮೀ. ವೇಗದಲ್ಲಿ ಸಂಚರಿಸಿದ ಟಾಲ್ಗೊ ರೈಲು

ಪ್ರಾಯೋಗಿಕ ಸಂಚಾರದಲ್ಲಿ ಭಾರತೀಯ ರೈಲ್ವೆಯ 4500 ಅಶ್ವಶಕ್ತಿ ಸಾಮರ್ಥ್ಯದ ಡೀಸೆಲ್ ಎಂಜಿನ್ , 70 ನಿಮಿಷಗಳ ಅವಧಿಯಲ್ಲಿ 90 ಕೀ.ಮೀ. ದೂರವನ್ನು ಕ್ರಮಿಸಿತ್ತು. ಬೆಳಗ್ಗೆ 9.05ಕ್ಕೆ ಬರೇಯಿಂದ ನಿರ್ಗಮಿಸಿದ ಟಾಲ್ಗೊ ರೈಲು 10.15ರ ವೇಳೆಗೆ ಮೊರಾದಾಬಾದ್ ತಲುಪಿತ್ತು.

ಟಾಲ್ಗೊ ರೈಲು ಗಂಟೆಗೆ 100ರಿಂದ 115 ಕೀ.ಮೀ. ವೇಗವನ್ನು ಕಾಪಾಡಿಕೊಂಡಿರುವುದನ್ನು ಖಾತ್ರಿಪಡಿಸಿರುವ ರೈಲ್ವೆ ಅಧಿಕಾರಿಗಳು, ಶೇಕಡಾ 30ರಷ್ಟು ಕಡಿಮೆ ಇಂಧನ ಬಳಕೆಯಾಗಿದೆ ಎಂಬುದನ್ನು ಸ್ಪಷ್ಟಪಡಿಸಿದ್ದಾರೆ.

ಒಂಬತ್ತು ಬೋಗಿಗಳ ಟಾಲ್ಗೊ ರೈಲಿನಲ್ಲಿ ಎರಡು ಎಕ್ಸಿಕ್ಯೂಟಿವ್ ಕ್ಲಾಸ್ ಕಾರು, ನಾಲ್ಕು ಚೈರ್ ಕಾರು, ತಲಾ ಒಂದು ಕೆಫೆಟೇರಿಯಾ, ಪವರ್ ಕಾರ್ ಮತ್ತು ಸಿಬ್ಬಂದಿ ಹಾಗೂ ಸಾಮಾನುಗಳಿನ್ನಡಲು ಟೈಲ್ ಎಂಡ್ ಕೋಚ್ ಗಳಿವೆ.

ಜೂನ್ 12ರ ವರೆಗೆ ಇದೇ ಮಾರ್ಗದಲ್ಲಿ ಪ್ರಯೋಗಿಕ ಸಂಚಾರ ಮುಂದುವರಿಯಲಿದೆ ಎಂದು ರೈಲ್ವೆ ಅಧಿಕಾರಿಗಳು ತಿಳಿಸಿದ್ದಾರೆ. ಇಲ್ಲಿನ ಪ್ರಾಯೋಗಿಕ ಸಂಚಾರದ ಬಳಿಕ ಮಥುರಾ ಮತ್ತು ಪಲ್ವಾಲ್ ನಡುವಣ ಹಾದಿಯಲ್ಲಿ ಸುಮಾರು 40 ದಿನಗಳ ಕಾಲ ಗಂಟೆಗೆ 180 ಕೀ.ಮೀ. ವೇಗದಲ್ಲಿ ಪರೀಕ್ಷೆ ನಡೆಸಲಾಗುವುದು.

ಟಾಲ್ಗೊ ರೈಲುಗಳ ಸುರಕ್ಷತೆ ಮತ್ತು ಸ್ಥಿರತೆಯನ್ನು ಕಾಪಾಡಿಕೊಳ್ಳಲು ಸರಣಿ ಪ್ರಾಯೋಗಿಕ ಸಂಚಾರದ ಪರೀಕ್ಷೆಯನ್ನು ಹಮ್ಮಿಕೊಳ್ಳಲಾಗುತ್ತಿದೆ. ಅಲ್ಲದೆ ಪ್ರಾಯೋಗಿಕ ಸಂಚಾರದ ವೇಳೆಯಲ್ಲಿ ಟಾಲ್ಗೊ ರೈಲುಗಳ ಯಶಸ್ಸು ಅಥವಾ ವೈಫಲ್ಯದ ಬಗ್ಗೆ ಕಾಮೆಂಟ್ ಹೇಳುವುದು ಕಷ್ಟ ಎಂದಿದೆ.

ಅಧಿಕಾರಿಗಳ ಹೊರತಾಗಿ ಮರಳು ಬ್ಯಾಗ್ ಗಳನ್ನಿರಿಸಿ ಪರೀಕ್ಷೆ ನಡೆಸಲಾಗುತ್ತಿದೆ. ಅಲ್ಲದೆ ಖಾಲಿ ಬೋಗಿಯಲ್ಲೂ ಪರೀಕ್ಷೆ ಹಮ್ಮಿಲಾಗುತ್ತಿದೆ ಎನ್ನಲಾಗಿದೆ. ಅಂದ ಹಾಗೆ 2016 ಎಪ್ರಿಲ್ 21ರಂದು ಟಾಲ್ಗೊ ರೈಲುಗಳು ಮುಂಬೈ ಬಂದರನ್ನು ತಲುಪಿತ್ತು.

ಟಾಲ್ಗೊ ವೇಗದ ರೈಲು ಯೋಜನೆಯಂತೆ ಮುಂಬೈ ಮತ್ತು ದೆಹಲಿ ನಡುವಣ 1200 ಕೀ.ಮೀ. ದೂರವನ್ನು ಕೇವಲ 12 ಗಂಟೆಗಳಲ್ಲಿ ಕ್ರಮಿಸಲಿದೆ. ಪ್ರಸ್ತುತ 17 ತಾಸುಗಳಷ್ಟು ಪ್ರಯಾಣಿಸಬೇಕಾಗಿದೆ. ಅಂದ ಹಾಗೆ ಈ ಎರಡು ಪ್ರಮುಖ ನಗರಗಳ ನಡುವೆ 200 ಕೀ.ಮೀ. ವೇಗದಲ್ಲಿ ಪರೀಕ್ಷೆ ನಡೆಯಲಿದೆ.

ಸದ್ಯಕ್ಕೆ ದೇಶದ ಅತಿ ವೇಗದ ರೈಲೆಂಬ ಪಟ್ಟ ಕಟ್ಟಿಕೊಂಡಿರುವ 'ಗತಿಮಾನ್' ಸೆಮಿ ಬುಲೆಟ್ ರೈಲು ಗಂಟೆಗೆ 160 ಕೀ.ಮೀ ವೇಗದಲ್ಲಿ ಸಂಚರಿಸುವ ಸಾಮರ್ಥ್ಯ ಹೊಂದಿದೆ.

ಬದಲಾವಣೆಯ ಪರ್ವದಲ್ಲಿ ಭಾರತ; ರೈಲಲ್ಲಿ ವಿಮಾನದಂತಹ ಐಷಾರಾಮಿ ಸೌಲಭ್ಯ

'ಗತಿಮಾನ್ ಎಕ್ಸ್‌ಪ್ರೆಸ್' ಸೆಮಿ ಬುಲೆಟ್ ರೈಲಿನ ವಿಶಿಷ್ಟತೆಗಳೇನು?