ಗಗನಕ್ಕೆ ಚಿಮ್ಮಿದ ಪೃಥ್ವಿ-2 ಖಂಡಾಂತರ ಕ್ಷಿಪಣಿ

ಎರಡು ಶಕ್ತಿಶಾಲಿ ಎಂಜಿನ್ ಗಳಿಂದ ನಿಯಂತ್ರಿಸಲ್ಪಡುವ ಪೃಥ್ವಿ-2 ಕ್ಷಿಪಣಿಯು 8.56 ಮೀಟರ್ ಉದ್ದ ಮತ್ತು 1.1 ಮೀಟರ್ ಅಗಲವನ್ನು ಹೊಂದಿರುತ್ತದೆ. ಅಲ್ಲದೆ ಬರೋಬ್ಬರಿ 4600 ಕೆ.ಜಿ ತೂಕವನ್ನು ಹೊಂದಿದೆ.

ನೆಲದಿಂದ ನೆಲಕ್ಕೆ ಚಿಮ್ಮುವ ಕಡಿಮೆ ಅಂತರದ ಪೃಥ್ವಿ 2 ವೈರಿ ಪಡೆಯ ಕ್ಷಿಪಣಿಗಳನ್ನು ಹೊಡೆದುರುಳಿಸುವ ಸಾಮರ್ಥ್ಯವನ್ನು ಹೊಂದಿದೆ. ಇದನ್ನು ಕರಾವಳಿ ಭದ್ರತೆಗಾಗಿ ನಿಯುಕ್ತಿ ಮಾಡಲಾಗುವುದು.

ಪ್ರಮುಖವಾಗಿಯೂ ಪೃಥ್ವಿ 2 ಕ್ಷಿಪಣಿಯನ್ನು ಭಾರಯೀಯು ವಾಯುಪಡೆ ಬಳಕೆ ಮಾಡಲಿದೆ. 1996ರಲ್ಲಿ ಮೊದಲ ಬಾರಿಗೆ ಪೃಥ್ವಿ ಕ್ಷಿಪಣಿಯ ಪರೀಕ್ಷೆಗೆ ಒಳಪಡಿಸಲಾಗಿದ್ದು, 2004ರಲ್ಲಿ ಪೂರ್ಣಗೊಂಡಿತ್ತು.

ಭಾರತದ ಅತ್ಯಂತ ಯಶಸ್ವಿ ಕ್ಷಿಪಣಿ ಇದಾಗಿದ್ದು, ವಿಜ್ಞಾನಿಗಳ ಸತತ ಪ್ರಯತ್ನದಿಂದಾಗಿ 1000 ಕೆ.ಜಿ ವರೆಗಿನ ಸಿಡಿತಲೆಯನ್ನು 350 ಕೀ.ಮೀ. ವ್ಯಾಪ್ತಿಯ ವರೆಗೂ ಹೊತ್ತೊಯ್ಯುವ ಸಾಮರ್ಥ್ಯ ಹೊಂದಿದೆ.

ಪೃಥ್ವಿ ಅಣ್ವಸ್ತ್ರ ಕ್ಷಿಪಣಿಗಳ ಪ್ರಯೋಗವನ್ನು ನಿರಂತರ ಅಂತರಾಳದಲ್ಲಿ ನಡೆಸಲಾಗುತ್ತಿದ್ದು, ಯುದ್ಧ ಕಾಲದಂತಹ ತುರ್ತು ಪರಿಸ್ಥಿತಿ ಎದುರಾದ್ದಲ್ಲಿ ಸರ್ವ ರೀತಿಯ ಸಿದ್ಧತೆಗಳೊಂದಿಗೆ ಕ್ಷಿಪಣಿ ಸಜ್ಜಾಗಿರಲಿದೆ.

43.5 ಕೀ.ಮೀ. ಎತ್ತರದ ವಾಯು ವಲಯಲ್ಲೂ 483 ಸೆಕೆಂಡುಗಳ ವರೆಗೆ ಹಾರಾಡುವ ಸಾಮರ್ಥ್ಯವನ್ನು ಪೃಥ್ವಿ-2 ಹೊಂದಿದೆ.

ಕೊನೆಯ ಬಾರಿಗೆ 2016 ಫೆಬ್ರವರಿ 16 ಪೃಥ್ವಿ ಕ್ಷಿಪಣಿಯನ್ನು ಯಶಸ್ವಿ ಪರೀಕ್ಷೆಗೊಳಪಡಿಸಲಾಗಿತ್ತು. ಈಗ ಇದೇ ಉಡ್ಡಯನ ಕೇಂದ್ರದಿಂದ ಪೃಥ್ವಿ 2 ಮಗದೊಮ್ಮೆ ಆಕಾಶಕ್ಕೆ ಚಿಮ್ಮಿದೆ.

ಪೃಥ್ವಿ 2 ಕ್ಷಿಪಣಿಯಲ್ಲಿ ಸುಧಾರಿತ ನೇವಿಗೇಷನ್ ವೈಶಿಷ್ಟ್ಯಗಳನ್ನು ಆಳವಡಿಸಲಾಗಿದೆ. ಇದರಿಂದ ನಿಖರವಾಗಿ ಗುರಿಯಿಡಲು ಸಾಧ್ಯವಾಗಲಿದೆ.

ಖಂಡಾಂತರ ಕ್ಷಿಪಣಿ ವಿರೋಧಿ ಸಾಮರ್ಥ್ಯವನ್ನು ಹೊಂದಿರುವ ಒಂಬತ್ತು ಮೀಟರ್ ಎತ್ತರದ ಪೃಥ್ವಿ 2 ಮಾರ್ಗದರ್ಶಿ ವ್ಯವಸ್ಥೆ ಹಾಗೂ ಗುರಿ ಹೊಡೆಯುವ ತಂತ್ರಗಾರಿಕೆ ಆಳವಡಿಸಲಾಗಿದೆ.