ಮಾರ್ಷಲ್ ಆರ್ಟ್ ಸ್ಟಾರ್ ಜಾಕಿ ಚಾನ್ ಖಾಸಗಿ ಜೆಟ್

ಹೀಗೆ ವಿಶ್ವ ವಿಖ್ಯಾತಿ ಪಡೆದಿರುವ ಜಾಕಿ ಚಾನ್ ತಮ್ಮ ಖಾಸಗಿ ಪಯಣ ಅಗತ್ಯಗಳಿಗಾಗಿ ಖಾಸಗಿ ಜೆಟ್ ವಿಮಾನವನ್ನೊಂದನ್ನು ಬಳಕೆ ಮಾಡುತ್ತಾರೆ. ಅದುವೇ 'ಎಂಬ್ರೇಯರ್ ಲೆಗಸಿ 650' (Embraer Legacy 650).

ಬ್ರೆಜಿಲ್ ಮೂಲದ ವಾಣಿಜ್ಯ, ಮಿಲಿಟರಿ ಹಾಗೂ ಕಾರ್ಯ ನಿರ್ವಾಹಕ ವಿಮಾನ ನಿರ್ಮಾಣ ಸಂಸ್ಥೆಯಾಗಿರುವ ಎಂಬ್ರೇಯರ್ ಇದನ್ನು ನಿರ್ಮಿಸಿದೆ. ಅಂತೆಯೇ ಜಾಕಿ ಚಾನ್ ಸ್ವತ: ಎಂಬ್ರೇಯರ್ ಸಂಸ್ಥೆಯ ಬ್ರಾಂಡ್ ಅಂಬಾಸಿಡರ್ ಕೂಡಾ ಆಗಿದ್ದಾರೆ.

ಕೆಂಪು, ಬಿಳುಪು ಬಣ್ಣ ಮಿಶ್ರಿತ ಜಾಕಿ ಚಾನ್ ಖಾಸಗಿ ಜೆಟ್ ವಿಮಾನದಲ್ಲಿ ಮಾರ್ಷಲ್ ಆರ್ಟ್ಸ್ ಸೂಚಕವಾಗಿ ಬೃಹತ್ ಡ್ರಾಗನ್ ಲೊಗೊ ಅಂಟಿಸಲಾಗಿದೆ. ಅಲ್ಲದೆ ಕೆಲವು ವರ್ಷಗಳ ಹಿಂದೆ ಸಿಂಗಾಪುರ ಏರ್ ಶೋದಲ್ಲೂ ವಿಶೇಷ ಪ್ರದರ್ಶನ ಕಂಡಿತ್ತು.

ಜಾಕಿ ಚಾನ್ ಅವರ ಲೆಗಸಿ 650 ವಿಮಾನವು 7223 ಕೀ.ಮೀ. ದೂರದ ವ್ಯಾಪ್ತಿಯ ವರೆಗೂ ಸಂಚರಿಸುವ ಸಾಮರ್ಥ್ಯ ಹೊಂದಿದೆ. ಅಂದರೆ ಅವರು ಬೀಜಿಂಗ್ ನಿಂದ ದುಬೈ ವರೆಗೆ ಅಥವಾ ಹಾಂಕಾಂಗ್ ನಿಂದ ಆಸ್ಟ್ರೇಲಿಯಾ ವರೆಗೆ ನಾನ್-ಸ್ಟಾಪ್ ಆಗಿ ಸಂಚರಿಸಬಹುದಾಗಿದೆ.

ಜಾಕಿ ಚಾನ್ ಅಗತ್ಯಗಳಿಗಾನುಸಾರವಾಗಿ ಲೆಗಸಿ 650 ವಿಮಾನದ ಒಳಮೈಯನ್ನು ಮೂರು ವಿಭಾಗಗಳಾಗಿ ವಿಂಗಡಿಸಲಾಗಿದೆ. ಅವುಗಳೆಂದರೆ ಕೆಲಸ, ಆಟ ಹಾಗೂ ಆರಾಮ ಕೊಠಡಿ.

ಇನ್ನು ನಿರಂತರ ಇಂಟರ್ ನೆಟ್ ಸೇವೆಗಾಗಿ ವೈ-ಫೈ ಸೇವೆ ಇರಲಿದೆ. ಅಂದರೆ ವಿಮಾನದಲ್ಲೇ ಸಕಲ ರೀತಿಯ ಸೌಲಭ್ಯಗಳು ಲಭ್ಯವಾಗಲಿದೆ.

ಎಂಬ್ರೇಯರ್ ಸಂಸ್ಥೆಯ ಬಗ್ಗೆ ಮಾತನಾಡುವುದಾದ್ದಲ್ಲಿ 2001ರಲ್ಲಿ ಕಾರ್ಯ ನಿರ್ವಾಹಕ ವಿಮಾನಯಾನ ಮಾರುಕಟ್ಟೆಗೆ ಎಂಟ್ರಿ ಕೊಟ್ಟಿತ್ತು. ಅಲ್ಲದೆ ಜಾಗತಿಕವಾಗಿ ಖಾಸಗಿ ಕಾರ್ಯ ನಿರ್ವಾಹಕ ವಿಮಾನಗಳ ಪೈಕಿ ಶೇಕಡಾ 20ಕ್ಕೂ ಹೆಚ್ಚು ಮಾರಾಟವನ್ನು ವಶಪಡಿಸಿಕೊಂಡಿದೆ.

ನೂತನ ಎಂಬ್ರೇಯರ್ ಲೆಗಸಿ 650 ವಿಮಾನದ ಬಗ್ಗೆ ತಮ್ಮ ಅನಿಸಿಕೆಗಳನ್ನು ವ್ಯಕ್ತಪಡಿಸಿರುವ ಜಾಕಿ ಚಾನ್, "ಇದರಲ್ಲಿನ ಪಯಣವು ತಮ್ಮ ಆತ್ಮ ವಿಶ್ವಾಸವನ್ನು ಇಮ್ಮಡಿಗೊಳಿಸುತ್ತದೆ" ಎಂದು ಅಭಿಪ್ರಾಯಪಟ್ಟಿದ್ದಾರೆ.

ಒಳಗಡೆಯ ಕ್ಯಾಬಿನ್ ಪ್ರದೇಶದಲ್ಲಿ ಸಾಕಷ್ಟು ಸ್ಥಳಾವಕಾಶ ಒದಗಿಸಲಾಗಿದ್ದು, ದೂರ ಪ್ರಯಾಣದ ವೇಳೆ ಸೀಟುಗಳನ್ನು ಬಾಗಿಸುವ ಮೂಲಕ ವಿಶ್ರಾಂತಿಗೂ ಜಾರಬಹುದಾಗಿದೆ.

ಅಂತೆಯೇ ಸೀಟು ಮುಂಭಾಗದಲ್ಲಿ ಟೇಬಲ್ ರಚನೆಯನ್ನು ನೀಡಲಾಗಿದ್ದು, ಲ್ಯಾಪ್ ಟಾಪ್ ನಲ್ಲಿ ತಮ್ಮ ಕೆಲಸ ಕಾರ್ಯಗಳನ್ನು ಮಾಡಬಹುದು ಅಥವಾ ಹಸಿವಾದಾಗ ಭೋಜನವನ್ನು ಸ್ವೀಕರಿಸಬಹುದಾಗಿದೆ.

ಇನ್ನು ಕಾಕ್ ಪಿಟ್ ನಲ್ಲೂ (ವಿಮಾನದಲ್ಲಿ ಚಾಲಕನು ಕೂರುವ ಕೋಣೆ) ಅತ್ಯಾಧುನಿಕ ಹಾಗೂ ತಾಜಾ ತಂತ್ರಜ್ಞಾನಗಳನ್ನು ಆಳವಡಿಸಲಾಗಿದೆ.

ಒಟ್ಟಿನಲ್ಲಿ ಜಾಕಿ ಚಾನ್ ಖಾಸಗಿ ಭದ್ರತೆಗೂ ಹೆಚ್ಚಿನ ಆದ್ಯತೆ ಕೊಡಲಾಗಿದೆ. ಇದು ವಿಶ್ವ ವಿಖ್ಯಾತ ನಟನಿಗೆ ಅತ್ಯಾಧುನಿಕ ಚಾಲನಾ ಅನುಭವ ನೀಡುತ್ತದೆ.