ಲಂಬೋರ್ಗಿನಿ ಸೂಪರ್ ಕಾರು ಶೈಲಿಯ ಟೊಯೊಟಾ ಮಿನಿವ್ಯಾನ್

By Nagaraja

Published: Thursday, August 20, 2015, 9:41 [IST]

ಐಕಾನಿಕ್ ಲಂಬೋರ್ನಿಗಿ ಶೈಲಿಗೆ ಮಾರ್ಪಾಡುಗೊಂಡಿರುವ ಟೊಯೊಟಾ ಹೈ ಏಸ್ (Toyota Hi Ace) ಕುರಿತು ಹೇಳುವಾಗ ಇದರ ಬಗ್ಗೆ ಸ್ವಲ್ಪ ಮಾಹಿತಿ ಕೊಡಬೇಕಾಗುತ್ತದೆ. ಜಪಾನ್ ಮೂಲದ ಪ್ರಖ್ಯಾತ ವಾಹನ ಸಂಸ್ಥೆ ಟೊಯೊಟಾದಿಂದ ಮಾರಾಟವಾಗುತ್ತಿರುವ ಐಷಾರಾಮಿ ಮಿನಿ ವ್ಯಾನ್ ಗಳಲ್ಲಿ ಇದೂ ಒಂದಾಗಿದೆ.

ಆಸ್ಟ್ರೇಲಿಯಾದಲ್ಲಿ ಅತಿ ಹೆಚ್ಚು ಜನಪ್ರಿಯತೆಗೆ ಪಾತ್ರವಾಗಿರುವ ಟೊಯೊಟಾ ಹೈ ಏಸ್ ವ್ಯಾನ್ ಅನ್ನು ಲಂಬೋರ್ಗಿನಿ ಶೈಲಿಯಲ್ಲಿ ಮಾರ್ಪಾಡುಗೊಳಿಸಲಾಗಿದೆ. ಅಲ್ಲದೆ ಇದಕ್ಕೆ ಎಸ್.ಎ.ಡಿ ಕಸ್ಟಮ್ ಎಂದು ವಿಶ್ಲೇಷಣೆ ಮಾಡಲಾಗಿದೆ.

ಕುಗ್ಗಿದ ಸಸ್ಪೆನ್ಷನ್, ಆಕರ್ಷಕ ಚಕ್ರಗಳು ಜೊತೆಗೆ ಇಟಲಿಯ ಸೂಪರ್ ಕಾರಿಗೆ ಹೊಂದಿಕೆಯಾಗುವ ರೀತಿಯಲ್ಲಿ ಬಾಡಿ ಕಿಟ್ ವಿನ್ಯಾಸಗೊಳಿಸಲಾಗಿದೆ.

ಕೇವಲ ಲಂಬೋರ್ಗಿನಿ ಮಾತ್ರವಲ್ಲದೆ ಇಟಲಿಯ ಮಗದೊಂದು ಐಕಾನಿಕ್ ಸೂಪರ್ ಕಾರು ತಯಾರಿಕ ಸಂಸ್ಥೆ ಫರಾರಿ ಮಾದರಿಯಿಂದಲೂ ಸ್ಪೂರ್ತಿ ಪಡೆದು ಇದನ್ನು ರಚಿಸಲಾಗಿದೆ.

ಆಧುನಿಕ ವಾಹನ ಮಾರುಕಟ್ಟೆಗಳಲ್ಲಿ ನೈಜ ಮಾದರಿಗಿಂತಲೂ ಕಸ್ಟಮೈಸ್ಡ್ ಅಥವಾ ಮಾರ್ಪಾಡುಗೊಳಿಸುವ ಇಂತಹ ವಾಹನಗಳಿಗೆ ಹೆಚ್ಚಿನ ಬೇಡಿಕೆ ಕಂಡುಬರುತ್ತದೆ. ತಮ್ಮ ವಾಹನವು ಇತರ ವಾಹನಗಿಂತ ವಿಶಿಷ್ಟವಾಗಿ ಗುರುತಿಸಬೇಕೆಂಬ ಬಯಕೆಯೇ ಇಂತಹ ನಾವೀನ್ಯ ಸೃಷ್ಟಿಗೆ ಕಾರಣವಾಗಿದೆ.

ವ್ಯಾನ್ ಬದಿಯಲ್ಲಿ ಸ್ಟಿಂಗರ್ (Stinger) ಡಿಕಾಲ್ಸ್ ಎದ್ದು ಕಾಣಿಸುತ್ತಿದ್ದು, ಎಲ್‌ಇಡಿ ಡೇಲೈಟ್ ರನ್ನಿಂಗ್ ಲೈಟ್ಸ್ ಕಿಟ್, ಬ್ಲ್ಯಾಕ್ ವಿಂಡೋ, ರೇಸ್ ಸೂಚಕವಾದ ಕಪ್ಪು ಟೈಲ್ ಲೈಟ್ ಗಳು ಪ್ರಮುಖ ಆಕರ್ಷಣೆಯಾಗಿದೆ.

ಒಟ್ಟಿನಲ್ಲಿ ಕಪ್ಪು ವರ್ಣದ ಮಿಶ್ರಣಕ್ಕೆ ಹೆಚ್ಚಿನ ಆದ್ಯತೆ ಕೊಡಲಾಗಿದೆ. ಇನ್ನು ಮೇಲ್ಪಾಗದಲ್ಲಿ ಸೂಪರ್ ಕಾರಿನಲ್ಲಿರುವುದಕ್ಕೆ ಸಮಾನವಾದ ರೂಫ್ ಲೈನ್ ಸಹ ಕಾಣಬಹುದಾಗಿದೆ.

ಹಾಗಿದ್ದರೂ ಈ ಲಿಮಿಟೆಡ್ ಮಾದರಿಯ ಎಂಜಿನ್ ಮಾನದಂಡಗಳಲ್ಲಿ ಯಾವುದೇ ಬದಲಾವಣೆ ಕಂಡುಬರುವುದಿಲ್ಲ ಎಂಬುದು ತಿಳಿದು ಬಂದಿದೆ. ಇದು 1ಕೆಡಿ-ಎಫ್‌ಟಿವಿ 3.0 ಲೀಟರ್ ಟರ್ಬೊ ಡೀಸೆಲ್ ಎಂಜಿನ್ ನಿಂದ ನಿಯಂತ್ರಿಸಲ್ಪಡಲಿದೆ.