ಇನ್ಮುಂದೆ ದಂಡದ ಬದಲಿಗೆ ಬೀಳಲಿದೆ ಎಫ್‍ಐ‍ಆರ್

ಸೆಪ್ಟೆಂಬರ್ 1ರಿಂದ ಜಾರಿಗೆ ಬಂದಿರುವ ಹೊಸ ಮೋಟಾರು ವಾಹನ ಕಾಯ್ದೆಯಲ್ಲಿನ ಭಾರೀ ಪ್ರಮಾಣದ ದಂಡಕ್ಕೆ ಹೆದರಿ ವಾಹನ ಸವಾರರು ಕಂಗಾಲಾಗಿದ್ದಾರೆ. ಈ ಭಾರೀ ಪ್ರಮಾಣದ ದಂಡದ ಆಘಾತದಿಂದ ಹೊರಬರದ ವಾಹನ ಸವಾರರ ಮೇಲೆ ಮತ್ತೊಂದು ಪ್ರಹಾರ ನೀಡಲು ಪೊಲೀಸ್ ಇಲಾಖೆ ಮುಂದಾಗಿದೆ.

ಇನ್ಮುಂದೆ ದಂಡದ ಬದಲಿಗೆ ಬೀಳಲಿದೆ ಎಫ್‍ಐ‍ಆರ್

ಈ ಮೊದಲು ನಂಬರ್ ಪ್ಲೇಟ್ ಇಲ್ಲದೇ ವಾಹನ ಸವಾರಿ ಮಾಡುತ್ತಿದ್ದವರಿಗೆ ದಂಡ ವಿಧಿಸಲಾಗುತ್ತಿತ್ತು. ಪಂಜಾಬ್‍‍ನ ಲೂಧಿಯಾನ ಪೊಲೀಸ್ ಕಮೀಷನರ್ ಹೊರಡಿಸಿರುವ ಹೊಸ ಆದೇಶದ ಪ್ರಕಾರ, ನಂಬರ್ ಪ್ಲೇಟ್ ಹೊಂದಿಲ್ಲದೇ ವಾಹನ ಸವಾರಿ ಮಾಡುವವರಿಗೆ ಹೊಸ ಮೋಟಾರು ವಾಹನ ಕಾಯ್ದೆಯನ್ವಯ ಇನ್ನು ಮುಂದೆ ಜೈಲು ಶಿಕ್ಷೆ ವಿಧಿಸಲಾಗುವುದು.

ಇನ್ಮುಂದೆ ದಂಡದ ಬದಲಿಗೆ ಬೀಳಲಿದೆ ಎಫ್‍ಐ‍ಆರ್

ಲೂಧಿಯಾನದ ಪೊಲೀಸ್ ಕಮೀಷನರ್ ರಾಕೇಶ್ ಅಗರ್‍‍ವಾಲ್‍‍ರವರು ಈ ಆದೇಶವನ್ನು ಹೊರಡಿಸಿದ್ದಾರೆ. ನಂಬರ್ ಪ್ಲೇಟ್ ಇಲ್ಲದ ವಾಹನಗಳನ್ನು ಸರಗಳ್ಳತನ, ರಾಬರಿ ಮುಂತಾದ ಕಾನೂನು ಬಾಹಿರ ಕೃತ್ಯಕ್ಕೆ ಬಳಸಲಾಗುತ್ತಿದ್ದು, ಕ್ರಿಮಿನಲ್ ಪ್ರಕರಣಗಳು ಹೆಚ್ಚಾಗುತ್ತಿರುವ ಹಿನ್ನೆಲೆಯಲ್ಲಿ ಈ ಆದೇಶವನ್ನು ಹೊರಡಿಸಲಾಗಿದೆ.

ಇನ್ಮುಂದೆ ದಂಡದ ಬದಲಿಗೆ ಬೀಳಲಿದೆ ಎಫ್‍ಐ‍ಆರ್

ಸಿ‍ಆರ್‍‍ಪಿ‍‍ಸಿ ಸೆಕ್ಷನ್ 144ರ ಅಡಿಯಲ್ಲಿ ಈ ಆದೇಶವನ್ನು ಹೊರಡಿಸಲಾಗಿದೆ. ಈ ಆದೇಶವನ್ನು ಉಲ್ಲಂಘಿಸಿದಲ್ಲಿ ಐಪಿಸಿ ಸೆಕ್ಷನ್ 188 (ಸಾರ್ವಜನಿಕ ಸೇವಕರಿಂದ ಹೊರಡಿಸಿದ ಆದೇಶಕ್ಕೆ ಅಗೌರವ ತೋರುವುದು) ಅಡಿಯಲ್ಲಿ ಪ್ರಕರಣ ದಾಖಲಿಸಲಾಗುವುದು.

ಇನ್ಮುಂದೆ ದಂಡದ ಬದಲಿಗೆ ಬೀಳಲಿದೆ ಎಫ್‍ಐ‍ಆರ್

ಇದರನ್ವಯ ಆರೋಪಿಗಳಿಗೆ ಒಂದು ತಿಂಗಳಿನಿಂದ ಆರು ತಿಂಗಳವರೆಗೆ ಜೈಲು ಶಿಕ್ಷೆ ವಿಧಿಸಲಾಗುವುದು. ಈ ಬಗ್ಗೆ ಮಾತನಾಡಿರುವ ರಾಕೇಶ್ ಅಗರ್‍‍ವಾಲ್‍‍ರವರು, ಲೂಧಿಯಾನ ನಗರದಲ್ಲಿ ನಡೆದಿರುವ ಅನೇಕ ಅಪರಾಧ ಕೃತ್ಯಗಳನ್ನು ಗಮನಿಸಿದ ನಂತರ, ಬಹುತೇಕ ಪ್ರಕರಣಗಳಲ್ಲಿ ಬಳಕೆಯಾದ ವಾಹನಗಳಲ್ಲಿ ನಂಬರ್ ಪ್ಲೇಟ್ ಇಲ್ಲದೇ ಇರುವುದು ತನಿಖೆಯಿಂದ ಕಂಡು ಬಂದಿದೆ.

ಇನ್ಮುಂದೆ ದಂಡದ ಬದಲಿಗೆ ಬೀಳಲಿದೆ ಎಫ್‍ಐ‍ಆರ್

ಇದರಿಂದಾಗಿ ಪೊಲೀಸರ ತನಿಖೆಯ ಮೇಲೂ ಪರಿಣಾಮಗಳಾಗುತ್ತವೆ. ಇದನ್ನು ತಡೆಗಟ್ಟಲು ಕಠಿಣ ಕ್ರಮದ ಅವಶ್ಯಕತೆಯಿರುವ ಹಿನ್ನೆಲೆಯಲ್ಲಿ ಈ ಆದೇಶವನ್ನು ಹೊರಡಿಸಲಾಗಿದೆ ಎಂದು ಹೇಳಿದ್ದಾರೆ. ಈ ಹಿಂದೆ ಹೊಸ ಕಾಯ್ದೆಯನ್ವಯ ನಂಬರ್ ಪ್ಲೇಟ್ ಹೊಂದಿಲ್ಲದ ವಾಹನಗಳಿಗೆ ರೂ.1,000ದಿಂದ ರೂ.2,000ಗಳವರೆಗೆ ದಂಡ ವಿಧಿಸಲಾಗುತ್ತಿತ್ತು.

ಇನ್ಮುಂದೆ ದಂಡದ ಬದಲಿಗೆ ಬೀಳಲಿದೆ ಎಫ್‍ಐ‍ಆರ್

ಮುಂಬರುವ ದಿನಗಳಲ್ಲಿ ನಕಲಿ ನಂಬರ್ ಪ್ಲೇಟ್ ಹೊಂದಿ ವಾಹನಗಳನ್ನು ಚಲಾಯಿಸುವವರ ಮೇಲೆ ಕ್ರಮ ಕೈಗೊಳ್ಳಲಾಗುವುದೆಂದು ರಾಕೇಶ್ ಅಗರ್‍‍ವಾಲ್‍‍ರವರು ತಿಳಿಸಿದರು. ಸೆಪ್ಟೆಂಬರ್ 25ರಂದು ನಕಲಿ ನಂಬರ್ ಪ್ಲೇಟ್ ಹೊಂದಿದ್ದ ಕಾರಿನಲ್ಲಿ ಬಂದ ದುಷ್ಕರ್ಮಿಗಳು ಡುಗ್ರಿಯಲ್ಲಿನ ಇಮಿಗ್ರೇಷನ್ ಕಚೇರಿಯ ಮೇಲೆ ಗುಂಡಿನ ದಾಳಿ ನಡೆಸಿದ್ದರು.

MOST READ: ಹಳೆ ವಾಹನವನ್ನು ಗುಜರಿಗೆ ಹಾಕುವ ಮಾಲೀಕರಿಗೆ ಆಫರ್

ಇನ್ಮುಂದೆ ದಂಡದ ಬದಲಿಗೆ ಬೀಳಲಿದೆ ಎಫ್‍ಐ‍ಆರ್

ಡಿಟೆಕ್ಟಿವ್ ವಿಭಾಗದ ಸಹಾಯಕ ಕಮೀಷನರ್ ಸುರಿಂದರ್ ಮೋಹನ್‍‍ರವರು ಮಾತನಾಡಿ, ಸರಗಳ್ಳರು ಹಾಗೂ ದರೋಡೆಕೋರರು ನಂಬರ್ ಹೊಂದಿಲ್ಲದ ವಾಹನಗಳನ್ನು ತಮ್ಮ ಕೃತ್ಯಕ್ಕಾಗಿ ಬಳಸುತ್ತಿದ್ದಾರೆ.

MOST READ: ಸದ್ದಿಲ್ಲದೇ ಕಾರುಗಳನ್ನು ರಿಕಾಲ್ ಮಾಡುತ್ತಿದೆ ಮಾರುತಿ

ಇನ್ಮುಂದೆ ದಂಡದ ಬದಲಿಗೆ ಬೀಳಲಿದೆ ಎಫ್‍ಐ‍ಆರ್

ಕಾನೂನು ಬಾಹಿರ ಕೃತ್ಯವು ಸಿಸಿಟಿವಿಯಲ್ಲಿ ಸೆರೆಯಾಗುತ್ತಿದ್ದರೂ, ನಕಲಿ ನಂಬರ್ ಪ್ಲೇಟ್ ಅಥವಾ ನಂಬರ್ ಪ್ಲೇಟ್ ಇಲ್ಲದ ವಾಹನಗಳಾದ ಕಾರಣಕ್ಕೆ ಅವರನ್ನು ಪತ್ತೆ ಮಾಡುವುದಕ್ಕೆ ಸಮಸ್ಯೆಯಾಗುತ್ತಿದೆ ಎಂದು ಹೇಳಿದರು.

MOST READ: ವಾಹನ ಸವಾರರಿಗೆ ಸಿಹಿ ಸುದ್ದಿ ನೀಡಿದ ಸಚಿವ ನಿತಿನ್ ಗಡ್ಕರಿ ..!

ಇನ್ಮುಂದೆ ದಂಡದ ಬದಲಿಗೆ ಬೀಳಲಿದೆ ಎಫ್‍ಐ‍ಆರ್

ಈ ಹೊಸ ಕಾಯ್ದೆಯನ್ವಯ ತಪ್ಪಿತಸ್ಥರಿಗೆ ಒಂದು ತಿಂಗಳಿನಿಂದ ಆರು ತಿಂಗಳವರೆಗೆ ಜೈಲು ಶಿಕ್ಷೆ ವಿಧಿಸುವುದರ ಜೊತೆಗೆ ರೂ.200 ದಂಡ ವಿಧಿಸಲಾಗುವುದು. ಈ ದಂಡದ ಮೊತ್ತವನ್ನು ರೂ.1,000ದವರೆಗೆ ವಿಸ್ತರಿಸಬಹುದಾಗಿದೆ.

ಇನ್ಮುಂದೆ ದಂಡದ ಬದಲಿಗೆ ಬೀಳಲಿದೆ ಎಫ್‍ಐ‍ಆರ್

ನಂಬರ್ ಪ್ಲೇಟ್ ಇಲ್ಲದೇ ವಾಹನಗಳನ್ನು ಚಲಾಯಿಸುವವರ ಮೇಲೆ ಎಫ್‍ಐ‍ಆರ್ ದಾಖಲಿಸುವ ಆದೇಶವನ್ನು ಲೂಧಿಯಾನ ಪೊಲೀಸ್ ಕಮೀಷನರ್ ಹೊರಡಿಸಿದ್ದಾರೆ. ಇದೇ ರೀತಿಯ ಆದೇಶವನ್ನು ಬೇರೆ ಯಾವ ರಾಜ್ಯಗಳಲ್ಲಿ ಹೊರಡಿಸಲಾಗುವುದು ಎಂಬುದನ್ನು ಕಾದು ನೋಡಬೇಕಿದೆ.

Most Read Articles

Kannada
English summary
No challans, now FIR for not putting number plates on vehicles - Read in Kannada
Story first published: Monday, September 30, 2019, 18:24 [IST]
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Drivespark sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Drivespark website. However, you can change your cookie settings at any time. Learn more