ಪ್ರಭಾವಶಾಲಿ ನಿಲೇಕಣಿಯ ಪವರ್‌ಫುಲ್ ಎಲೆಕ್ಷನ್ ಗಾಡಿ

ದೇಶದ ಎಸ್‌ಯುವಿ ದೈತ್ಯ ಮಹೀಂದ್ರ ಮಹೀಂದ್ರ ಸಂಸ್ಥೆಯ ಸಬ್ ಕಾಂಪಾಕ್ಟ್ ಫೋರ್ ವೀಲ್ ಡ್ರೈವ್ ಆಗಿರುವ ಥಾರ್, ಪಕ್ಕಾ ಆಫ್ ರೋಡ್ ಗಾಡಿ ಆಗಿದೆ. ಇದನ್ನು ಮೊದಲ ಬಾರಿಗೆ 2010ನೇ ಇಸವಿಯಲ್ಲಿ ಲಾಂಚ್ ಮಾಡಲಾಗಿತ್ತು.

ದೇಶದಲ್ಲಿ ಲಭ್ಯವಿರುವ ಟಾಪ್ 10 ಎಸ್‌ಯುವಿ ಪಟ್ಟಿಯಲ್ಲಿ ಗುರುತಿಸಿಕೊಳ್ಳುವಲ್ಲಿ ಥಾರ್ ಯಶ ಕಂಡಿದೆ. ಇದು ಡಿಐ ಟು ವೀಲ್ ಡ್ರೈವ್, ಡಿಐ ಫೋರ್ ವೀಲ್ ಡ್ರೈವ್ ಮತ್ತು ಸಿಆರ್‌ಡಿಇಗಳೆಂಬ ಮೂರು ವೆರಿಯಂಟ್‌ಗಳಲ್ಲಿ ದೊರಕುತ್ತದೆ.

ಜೀಪ್ ದೇಹ ಭಾಷೆಯನ್ನು ಹೊಂದಿರುವ ಮಹೀಂದ್ರ ಥಾರ್, 2523 ಸಿಸಿ ಡೀಸೆಲ್ ಎಂಜಿನ್ ಹೊಂದಿದ್ದು 63 ಬಿಎಚ್‌ಪಿ (182.5 ಎನ್‌ಎಂ ಟಾರ್ಕ್) ಉತ್ಪಾದಿಸುವ ಸಾಮರ್ಥ್ಯ ಹೊಂದಿದೆ.

ಇನ್ನು ಇಂಧನ ಕ್ಷಮತೆಯ ವಿಚಾರಕ್ಕೂ ಬಂದಾಗಲೂ ಉತ್ತಮ ಮೈಲೇಜ್ ಕಾಪಾಡಿಕೊಳ್ಳಲು ಮಹೀಂದ್ರ ಥಾರ್ ಯಶಸ್ವಿಯಾಗಿದೆ. ಇದು ಪ್ರತಿ ಲೀಟರ್‌ಗೆ 16ರಿಂದ 20 ಕೀ.ಮೀ.ಗಳಷ್ಟು ಮೈಲೇಜ್ ನೀಡುವಲ್ಲಿ ಸಕ್ಷಮವಾಗಿರಲಿದೆ.

ಹಾಗೆಯೇ ವೇಗತೆಯ ಬಗ್ಗ ಮಾತನಾಡುವುದಾದ್ದಲ್ಲಿ ಇದು 17 ಸೆಕೆಂಡುಗಳಲ್ಲಿ 0-100 ಕೀ.ಮೀ. ವೇಗದಲ್ಲಿ ಸಂಚರಿಸಲಿದೆ. ಅಂತೆಯೇ ಫೈವ್ ಸ್ಪೀಡ್ ಮ್ಯಾನುವಲ್ ಟ್ರಾನ್ಸ್‌ಮಿಷನ್ ಪಡೆದುಕೂಂಡಿದೆ.

ವಿವಿಧ ಬಣ್ಣ ಆಯ್ಕೆಗಳಲ್ಲಿ ಲಭ್ಯವಾಗುವ ಮಹೀಂದ್ರ ಥಾರ್, ಆಫ್ ರೋಡ್ ನಿರ್ವಹಣೆಗೆ ತಕ್ಕ ದೇಹ ವಿನ್ಯಾಸವನ್ನು ಪಡೆದುಕೊಂಡಿದೆ.

ಕಾರಿನೊಳಗೂ ಆರಾಮದಾಯಕ ಚಾಲನೆಗೆ ಆದ್ಯತೆ ಕೊಡಲಾಗಿದೆ. ಅಷ್ಟೇ ಅಲ್ಲದೆ ಟಾಪ್ ಎಂಡ್ ವೆರಿಯಂಟ್‌ನಲ್ಲಿ ಎಸಿ ಸೌಲಭ್ಯ ಕೂಡಾ ಇರಲಿದೆ.

ಏಳು ಸೀಟುಗಳ ಆಸನ ವ್ಯವಸ್ಥೆ ಹೊಂದಿರುವ ಮಹೀಂದ್ರ ಥಾರ್ ಟಾಪ್ ಎಂಡ್ ವರ್ಷನ್‌ನಲ್ಲಿ ಮ್ಯೂಸಿಕ್ ಸಿಸ್ಟಂ ಜತೆ ಎಸಿ ಸೌಲಭ್ಯ ಲಭ್ಯವಿರಲಿದೆ.

ಹಾಗಿದ್ದರೂ ಸುರಕ್ಷತೆಯ ವಿಚಾರದಲ್ಲಿ ಸ್ವಲ್ಪ ಹಿನ್ನಡೆ ಅನುಭವಿಸಿದೆ ಎಂದೇ ಹೇಳಬಹುದು. ಯಾಕೆಂದರೆ ಏರ್‌ಬ್ಯಾಗ್ ಸೌಲಭ್ಯವಿರುವುದಿಲ್ಲ.

ಒಟ್ಟಿನಲ್ಲಿ ಸಾರ್ವತ್ರಿಕ ಚುನಾವಣೆ ಸಮೀಪಿಸುತ್ತಿರುವಂತೆಯೇ ಚುನಾವಣೆ ಪ್ರಚಾರದ ಬಿಸಿ ಮುಟ್ಟುತ್ತಿದೆ. ಇದೀಗ ದೇಶದ ಪ್ರಭಾವಶಾಲಿ ಉದ್ಯಮಿಗೆ ಪವರ್‌ಫುಲ್ ಗಾಡಿ ಸಾಥ್ ನೀಡಲಿದೆ.

ಅಷ್ಟಕ್ಕೂ ನಂದನ್ ನಿಲೇಕಣಿ ಈ ಬಾರಿ ಜಯಭೇರಿ ಮೊಳಗಿಸಲಿದ್ದಾರೆಯೇ? ನಿಮ್ಮ ಅಭಿಪ್ರಾಯಗಳನ್ನು ನಮ್ಮ ಜತೆ ಹಂಚಿಕೊಳ್ಳಿರಿ...