ವಿಮಾನಕ್ಕೂ ಬಂತು ನೋಡಿ 'ಸನ್ ರೂಫ್'; ನಿಮ್ಮ ಪ್ರಯಾಣ ಸ್ಮರಣೀಯವಾಗಿಸಿ!

ಬ್ರೆಜಿಲ್ ವಿಮಾನಯಾನ ಸಂಸ್ಥೆಯಾಗಿರುವ ಎಂಬ್ರೇಯರ್ ಅತಿ ನೂತನ 'ಏರ್ ಶಿಪ್ ಕ್ಯೂಟೊ' (Airship Kyoto) ಎಂಬ ಕಾನ್ಸೆಪ್ಟ್ ವಿನ್ಯಾಸವನ್ನು ಅನಾವರಣಗೊಳಿಸಿದೆ.

ಕಳೆದ ವರ್ಷ ಮೊದಲ ಬಾರಿಗೆ ಅನಾವರಣಗೊಳಿಸಿರುವ ಈ ಕಾನ್ಸೆಪ್ಟ್ ವಿಮಾನದ ಮೇಲ್ಗಡೆಯಾಗಿ ಸನ್ ರೂಫ್ ಲಗತ್ತಿಸಲಾಗುವುದು. ಇದು ನಿಮ್ಮ ಪಯಣವನ್ನು ಉಲ್ಲಾಸದಾಯಕವಾಗಿಸಲಿದೆ.

ಗ್ರಾಹಕರ ಬೇಡಿಕೆಗೆ ಅನುಸಾರವಾಗಿ ಖಾಸಗಿ ವಿಮಾನಗಳಲ್ಲಿ ಸನ್ ರೂಫ್ ಲಗತ್ತಿಸಿ ಕೊಡಲಾಗುತ್ತಿದೆ. ತನ್ಮೂಲಕ ನೈಸರ್ಗಿಕ ಸೌಂದರ್ಯವನ್ನು ಸವಿಯಬಹುದಾಗಿದೆ ಎಂದು ಸಂಸ್ಥೆಯು ಅಭಿಪ್ರಾಯಪಡುತ್ತಿದೆ.

ನೀವೇ ಯೋಚಿಸಿ ನೋಡಿ, ಬೆಳಂದಿಗಳ ರಾತ್ರಿಯಲ್ಲಿ ವಿಂಡೋಗಳಿಂದ ಆವರಿಸಿದ ಸನ್ ರೂಫ್ ವಿಮಾನಗಳಲ್ಲಿ ಸಂಚರಿಸಿದ್ದಲ್ಲಿ ಹೇಗಿರಬಹುದು? ಇಲ್ಲಿ ದೊರಕುವ ಮನರಂಜನೆಗೆ ಸಾಟಿಯೇ ಇರಲಾರದು.

ಪ್ರಯಾಣಿಕರ ಕನಸನ್ನು ನನಸಾಗಿಸುವುದು ನಮ್ಮ ಧ್ಯೇಯವಾಗಿದೆ. ಹಾಗಿದ್ದರೂ ಕೆಲವೊಂದು ಬಾರಿ ವ್ಯೋಮಯಾನ ಮಾನ್ಯತೆಯ ತೊಂದರೆಯಿಂದಾಗಿ ಗ್ರಾಹಕರನ್ನು ಇದನ್ನು ಲಗತ್ತಿಸಲು ಹಿಂಜರಿಯುತ್ತಾರೆ ಎಂದು ಸಂಸ್ಥೆಯು ತಿಳಿಸಿದೆ.

ಸನ್ ರೂಫ್ ವಿಂಡೋಗಳನ್ನು ಲಗತ್ತಿಸುವುದು ತುಂಬಾನೇ ಸರಳವಾಗಿದೆ. ಹಾಗಿದ್ದರೂ ಇದರಿಂದ ಹೆಚ್ಚು ಇಂಧನ ಬಳಕೆಯಾಗಲಿದೆ ಎಂಬುದನ್ನು ಸಂಸ್ಥೆಯು ಒಪ್ಪಿಕೊಂಡಿದೆ.

ಅತಿ ಶ್ರೀಮಂತ ಗ್ರಾಹಕರಿಗೆ ಇಂದೊಂದು ಸಮಸ್ಯೆಯಾಗಲಾರದು. ಇವೆಲ್ಲದಕ್ಕೂ ಮಿಗಿಲಾಗಿ ಗಗನ ಯಾತ್ರೆಯಲ್ಲಿ ದೊರಕುವ ಅದ್ಭುತ ಅನುಭವವನ್ನು ಮಾತುಗಳಿಂದ ವರ್ಣಿಸಲು ಸಾಧ್ಯವೇ ?

ಸನ್ ರೂಫ್ ಗಳನ್ನು ಲಗತ್ತಿಸುವುದರಿಂದ ವಿಮಾನದ ರಚನೆಗೆ ಯಾವುದೇ ಧಕ್ಕೆಯುಂಟಾಗುವುದಿಲ್ಲ ಎಂಬುದನ್ನು ಎಂಬ್ರೇಯರ್ ಖಾತ್ರಿಪಡಿಸಿದೆ.

ಅಂದ ಹಾಗೆ ಕಳೆದ ವರ್ಷ ಸೂಪರ್ ಯಾಚ್ಜ್ ವಿನ್ಯಾಸಗಾರ ಪ್ಯಾಟ್ರಿಕ್ ನೋವ್ಲ್ಸ್ ಜೊತೆಗಾರಿಕೆಯಲ್ಲಿ 800 ಚದರ ಅಡಿ ಲಿವಿಂಗ್ ಜಾಗವಿರುವ 1000 ಇ ಖಾಸಗಿ ಜೆಟ್ ವಿಮಾನವನ್ನು ಎಂಬ್ರೇಯರ್ ಅನಾವರಣಗೊಳಿಸಿತ್ತು. ಅಲ್ಲದೆ ಗ್ರಾಹಕರಿಗೆ ತಮ್ಮ ಬೇಡಿಕೆಗೆ ತಕ್ಕಂತೆ ವಿಶೇಷವಾಗಿ ಮಾರ್ಪಾಡುಗೊಳಿಸುವ ಅವಕಾಶವನ್ನು ಒದಗಿಸಲಾಗಿತ್ತು.