ಕೇವಲ 40 ರೂಪಾಯಿ ಆಸೆಗೆ ಬರೋಬ್ಬರಿ 40 ಲಕ್ಷ ಕಳೆದುಕೊಂಡ ಹ್ಯುಂಡೈ ಕಾರು ಚಾಲಕ..!

ಇತ್ತೀಚೆಗೆ ನಗರಪ್ರದೇಶಗಳಲ್ಲಿ ಗಮನ ಬೇರೆಡೆ ಸೆಳೆದು ಹಣ ದೋಚುವ ಪ್ರಕರಣಗಳು ಹೆಚ್ಚುತ್ತಿದ್ದು, ಇಲ್ಲೂ ಕೂಡಾ ಇಂತದ್ದೆ ಪ್ರಕರಣವೊಂದರಲ್ಲಿ ಹ್ಯುಂಡೈ ಕ್ರೆಟಾ ಕಾರು ಚಾಲಕನು ಖತರ್ನಾಕ್ ಖರೀದಿಮರ ಮಾಡಿದ ಮಾಸ್ಟರ್ ಪ್ಲ್ಯಾನ್‌ಗೆ ಸಿಲುಕಿ ಬರೋಬ್ಬರಿ 40 ಲಕ್ಷ ರೂಪಾಯಿ ಕಳೆದುಕೊಂಡಿರುವ ಘಟನೆ ನಡಿದೆ.

ಹೌದು, ಹ್ಯುಂಡೈ ಕ್ರೆಟಾ ಕಾರು ಚಾಲಕನೊಬ್ಬನ ಗಮನಬೆರೆಡೆ ಸೆಳೆದ ಖದೀಮರ ತಂಡವೊಂದು ಹಾಡಹಗಲೇ ಕಾರಿನ ಹಿಂಬದಿಯಲ್ಲಿ ಇಡಲಾಗಿದ್ದ ಹಣದ ಸೂಟ್‌ಕೇಸ್ ಅನ್ನು ಎಗರಿಸುವ ಘಟನೆಯು ರಾಜಧಾನಿ ದೆಹಲಿಯ ಪ್ರತಿಷ್ಠಿತ ಏರಿಯಾವೊಂದರಲ್ಲಿ ನಡೆದಿದೆ.

40 ರೂಪಾಯಿ ಆಸೆಗೆ 40 ಲಕ್ಷ ಹೊಯ್ತು..!

ಈ ಪ್ರಕರಣದಲ್ಲಿ ಗಮನಿಸಬೇಕಾದ ಪ್ರಮುಖ ವಿಚಾರ ಅಂದ್ರೆ ಕಾರಿನ ಹಿಂಬದಿಯಲ್ಲಿ ಹಣ ಸೂಟಕೇಸ್ ಇರುವ ಬಗ್ಗೆ ಮಾಹಿತಿ ತಿಳಿದ್ದ ಖದೀಮರ ತಂಡವು ಕಾರು ಚಾಲಕನ ಗಮನ ಬೇರೆಡೆ ಸೆಳೆಯಲು ಮಾಡಿದ ಖರ್ತನಾಕ್ ಐಡಿಯಾ ಮಾತ್ರ ನಿಮ್ಮನ್ನು ಬೆಚ್ಚಿಬಿಳಿಸುತ್ತೆ.

ಕೇವಲ 40 ರೂಪಾಯಿ ಎಸೆದು ಕಾರು ಚಾಲಕನ ಗಮನ ಬೇರೆಡೆ ಸೆಳೆದ ಖದೀಮರ ತಂಡವು ಕಾರಿನಲ್ಲಿದ್ದ ಬರೋಬ್ಬರಿ 40 ಲಕ್ಷ ರೂಪಾಯಿ ತುಂಬಿದ್ದ ಸೂಟ್‌ಕೇಸ್ ಎಗರಿಸಿದ್ದು, ಕಾರು ಚಾಲಕನು ಖರೀದಿಮರು ಎಸೆದ ದುಡ್ಡನ್ನು ಆಯ್ದುಕೊಳ್ಳಲು ಮುಂದಾದಾಗಲೇ ಈ ಘಟನೆ ನಡೆದಿದೆ.

ಮಾಹಿತಿಗಳ ಪ್ರಕಾರ, ಬಂಗಾರದ ಒಡವೆಗಳನ್ನು ಖರೀದಿ ಮಾಡಲು ಬಂದಿದ್ದ ಕುಟುಂಬವೊಂದು ದುಡ್ಡಿನ ಸೂಟ್‌ಕೇಸ್ ಅನ್ನು ಕಾರಿನಲ್ಲೇ ಇಟ್ಟು ಜ್ಯುವೆಲರಿ ಶಾಪ್ ಒಳಗಡೆ ಹೋಗಿದ್ದರಂತೆ. ಈ ವೇಳೆ ಸಾರ್ವಜನಿಕ ಪ್ರದೇಶದಲ್ಲೇ ಪಾರ್ಕ್ ಮಾಡಲಾಗಿದ್ದ ಕಾರಿನಲ್ಲಿ ಚಾಲಕ ಮಾತ್ರ ಕುಳಿತುಕೊಂಡಿದ್ದ.

ಕಾರಿನಲ್ಲಿ ಈ ಮೊದಲೇ ಹಣದ ಸೂಟ್‌ಕೇಸ್ ಬಗ್ಗೆ ಮಾಹಿತಿ ತಿಳಿದಿದ್ದ ಖದೀಮರ ತಂಡವು ಕಾರು ಚಾಲಕನನ್ನು ಯಮಾರಿಸಿ ಹಣದ ದೋಚುವುದು ಹೇಗೆ ಅಂತಾ ಯೋಚನೆ ಮಾಡುತ್ತಿತ್ತು. ಆದ್ರೆ ಕಾರಿನ ಒಳಗೆ ಕುಳಿತು ಡೋರ್ ಲಾಕ್ ಮಾಡಿಕೊಂಡಿದ್ದ ಚಾಲಕನನ್ನು ಹೊರಗಿಳಿಸಲು ಖದೀಮರ ತಂಡ ಉಪಾಯ ಮಾಡಿತ್ತು.

ಹಣ ದೋಚುವ ಮುನ್ನ ಕಾರಿನ ಸುತ್ತಮುತ್ತ ಹಲವಾರು ಬಾರಿ ಸುತ್ತಾಡಿ ಪ್ಲ್ಯಾನ್ ಮಾಡಿದ ಖದೀಮರು ಕೊನೆಗೂ 40 ರೂಪಾಯಿ ಚಿಲ್ಲರೆ ಮಾಡಿಸಿಕೊಂಡು ಕಾರಿನ ಮುಂದೆಯೇ ಎಸೆದರು. ಆದ್ರೆ ಕಳ್ಳರ ಪ್ಲ್ಯಾನ್ ಅರಿಯದ ಕಾರು ಚಾಲಕ ಮಾತ್ರ ಹಣದಾಸೆಗಾಗಿ ಡೋರ್ ಅನ್‌ಲಾಕ್ ಮಾಡಿ ಕೆಳಗಿಳಿದುಬಿಟ್ಟ.

ಕಾರಿನ ಮುಂದೆ 40 ರೂಪಾಯಿ ಎಸೆದ ಬಳಿಕ ಕಾರು ಚಾಲಕನ ಗಮನಕ್ಕೆ ತಂದ ಖರೀದಿಮನು ನಿಮ್ಮ ದುಡ್ಡು ಬಿದ್ದಿದೆ ನೋಡಿ ಎನ್ನುವ ಸೂಚನೆ ನೀಡಿದ್ದಾನೆ. ತಕ್ಷಣವೇ ಕಾರಿನಿಂದ ಕೆಳಗೆ ಇಳಿದುಬಂದ ಕಾರು ಚಾಲಕ ಖದೀಮರು ಎಸೆದಿದ್ದ 40 ರೂಪಾಯಿ ಆಯ್ದುಕೊಂಡಿದ್ದಾನೆ.

ಇದೇ ವೇಳೆ ಕಾರಿನ ಹಿಂಬದಿಯಲ್ಲೇ ನಿಂತಿದ್ದ ಮತ್ತೊಬ್ಬ ಖದೀಮನು ಕೆಲವೇ ಸೇಕೆಂಡುಗಳಲ್ಲಿ ಬಾಗಿಲು ತೆರೆದು ಸೂಟ್‌ಕೇಸ್ ತೆಗೆದುಕೊಂಡು ಪರಾರಿಯಾಗಿದ್ದು, ದುಡ್ಡುಆಯ್ದುಕೊಳ್ಳುತ್ತಾ ಕುಳಿತ ಕಾರು ಚಾಲಕನಿಗೆ ಇದು ಯಾವುದು ಕೂಡಾ ಅರಿವಿಗೆ ಬಂದಿಲ್ಲಾ.

MOST READ: ನಿಮ್ಮ ವಾಹನಗಳ ಮೈಲೇಜ್ ಕಡಿತವಾಗುತ್ತಿರುವುದಕ್ಕೆ ಅಸಲಿ ಕಾರಣ ಏನು ಗೊತ್ತಾ?

ಖರೀದಿಮರು ಸೂಟ್‌ಕೇಸ್ ಎತ್ತಿಕೊಂಡು ಹೋದಾಗಲೂ ಸುಮ್ಮುನೆ ಇದ್ದ ಕಾರು ಚಾಲಕನಿಗೆ ಕಾರು ಮಾಲೀಕನು ಜ್ಯುವೆಲರಿ ಶಾಪ್‌ನಿಂದ ವಾಪಸ್ ಬಂದು ಸೂಟ್‌ಕೇಸ್ ಎಲ್ಲಿ ಎಂದು ಕೇಳಿದಾಗಲೇ ಕಳ್ಳತನ ನಡೆದಿರುವುದು ಬೆಳಕಿಗೆ ಬಂದಿದೆ.

ತಕ್ಷಣವೇ ದೆಹಲಿ ಸೌಥ್ ಎಕ್ಸ್‌ಟೆನ್ಶನ್ ಮಾರ್ಕೇಟ್ ಪೊಲೀಸರನ್ನು ಸಂಪರ್ಕಿಸಿದ ಕಾರು ಮಾಲೀಕನು ತಮ್ಮ ಕಾರಿನಲ್ಲಿದ್ದ ಬರೋಬ್ಬರಿ 40 ಲಕ್ಷ ರೂಪಾಯಿ ತುಂಬಿದ್ದ ಸೂಟ್‌ಕೇಸ್ ಕಳ್ಳತನವಾಗಿರುವ ಬಗ್ಗೆ ದೂರು ನೀಡಿದ್ದಾರೆ.

MOST READ: 78 ಬಾರಿ ಸಂಚಾರಿ ನಿಯಮ ಉಲ್ಲಂಘಿಸಿ ಸಿಕ್ಕಿಬಿದ್ದ ಕಾರು ಮಾಲೀಕನ ಕಥೆ ಹರೋಹರ

ಸ್ಥಳದಲ್ಲಿದ್ದ ಸಿಸಿಟಿವಿಗಳನ್ನು ಪರಿಶೀಲನೆ ಮಾಡಿದ ಪೊಲೀಸರು ಖತರ್ನಾಕ್ ಖದೀಮರ ತಂಡವೊಂದರ ಬಗ್ಗೆ ಬೆಚ್ಚಿಬಿಳಿಸುವ ಮಾಹಿತಿಯನ್ನು ಹೊರಹಾಕಿದ್ದು, ಗಮನಬೇರೆಡೆ ಸೆಳೆದು ಹಣದೋಚುವಲ್ಲಿ ಕುಖ್ಯಾತಿ ಹೊಂದಿರುವ ಥಕ್ ಥಕ್ ಗ್ಯಾಂಗ್ ಅಸಲಿಮುಖವನ್ನು ಬಿಚ್ಚಿಟ್ಟಿದ್ದಾರೆ.

ದೆಹಲಿ, ಗುರುಗ್ರಾಮ್, ನೋಯ್ಡಾದಲ್ಲಿ ಸಾಕಷ್ಟು ಆಕ್ಟಿವ್ ಆಗಿರುವ ಥಕ್ ಥಕ್ ಗ್ಯಾಂಗ್ ಬ್ಯಾಂಕ್‌ಗಳಲ್ಲಿ ಕೋಟ್ಯಾಂತರ ರೂಪಾಯಿ ಹಣ ಡ್ರಾ ಮಾಡುವ ಗ್ರಾಹಕರನ್ನು ಮತ್ತು ಜ್ಯುವೆಲರಿ ಶಾಪ್‌ಗೆ ಬರುವ ಗ್ರಾಹಕರನ್ನು ಗುರಿಯಾಗಿಸಿ ಗಮನಬೇರೆಡೆ ಸೆಳೆದು ಹಣ ಎಗಸಿಸುವುದರಲ್ಲಿ ಸಾಕಷ್ಟು ಕುಖ್ಯಾತಿ ಪಡೆದಿಯೆಂತೆ.

ಈ ಬಗ್ಗೆ ದೂರು ದಾಖಲಿಸಿಕೊಂಡು ಥಕ್ ಥಕ್ ಗ್ಯಾಂಗ್ ಸೆರೆಹಿಡಿಯಲು ಮುಂದಾಗಿರುವ ದೆಹಲಿ ಪೊಲೀಸರು ಇಂತಹ ಗ್ಯಾಂಗ್‌ಗಳ ಬಗ್ಗೆ ಎಚ್ಚರವಾಗಿರುವಂತೆ ಸಾರ್ವಜನಿಕರಲ್ಲಿ ಮನವಿ ಮಾಡಿಕೊಂಡಿದ್ದು, ಒಂದು ವೇಳೆ ನೀವು ಕೂಡಾ ಯಾವುದೋ ಕಾರಣಕ್ಕೆ ಹಣಸಾಗಿಸುವ ಸಂದರ್ಭಗಳಿದ್ದಲ್ಲಿ ಇಂತಹ ಘಟನೆಗಳ ಬಗ್ಗೆ ಎಚ್ಚರ ಇರುವುದು ಒಳಿತು.

Source: TOI