Click it and Unblock the Notifications
ಹಳಿ ದಾಟುತ್ತಿದ್ದ ಬೃಹತ್ ಟ್ರಕ್ಗೆ ಪ್ರಯಾಣಿಕ ರೈಲು ಢಿಕ್ಕಿ
ರೈಲ್ವೇ ಹಳಿ ದಾಟುತ್ತಿದ್ದ ವೇಳೆ ಅಪಘಾತ ಪ್ರಸಂಗಗಳು ಪದೇ ಪದೇ ನಡೆಯುತ್ತಲೇ ಇದೆ. ಇಂತಹದೊಂದು ಘಟನೆಯೀಗ ವಿದೇಶದಿಂದ ವರದಿಯಾಗಿದ್ದು, ಈ ಸಂಬಂಧ ರೋಚಕ ವಿಡಿಯೋ ಬಿತ್ತರಿಸಿದೆ.
ಜೆಕ್ ಗಣರಾಜ್ಯದಿಂದ ಈ ಅಪಘಾತ ಪ್ರಕರಣ ನಡೆದಿದೆ. ಆದರೆ ಅದೃಷ್ಟವಶಾತ್ ಯಾವುದೇ ಸಾವು-ನೋವು ಸಂಭವಿಸಿಲ್ಲ.
ಅಧಿಕೃತ ಮಾಹಿತಿಗಳ ಪ್ರಕಾರ ವಾಣಿಜ್ಯ ಟ್ರಕ್ ಹಳಿ ದಾಟುತ್ತಿದ್ದ ವೇಳೆ 80 ಮಂದಿ ಪ್ರಯಾಣಿಕರನ್ನು ಹೊತ್ತುಕೊಂಡು ಬರುತ್ತಿರುವ ರೈಲು ಬಲವಾಗಿ ಢಿಕ್ಕಿ ಹೊಡೆದಿತ್ತು.
ಸರಕು ಸಾಗಾಣಿಕಾ ಟ್ರಕ್ ಆಗಿರುವುದರಿಂದ ಇಲ್ಲಿ ಸಂಭವನೀಯ ಬೃಹತ್ ಅಪಘಾತವೊಂದು ತಪ್ಪಿ ಹೋಗಿದೆ.
ಟ್ರಕ್ ಮಧ್ಯ ಭಾಗಕ್ಕೆ ರೈಲು ಢಿಕ್ಕಿ ಹೊಡೆದಿರುವ ರಭಸಕ್ಕೆ ಇಬ್ಭಾಗಗೊಂಡಿದೆ. ಘಟನೆಯಲ್ಲಿ ಟ್ರಕ್ ಚಾಲಕನಿಗೆ ಸಣ್ಣ ಪುಟ್ಟ ಗಾಯಗಳಾಗಿವೆ.
ಸಿಗ್ನಲ್ ನಲ್ಲಿ ಕೆಂಪು ದೀಪ ಉರಿಯುತ್ತಿರುವ ನಡುವೆಯೂ ಹಳಿಯಲ್ಲಿ ಬರುತ್ತಿರುವ ರೈಲನ್ನು ಲೆಕ್ಕಿಸದ ಚಾಲಕ ಟ್ರಕ್ ಜೊತೆ ಹಳಿ ದಾಟುವ ಪ್ರಯತ್ನಕ್ಕೆ ಮುಂದಾಗಿದ್ದರು.
ಮಗದೊಂದು ಮೂಲದ ಪ್ರಕಾರ ಮುಂದಿನ ಸ್ಟೇಷನ್ ಹತ್ತಿರ ತಲುಪಿರುವುದರಿಂದ ರೈಲು ತನ್ನ ಆವೇಗವನ್ನು ಕಡಿತಗೊಳಿಸಿರುವುದರಿಂದ ಅಪಘಾತದ ತೀವ್ರತೆಯು ಕಡಿಮೆಯಾಗಿದೆ ಎಂದಿದೆ.
Continue with Google