ಮುಂಬೈನಲ್ಲಿ ಲಿಮೊ ಹೋಲುವ 2 ಅಕ್ರಮ ಸ್ಕಾರ್ಪಿಯೊ ಕಾರುಗಳು ಜಫ್ತಿ

By Nagaraja

Published: Saturday, December 26, 2015, 10:13 [IST]

ಕಾನೂನು ಮೀರಿ ಓಡಿಸುತ್ತಿದ್ದ ಎರಡು ಅಕ್ರಮ ಸ್ಕಾರ್ಪಿಯೊ ಲಿಮೊ ಕಾರುಗಳನ್ನು ಮುಂಬೈ ನಗರಿಯಲ್ಲಿ ಜಫ್ತಿ ಮಾಡಲಾಗಿದೆ. ಅಮೆರಿಕದಲ್ಲಿ ಹೆಚ್ಚು ಜನಪ್ರಿಯವಾಗಿರುವ ಲಿಮೊ ಕಾರುಗಳಿಗೆ ಹೋಲುವ ರೀತಿಯಲ್ಲಿ ಸ್ಕಾರ್ಪಿಯೊ ಕಾರನ್ನು ವಿಶೇಷವಾಗಿ ಮಾರ್ಪಾಡುಗೊಳಿಸಲಾಗಿತ್ತು.

Also Read: ರೈಲು ಹಳಿಯಲ್ಲಿ ಸಿಲುಕಿದ ಲಿಮೊ ಕಾರಿಗೆ ಗೂಡ್ಸ್ ಗಾಡಿ ಢಿಕ್ಕಿ

ಈ ಸಂಬಂಧ ಎಚ್ಚೆತ್ತುಕೊಂಡಿರುವ ನವಿ ಮುಂಬೈನ ಪ್ರಾದೇಶಿಕ ಸಾರಿಗೆ ಕಚೇರಿಯ ಹೈವೈ ಸ್ಕ್ವಾಡ್ ಅಧಿಕಾರಿಗಳು ಶಿಪ್ರ ಕಾರ್ಯಾಚರಣೆ ನಡೆಸುವ ಮೂಲಕ ಗಾಡಿಯನ್ನು ಸೆರೆ ಹಿಡಿಯುವಲ್ಲಿ ಯಶಸ್ವಿಯಾಗಿದ್ದಾರೆ.

ಮುಂಬೈನಲ್ಲಿ ಲಿಮೊ ಹೋಲುವ 2 ಅಕ್ರಮ ಸ್ಕಾರ್ಪಿಯೊ ಕಾರುಗಳು ಜಫ್ತಿ

ಭಾರತೀಯ ವಾಹನ ಕಾಯ್ದೆ ಉಲ್ಲಂಘಿಸಿರುವ ಎರಡು ಸ್ಕಾರ್ಪಿಯೊ ಕಾರುಗಳನ್ನು ಕಾನೂನು ಬಾಹಿರವಾಗಿ ಲಿವೊ ಕಾರುಗಳಿಗೆ ಹೋಲುವಂತೆ ಮಾರ್ಪಾಡುಗೊಳಿಸಲಾಗಿತ್ತು.

ಬಳಿಕ ನಡೆಸಿರುವ ತನಿಖೆಯಲ್ಲಿ ವಂಶಿ ಹಾಗೂ ಅಂಧೇರಿಯಿಂದ ಜಫ್ತಿ ಮಾಡಲಾಗಿರುವ ಕಾರುಗಳು ಗುಜರಾತ್‌ಗೆ ಸೇರಿದ ಕಾರುಗಳು ಎಂಬುದು ತಿಳಿದು ಬಂದಿದೆ.

ಗುಜರಾತ್‌ನ ಎನ್‌ಡಬ್ಲ್ಯುಟಿ ಲಿಮೊ ಇಂಟರ್ ನ್ಯಾಷನಲ್ ಗೆ ಸೇರಿದ ಗಾಡಿ ಇದಾಗಿದ್ದು, ಮುಂಬೈ ಮೂಲದ ವ್ಯಕ್ತಿಯೋರ್ವರು ಪ್ರತಿ ತಾಸಿಗೆ 10,000 ರು. ಪಾವತಿಸಿ ಬಾಡಿಗೆಗೆ ಪಡೆದುಕೊಂಡಿದ್ದರು.

ಲಿಮೊಗೆ ತಕ್ಕಂತೆ ಸ್ಕಾರ್ಪಿಯೊ ವಿನ್ಯಾಸದಿಂದ ವಾಹನದ ಸುರಕ್ಷತೆ ಮತ್ತು ಸಮಗ್ರತೆಯ ಮೇಲೆ ಪರಿಣಾಮ ಬೀರುವ ಸಾಧ್ಯತೆಯಿದೆ. ಕಾರಿನೊಳಗೆ ವಿಶಿಷ್ಟ ಕ್ಯಾಬಿನ್, 31 ಇಂಚುಗಳ ಟಿವಿ, ಎಲ್ ಇಡಿ ಲೈಟಿಂಗ್ ಗಳಂತಹ ಸೇವೆ ಒದಗಿಸಲಾಗಿದೆ.