ಕೂದಲೆಳೆಯ ಅಂತರದಲ್ಲಿ ತಪ್ಪಿದ ವಿಮಾನ ದುರ್ಘಟನೆ

ರಷ್ಯಾ ಏರ್‌ಲೈನ್ಸ್‌ ಅಟೈರ್‌ಗೆ ಸೇರಿದ ಬೋಯಿಂಗ್ 767 ಇನ್ನೇನು ಲ್ಯಾಂಡಿಂಗ್ ಆಗಲಿದೆ ಎನ್ನುವಷ್ಟರಲ್ಲಿ ಅರ್ಜೈಂಟೀನಾದ ಏರೋಲೈನ್ಸ್ ಏರ್‌ಬಸ್ ಎ340 ತೊಡಕಾಗಿ ಪರಿಣಿಸಿತ್ತು.

ತನ್ನ ಮುಂದಿನ ಹಾರಾಟಕ್ಕೆ ಸಿದ್ಧತೆ ನಡೆಸುತ್ತಿದ್ದ ಏರ್‌ಬಸ್ ನಿಧಾನವಾಗಿ ರನ್ವೇಯಲ್ಲಿ ಹಾದು ಹೋಗುತ್ತಿತ್ತು. ಈ ಸಂದರ್ಭದಲ್ಲಿ ಎರಡು ವಿಮಾನಗಳು ಪರಸ್ಪರ ಮುಖಾಮುಖಿಯಾಗಿತ್ತು.

ಈ ಸಂದರ್ಭದಲ್ಲಿ ಎಚ್ಚೆತ್ತುಕೊಂಡ ಬೋಯಿಂಗ್ ವಿಮಾನದ ಪೈಲಟ್ ತಕ್ಷಣ ವಿಮಾನವನ್ನು ಮೇಲಕ್ಕೆತ್ತಿದ್ದರು. ಇದರಿಂದಾಗಿ ಸಂಭವನೀಯ ಅಪಘಾತ ತಪ್ಪಿದಂತಾಗಿದೆ.

ಪ್ರಕರಣದ ಗಂಭೀರತೆಯನ್ನು ಪರಿಗಣಿಸಿರುವ ಬಾರ್ಸಿಲೋನಾ ವಿಮಾನ ಅಧಿಕಾರಿಗಳು ಇಂತಹದೊಂದು ಅಪಘಾತ ಸನ್ನಿವೇಶ ಸೃಷ್ಟಿಯಾಗಿರುವ ಹಿಂದಿರುವ ನಿಖರ ಕಾರಣ ತಿಳಿಯುವ ಹಿನ್ನಲೆಯಲ್ಲಿ ತನಿಖೆ ಕೈಗೊಂಡಿದ್ದಾರೆ.

ತದಾನಂತರ ವಿಮಾನ ಮೇಲಕ್ಕೆತ್ತಿದ ರಷ್ಯಾ ಬೋಯಿಂಗ್ ವಿಮಾನದ ಚಾಲಕ ಸ್ವಲ್ಪ ಸಮಯದ ಬಳಿಕ ಸುರಕ್ಷಿತವಾಗಿ ಲ್ಯಾಂಡಿಂಗ್ ಮಾಡುವಲ್ಲಿ ಯಶಸ್ವಿಯಾದರು.

ಕಳೆದ ಶನಿವಾರ ಜುಲೈ 05ರಂದು ಈ ಘಟನೆ ನೆಡಿದಿದ್ದು, ಯೂಟ್ಯೂಬ್‌ನಲ್ಲಿ ಅತಿ ಹೆಚ್ಚು ವೀಕ್ಷಣೆಗೆ ಒಳಗಾಗಿದೆ.

ಈ ನಡುವೆ ಹೇಳಿಕೆ ಕೊಟ್ಟಿರುವ ಸ್ಪಾನಿಶ್ ಏರ್‌ಪೋರ್ಟ್ಸ್ ಆಂಡ್ ಏರ್ ನೇವಿಗೇಷನ್ (ಎಇಎನ್‌ಎ), ಈ ಎಲ್ಲ ಅವಾಂತರದ ನಡುವೆಯೂ ಎರಡು ವಿಮಾನಗಳಿಗೂ ಸುರಕ್ಷಿತವಾಗಿ ಹಾದು ಹೋಗುವ ಸ್ಥಳವಕಾಶ ಕಲ್ಪಿಸಿಕೊಡಲಾಗಿತ್ತು ಎಂಬ ಹೇಳಿಕೆ ಗೊಂದಲಕ್ಕೀಡು ಮಾಡಿದೆ.

ಪ್ರಾಥಮಿಕ ತನಿಖೆಯಲ್ಲಿ ವಿಮಾನ ಟ್ರಾಫಿಕ್ ಕಂಟ್ರೋಲರ್ ಎಡವಟ್ಟಿನಿಂದಾಗಿ ಇಂತಹದೊಂದು ಮುಖಾಮುಖಿ ಪ್ರಸಂಗ ಎದುರಾಗಿತ್ತು ಎಂಬ ಬಗ್ಗೆ ಮಾಹಿತಿ ಲಭಿಸಿದೆ.

ಎರಡು ವಿಮಾನಗಳ ಮುಖಾಮುಖಿ - ರೋಚಕ ವೀಡಿಯೋ ವೀಕ್ಷಿಸಿ