ವಿಶ್ವದ ಅತಿ ದೊಡ್ಡ ವಿಮಾನ ಯುರೋಪ್‌ನಿಂದ ಆಸ್ಟ್ರೇಲಿಯಾಗೆ ಐತಿಹಾಸಿಕ ಯಾತ್ರೆ

By Nagaraja

Updated: Thursday, May 12, 2016, 12:32 [IST]

ಬ್ರಿಟನ್ ನ 10 ಯುದ್ಧ ಟ್ಯಾಂಕರ್ ಗಳನ್ನು ಹೊತ್ತೊಯ್ಯಬಲ್ಲ ಹಾಗೂ ಬೋಯಿಂಗ್ 747 ವಿಮಾನಗಿಂತಲೂ ಎರಡು ಪಟ್ಟು ದೊಡ್ಡದಾದ ಅಗಲವಾದ ರೆಕ್ಕೆಗಳನ್ನು ಹೊಂದಿರುವ ವಿಶ್ವದ ಅತಿ ದೊಡ್ಡ ವಿಮಾನ ಉಕ್ರೇನ್ ನಿಂದ ಆಸ್ಟ್ರೇಲಿಯಾದತ್ತ ಪ್ರಯಾಣ ಬೆಳೆಸಿದೆ.

ವಿಮಾನಯಾನಕ್ಕೆ ಭೀತಿ ತಂದಿತ್ತ ಲೇಸರ್ ಕಿರಣ ದಾಳಿ ಪ್ರಕರಣ

ಈ ಐತಿಹಾಸಿಕ ಕ್ಷಣವನ್ನು ಬರಮಾಡಿಕೊಳ್ಳಲು ಇಡೀ ವಿಶ್ವದ ವ್ಯೋಮಯಾನ ವಿಭಾಗವು ಸಜ್ಜಾಗಿ ನಿಂತಿದೆ. ವಿಶ್ವದ ಅತಿ ದೊಡ್ಡ ವಿಮಾನವು ಪ್ರಯಾಣಿಕ ವಿಮಾನವಲ್ಲ. ಬದಲಾಗಿ ಪ್ರಮುಖವಾಗಿಯೂ ಸರಕು ಸಾಗಣೆಗಾಗಿ ಬಳಕೆ ಮಾಡಲಾಗುವುದು.

ವಿಶ್ವದ ಅತಿ ದೊಡ್ಡ ವಿಮಾನ ಯುರೋಪ್‌ನಿಂದ ಆಸ್ಟ್ರೇಲಿಯಾಗೆ ಐತಿಹಾಸಿಕ ಯಾತ್ರೆ

ಆರು ಎಂಜಿನ್ ಗಳಿಂದ ನಿಯಂತ್ರಿತ ವಿಶ್ವದ ಅತಿ ದೊಡ್ಡ ವಿಮಾನವು ಆಂಟೋನೊವ್ ಎಎನ್-225 ಮ್ರಿಯಾ (Antonov An-225 Mriya) ಎಂಬ ಹೆಸರನ್ನು ಪಡೆದಿದೆ. ಇದು 600 ಟನ್ ಗಳಷ್ಟು ಭಾರವನ್ನು ಹೊಂದಿದೆ.

ಉಕ್ರೇನ್ ನ ಗೊಸ್ಟೊಮೆಲ್ ವಿಮಾನ ನಿಲ್ದಾಣದಿಂದ ಪ್ರಯಾಣ ಬೆಳೆಸಿರುವ ವಿಶ್ವದ ಅತಿ ದೊಡ್ಡ ವಾಣಿಜ್ಯ ಜೆಟ್ ವಿಮಾನವು ಭಾನುವಾರದಂದು ಆಸ್ಟ್ರೇಲಿಯಾದ ಪರ್ತ್ ಬಂದಿಳಿಯಲಿದೆ.

ಯಾತ್ರೆ ಮಧ್ಯೆ ಭಾರತಕ್ಕೂ ಭೇಟಿ ಕೂಡಲಿರುವ 42 ಚಕ್ರಗಳ ಮ್ರಿಯಾ ವಿಮಾನ ಗುರುವಾರ ಮಧ್ಯರಾತ್ರಿ (ಇಂದು) ಬಂದಿಳಿಯಲಿದೆ. ಬಳಿಕ 20 ತಾಸುಗಳಷ್ಟು ಹೊತ್ತು ವಿಶ್ರಾಂತಿ ಪಡೆಯಲಿದೆ.

ಇಂಧನ ಮರು ತುಂಬುವುದು ಮತ್ತು ಸಿಬ್ಬಂದಿಗಳ ವಿಶ್ರಾಂತಿ ಬಳಿಕ ಹೈದಾರಾಬಾದ್ ನಲ್ಲಿ ಮತ್ತೆ ಆಸ್ಟ್ರೇಲಿಯಾದತ್ತ ಪ್ರಯಾಣ ಮುಂದುವರಿಯಸಲಿದೆ.

ವಿಶ್ವದ ಅತಿ ದೊಡ್ಡ ವಿಮಾನ ನಿರ್ಮಿಸಿರುವ ಶ್ರೇಯಸ್ಸು ಉಕ್ರೇನ್ ಗೆ ಸಲ್ಲುತ್ತದೆ. ಇಲ್ಲಿ ಎಂರಿಯಾ ಎಂಬ ಪದದ ಅರ್ಥ ಕನಸು ಎಂದಾಗಿದೆ.

ತನ್ನ ಚೊಚ್ಚಲ ಪ್ರಯಾಣದ ಹಿಂದೆ ಉದ್ದೇಶವೊಂದಿದೆ. ಯುರೋಪ್ ನ ಜೆಕ್ ಗಣರಾಜ್ಯದಿಂದ 117 ಟನ್ ಭಾರದ ಬೃಹತ್ತಾದ ಎಲೆಕ್ಟ್ರಿಕ್ ಮೈನಿಂಗ್ ಜನರೇಟರ್ ಗಳನ್ನು ಪಶ್ಚಿಮ ಆಸ್ಟ್ರೇಲಿಯಾದಲ್ಲಿರುವ ಅಲ್ಯೂಮಿನಿಯಂ ಓರ್ ಮೈನಿಂಗ್ ಸಂಸ್ಥೆಗೆ ಹಸ್ತಾಂತರಿಸಲಾಗುವುದು.

ಸಾಂಪ್ರದಾಯಿಕ ಫುಟ್ಬಾಲ್ ಮೈದಾನಗಿಂತಲೂ ಎರಡು ಪಟ್ಟು ಅಗಲವನ್ನು ಹೊಂದಿರುವ ವಿಶ್ವದ ಅತಿ ದೊಡ್ಡ ವಿಮಾನವು 88 ಮೀಟರ್ ಗಳ ರೆಕ್ಕೆ ಅಗಲವನ್ನು ಹೊಂದಿದ್ದು, 84 ಮೀಟರ್ ಗಳಷ್ಟು ಉದ್ದವನ್ನು ಪಡೆದಿದೆ.