ವಿಶ್ವದ ಹಿರಿಯ ಪೈಲಟ್‌‌ನ ವಯಸ್ಸು 95 ಸಾಧನೆ ಹಿರಿದು!

2015 ಮಾರ್ಚ್ 30ರಂದು ಪ್ಲೇಸರ್ ವಿಲ್ಲೆನಲ್ಲಿ ವಿಶ್ವದ ಹಿರಿಯಜ್ಜ ಪೀಟರ್ ನೂತನ ಗಿನ್ನೆಸ್ ದಾಖಲೆ ಬರೆದಿದ್ದು, ಗಿನ್ನೆಸ್ ಪುಟದಲ್ಲಿ ತಮ್ಮ ಸ್ಥಾನ ಭದ್ರವಾಗಿರಿಸಿದ್ದಾರೆ.

ಪೀಟರ್ ಅವರು ಹಗುರ ಭಾರದ ವಿಮಾನವೊಂದದಲ್ಲಿ ಇಂತಹದೊಂದು ಸಾಧನೆ ಮಾಡಿದ್ದಾರೆ.

ನಡೆದಾಡಲು ಸಹ ಕಷ್ಟವೆನಿಸುವ ಈ ಇಳಿ ವಯಸ್ಸಿನಲ್ಲಿ ಪೀಟರ್ ಸಾಧನೆ ಯುವಕರಿಗೆ ನಿಜಕ್ಕೂ ಸ್ಪೂರ್ತಿದಾಯಕವಾಗಿದೆ.

ಈಗ ತಮ್ಮ ಸಾಧನೆ ಬಗ್ಗೆ ಅತೀವ ಸಂತಸ ವ್ಯಕ್ತಪಡಿಸಿರುವ ವೆಬೆರ್ ತಮ್ಮ ಆತ್ಮ ವರ್ಗದಿಂದ ದೂರವಾಣಿ ಕರೆ ಹಾಗೂ ಇಮೇಲ್ ಸಂದೇಶಗಳ ಸರೆಮಾಲೆಯಾಗುತ್ತಿದೆ ಎಂದಿದ್ದಾರೆ.

ಈಗಲೂ ವಿಮಾನ ಚಾಲನೆಗಾಗಿ ಚಾಲನಾ ಪರವಾನಗಿ ಹೊಂದಿರುವ ಪೀಟರ್ ತಿಂಗಳಲ್ಲಿ ಒಂದೆರಡು ಬಾರಿ ಮಾತ್ರ ಹಾರಾಟ ನಡೆಸುತ್ತಿದ್ದಾರೆ.

ಅಂದ ಹಾಗೆ ಹಲವು ದಶಕಗಳಷ್ಟು ವಿಮಾನ ಪೈಲಟ್ ಅನುಭವವನ್ನು ಪೀಟರ್ ತಮ್ಮದಾಗಿಸಿಕೊಂಡಿದ್ದಾರೆ. ಅಷ್ಟೇ ಯಾಕೆ ಎರಡನೇ ಮಾಹಾಯುದ್ಧ ಹಾಗೂ ವಿಯೆಟ್ನಾಂ ಯುದ್ಧದಲ್ಲಿ ಹಾರಾಟ ನಡೆಸಿರುವ ಅವರು ಕೊರಿಯನ್ ಯುದ್ಧ ವಿಮಾನದ ಮಾರ್ಗದರ್ಶಕರಾಗಿ ಸೇವೆ ಸಲ್ಲಿಸಿದ್ದಾರೆ.

ಈಗ ಗಿನ್ನೆಸ್ ಪುಸ್ತಕದಲ್ಲಿ ಅಧಿಕೃತ ದಾಖಲೆ ಬರೆದಿರುವ ಪೀಟರ್ ಕಳೆದ 72 ವರ್ಷಗಳಿಂದ ಪೈಲಟ್ ಆಗಿ ದುಡಿಯುತ್ತಿದ್ದಾರೆ. ಗಿನ್ನೆಸ್ ಪುಸ್ತಕದ ಪ್ರಕಾರ ಅವರು 1943ರಲ್ಲಿ ಫ್ಲೈಟ್ ಕೇಡೆಟ್ ಆಗಿದ್ದರು.

ಅಮೆರಿಕ ವಾಯುದಳದಲ್ಲಿ ಲೆಫ್ಟಿನೆಟ್ ಕರ್ನಲ್ ಪದವಿಯನ್ನು ಆಲಂಕರಿಸಿರುವ ಪೀಟರ್ 1970ರ ಇಸವಿಯಲ್ಲಿ ಅಲ್ಲಿಂದ ನಿವೃತ್ತಿ ಪಡೆದಿದ್ದರು.

ಈಗ 95 ವರ್ಷ 143ನೇ ದಿವಸದಲ್ಲಿ ಮತ್ತೆ ವಿಮಾನ ಹಾರಿಸುವ ಮೂಲಕ ಗಿನ್ನೆಸ್ ಪುಟವನ್ನು ಸೇರಿಕೊಂಡಿದ್ದಾರೆ. ಅಲ್ಲದೆ ಇಳಿ ವಯಸ್ಸೇ ತಮ್ಮ ಈ ಸಾಧನೆಗೆ ತಮಗೆ ಸ್ಪೂರ್ತಿಯಾಗಿದೆ ಎಂದು ಹೆಮ್ಮೆಯಿಂದಲೇ ಹೇಳಿಕೊಳ್ಳುತ್ತಿದ್ದಾರೆ.

ಪೀಟರ್ ವೆಬರ್ ಜೂನಿಯರ್ ಸಾಧನೆ - ರೋಚಕ ವಿಡಿಯೋ ವೀಕ್ಷಿಸಿ