ವಿಶ್ವದ ಸಣ್ಣ ಬೈಕ್ ಮಾಡಿ ಮೋಡಿ ಮಾಡಿದ ಕನ್ನಡಿಗ

ಚಿತ್ರಲೋಕ

ಸಂತೋಷ್ ನಿರ್ಮಿಸಿದ ಮೂಷಿಕ ಬೈಕ್ ಜಗತ್ತಿನಲ್ಲಿಯೇ ಸಣ್ಣ ವಿದ್ಯುತ್ ಬೈಕಾಗಿದೆ. ಇದು ಕೇವಲ 18 ಇಂಚು ಉದ್ದ ಮತ್ತು 12 ಇಂಚು ಎತ್ತರವಿದೆಯಷ್ಟೇ. ಐದು ಕೆ.ಜಿ ತೂಕದ ಈ ಚಿಕಣಿ ಬೈಕಿನಲ್ಲಿ 70 ಕೆ.ಜಿ. ತೂಕದ ವ್ಯಕ್ತಿಗಳು ಕೂತು ರೈಡ್ ಮಾಡಬಹುದು.

ಇದು ರಿವರ್ಸ್ ಗೇರ್, ಹೆಡ್ ಲೈಟ್ ಮುಂತಾದ ಫೀಚರುಗಳನ್ನು ಹೊಂದಿದೆ. ಇದರಲ್ಲಿ ಗಂಟೆಗೆ 18 ಕಿ.ಮೀ. ವೇಗದಲ್ಲಿ ಸಾಗಬಹುದು. ಮೈಸೂರು, ಬೆಂಗಳೂರು, ಚೆನ್ನೈ ಸೇರಿದಂತೆ ದೇಶದ ಹಲವೆಡೆ ಮೂಷಿಕ ಬೈಕನ್ನು ಪ್ರದರ್ಶಿಸಿ ಮೆಚ್ಚುಗೆ ಪಡೆದಿದ್ದಾರೆ.

ಈ ಪುಟ್ಟ ಬೈಕಿನಲ್ಲಿ ಹಿಮಾಲಯ ರ‍್ಯಾಲಿ ಮಾಡಿ ಎರಡು ಲಿಮ್ಕಾ ದಾಖಲೆ ಮಾಡಿದ್ದಾರೆ. ಇಂಡಿಯನ್ ಬುಕ್ ಆಫ್ ರೆಕಾರ್ಡಿನಲ್ಲೂ ಇವರ ಸಾಧನೆ ದಾಖಲಾಗಿದೆ. ಮೂಲತಃ ಮೂಡಬಿದಿರೆಯವರಾದ ಸಂತೋಷ್ ಕಳೆದ ಕೆಲವು ದಶಕಗಳಿಂದ ಮೈಸೂರಿನಲ್ಲಿ ನೆಲೆಸಿದ್ದಾರೆ.

ಈ ಪುಟಾಣಿ ಬೈಕ್ ತಯಾರಿಸಲು ಸಂತೋಷ್ ಗೆ 6 ತಿಂಗಳು ಹಿಡಿದಿದೆಯಂತೆ. ಇದಕ್ಕೆ ತಗುಲಿದ ವೆಚ್ಚ 18 ಸಾವಿರ ರುಪಾಯಿ. ವಿಶ್ವದ ಪುಟ್ಟ ಬೈಕ್ ತಯಾರಿಸಿದ ಕನ್ನಡಿಗನಿಗೆ ಕನ್ನಡ ಡ್ರೈವ್ ಸ್ಪಾರ್ಕ್ ಕಡೆಯಿಂದ ಅಭಿನಂದನೆ.

ಅವರ ಇಮೇಲ್: [email protected]