ದೆಹಲಿ ಆಟೋ ಶೋದತ್ತ ಹ್ಯೊಸಂಗ್; ನಿಮ್ಮ ನಿರೀಕ್ಷೆ ಏನು?

ದಕ್ಷಿಣ ಕೊರಿಯಾ ಮೂಲದ ಹ್ಯೊಸಂಗ್ ದ್ವಿಚಕ್ರ ವಾಹನ ತಯಾರಕ ಸಂಸ್ಥೆಯು 2014 ದೆಹಲಿ ಆಟೋ ಎಕ್ಸ್ ಪೋದತ್ತ ಕಾಲಿಟ್ಟಿದೆ. ಈ ಪ್ರತಿಷ್ಠಿತ ವಾಹನ ಪ್ರದರ್ಶನ ಮೇಳದಲ್ಲಿ ತನ್ನ ಜನಪ್ರಿಯ ಹ್ಯೊಸಂಗ್ ಮಾದರಿಯನ್ನು ಪ್ರದರ್ಶಿಸಲಿದೆ.

ನಿಮ್ಮ ಮಾಹಿತಿಗಾಗಿ ದೇಶದಲ್ಲಿ ಹ್ಯೊಸಂಗ್ ಬೈಕ್‌ಗಳನ್ನು ಡಿಎಸ್‌ಕೆ ಮೊಟೊವೀಲ್ಸ್ ಜೋಡಣೆ ಮಾಡಲಿದೆ. ಇತ್ತೀಚೆಗಷ್ಟೇ ಡಿಎಸ್‌ಕೆ-ಹ್ಯೊಸಂಗ್ ಪಾಲುದಾರಿಕೆಯ ಒಂದನೇ ವರ್ಷಾರಣೆಯ ಅಂಗವಾಗಿ ಜಿಟಿ250 ಆರ್ ಎಲ್‌ಇ ಸಿಗ್ನೇಚರ್ ಎಡಿಷನ್ ಲಾಂಚ್ ಮಾಡಿತ್ತು.

ಇನ್ನೊಂದೆಡೆ ಎಲೆಕ್ಟ್ರಿಕ್ ವಾಹನಗಳನ್ನು ನಿರ್ಮಿಸುವುದರಲ್ಲಿ ಹ್ಯೊಸಂಗ್ ಹೆಸರುವಾಸಿಯಾಗಿದೆ. ಆದರೆ ಸದ್ಯದ ದೇಶದ ಮಾರುಕಟ್ಟೆ ಪರಿಸ್ಥಿತಿಗೆ ಹೊಂದಿಕೆಯಾಗುವುದಿಲ್ಲ. ಅಲ್ಲದೆ ಮೂಲ ಸೌಕರ್ಯ ಸಮಸ್ಯೆ ಕೂಡಾ ಎದ್ದು ಕಾಣಿಸುತ್ತಿದೆ. ಆದರೆ ಭವಿಷ್ಯದಲ್ಲಿ ಇಂತಹ ಬೈಕ್‌ಗಳನ್ನು ದೇಶದಲ್ಲಿ ನೋಡಬಹುದಾಗಿದೆ.