ಫ್ರೀಡಂ ಬೈಕ್ ರಿ ಲಾಂಚ್ ಮಾಡಲಿರುವ ಎಲ್‌ಎಂಎಲ್

ಡ್ರೈವ್ ಸ್ಪಾರ್ಕ್ ಗ್ಯಾಲರಿ

1999ನೇ ಇಸವಿಯಲ್ಲಿ ಪಿಯಾಜಿಯೊ ಜತೆ ಬಾಂಧವ್ಯ ಕಡಿದುಕೊಂಡ ಬಳಿಕ ಎಲ್‌ಎಂಎಲ್ ಮಾರುಕಟ್ಟೆಯಲ್ಲಿ ಭಾರಿ ಕುಸಿತವನ್ನು ಕಂಡಿತ್ತು. 2011-12ರ ಆರ್ಥಿಕ ಸಾಲಿನಲ್ಲಂತೂ 45.2 ಕೋಟಿ ರುಪಾಯಿಗಳ ಭಾರಿ ನಷ್ಟವನ್ನು ಅನುಭವಿಸಿತ್ತು.

ಪ್ರಸ್ತುತ 110ಸಿಸಿ ಫ್ರೀಡಂ ಬೈಕ್ ಮರು ಬಿಡುಗಡೆಗೊಳಿಸಲು ಎಲ್‌ಎಂಎಲ್ ಸನ್ನದ್ಧವಾಗಿದೆ. ಇದರ ಜತೆಗೆ 125 ಸಿಸಿ, 150ಸಿಸಿ ಹಾಗೂ ಸ್ಕೂಟರನ್ನು ಮಾರುಕಟ್ಟೆಗಿಳಿಸುವ ಮಹತ್ತರ ಯೋಜನೆಯನ್ನು ಕಂಪನಿ ಹೊಂದಿದೆ. ಈ ಎಲ್ಲ ಮಾದರಿಗಳು 2013ರ ಮಧ್ಯಂತರ ಅವಧಿಯಿಂದ ಮಾರುಕಟ್ಟೆಗೆ ಪರಿಚಯವಾಗುವ ನಿರೀಕ್ಷೆಯಿದೆ.

ಸರಕು ಸಾಗಣೆ ಬಂಡಿ...
ಏತನ್ಮಧ್ಯೆ ಹಗುರ ಭಾರದ ಸರಕು ಸಾಗಣೆ ವಾಹನವನ್ನು ಬಿಡುಗಡೆಗೊಳಿಸುವುದಾಗಿ ಕಂಪನಿ ತಿಳಿಸಿದೆ. ಈ ತ್ರಿಚಕ್ರ ವಾಹನವು ದೇಶದ ಮಧ್ಯಮ ವರ್ಗದವನ್ನು ಗುರಿಯಾರಿಸಿಕೊಂಡಿದೆ. ಪ್ರಸ್ತುತ ಎಲ್‌ಎಂಎಲ್ ಭಾರಿ ನಷ್ಟದಲ್ಲಿದೆ. ಹಾಗಾಗಿ ನೂತನ ಆವೃತ್ತಿಗಳ ಮೂಲಕ ಹಳಿಗೆ ಮರಳುವ ನಿರೀಕ್ಷೆ ಹೊಂದಿದೆ.