ರಾಜ್ಯದ ಘಟಕದಲ್ಲಿ ಹೋಂಡಾ ಸಿಬಿ ಶೈನ್ ನಿರ್ಮಾಣ

ದೇಶದ ಎರಡನೇ ಅತಿದೊಡ್ಡ ದ್ವಿಚಕ್ರ ವಾಹನ ತಯಾರಿಕ ಸಂಸ್ಥೆಯಾಗಿರುವ ಹೋಂಡಾ ಮೋಟಾರುಸೈಕಲ್ ಆಂಡ್ ಸ್ಕೂಟರ್ ಇಂಡಿಯಾ (ಎಚ್‌ಎಂಎಸ್‌ಐ), ತನ್ನ ಜನಪ್ರಿಯ ಸಿಬಿ ಶೈನ್ ಆವೃತ್ತಿಗಳನ್ನು ಕರ್ನಾಟಕದ ಘಟಕದಿಂದ ಮಾರುಕಟ್ಟೆಗೆ ಹೊರಬಿಡಲಿದೆ.

ಹೋಂಡಾ ಪಾಲಿಗೆ ಅತ್ಯಂತ ಯಶಸ್ಸು ತಂದುಕೊಟ್ಟಿರುವ ಮಾದರಿಗಳ ಪೈಕಿ ಸಿಬಿ ಶೈನ್ ಪಾತ್ರ ಮಹತ್ವದ್ದು. ಪ್ರಸ್ತುತ ಬೆಳೆದು ಬರುತ್ತಿರುವ ಬೇಡಿಕೆಯನ್ನು ಗಮನಿಸಿರುವ ಹೋಂಡಾ, ಬೆಂಗಳೂರಿನ ಹೊರವಲಯದಲ್ಲಿ ಸ್ಥಿತಗೊಂಡಿರುವ ನರ್ಸಾಪುರ ಘಟಕದಿಂದಲೂ ಸಿಬಿ ಶೈನ್ ಹೊರಬಿಡಲು ಯೋಜನೆ ಹಮ್ಮಿಕೊಂಡಿದೆ.

ವಾರ್ಷಿಕವಾಗಿ 12 ಲಕ್ಷ ಯುನಿಟ್ ಉತ್ಪಾದನಾ ಸಾರರ್ಥ್ಯ ಹೊಂದಿರುವ ರಾಜ್ಯದ ಹೋಂಡಾ ಘಟಕದಲ್ಲಿ ಡ್ರೀಮ್ ಸಿರೀಸ್ ಮತ್ತು ಆಕ್ಟಿವಾ ಸ್ಕೂಟರ್‌ಗಳು ನಿರ್ಮಾಣವಾಗುತ್ತದೆ.