ಸುಜುಕಿ ಜಿಕ್ಸರ್ 250 ಸಿಸಿ ಬೈಕ್ ಭಾರತಕ್ಕೆ?

ಜಿಕ್ಸರ್ 150 ಸಿಸಿ ಶ್ರೇಣಿಯ ಬೈಕ್ ಗಳ ಯಶಸ್ಸಿನ ಬಳಿಕ ಮತ್ತಷ್ಟು ಪುಳಕಿತಗೊಂಡಿರುವ ಜಪಾನ್ ಮೂಲದ ಪ್ರಖ್ಯಾತ ದ್ವಿಚಕ್ರ ವಾಹನ ತಯಾರಿಕ ಸಂಸ್ಥೆಯಾಗಿರುವ ಸುಜುಕಿ, ಭಾರತದಲ್ಲಿ ನೂತನ ಸುಜುಕಿ ಜಿಕ್ಸರ್ 250 ಸಿಸಿ ಬೈಕ್ ಬಿಡುಗಡೆ ಮಾಡುವ ಯೋಜನೆ ಹೊಂದಿದೆ.

ಕ್ರಾಂತಿಕಾರಿ ಮೊಟೊ ಜಿಪಿ ಬೈಕ್‌ನ ವಿನ್ಯಾಸ ಹಾಗೂ ಸುಜುಕಿ ಇಕೊ ನಿರ್ವಹಣೆ (ಎಸ್‌ಇಪಿ) ತಂತ್ರಜ್ಞಾನವು ಜಿಕ್ಸರ್ ಹಾಗೂ ಜಿಕ್ಸರ್ ಎಸ್ ಎಫ್ ಯಶಸ್ಸಿನಲ್ಲಿ ನಿರ್ಣಾಯಕ ಪಾತ್ರ ವಹಿಸಿತ್ತು. ಅಲ್ಲದೆ ಹಲವಾರು ಮೂಲಗಳಿಂದ ಪ್ರಶಸ್ತಿಗಳನ್ನು ಬಾಚಿಕೊಂಡಿತ್ತು.

ಆರಂಭದಲ್ಲಿ ನೆಕ್ಡ್ ಸ್ಟ್ರೀಟ್ ಫೈಟರ್ ಪರಿಚಯಿಸುವುದು ಸುಜುಕಿ ಯೋಜನೆಯಾಗಿದೆ. ಬಳಿಕ ಜಿಕ್ಸರ್ 250 ಮಾದರಿಯು ರಸ್ತೆಗಿಳಿಯಲಿದೆ.

ನಿಮ್ಮ ಮಾಹಿತಿಗಾಗಿ, ಈ ಹಿಂದೆ ಇನಾಝುಮಾದಲ್ಲಿ 250 ಸಿಸಿ ಪ್ಯಾರಲನ್ ಟ್ವಿನ್ ಸಿಲಿಂಡರ್ ಎಂಜಿನ್ ಪರಿಚಯಿಸಲಾಗಿತ್ತು. ಆದರೆ ಭಾರತೀಯ ಮಾರುಕಟ್ಟೆಯಲ್ಲಿ ಅಷ್ಟೇನೂ ಯಶ ಕಂಡಿರಲಿಲ್ಲ.