ನೈಜ ಡುಕಾಟಿ ಪ್ಯಾನಿಗಾಲೆ ಸೂಪರ್ ಬೈಕನ್ನು ಹೋಲುವ ಬೆನೆಲ್ಲಿ ಬೈಕ್

ಇಂತಹ ಹಲವಾರು ಸುದ್ದಿಗಳನ್ನು ನಾವು ಈಗಾಗಲೇ ವರದಿ ಮಾಡಿರುತ್ತೇವೆ. ಇದಕ್ಕೊಂದು ಹೊಸ ಸೇರ್ಪಡೆ ಬೆನೆಲ್ಲಿ ಟಿಎನ್ ಟಿ300 ಬೈಕಾಗಿದೆ.

ಇಲ್ಲಿ ಬೆನೆಲ್ಲಿ ಟಿಎನ್ ಟಿ300 ಬೈಕನ್ನು ಇಟಲಿಯ ಐಕಾನಿಕ್ ಡುಕಾಟಿ 899 ಪ್ಯಾನಿಗಾಲೆ ಬೈಕಾಗಿ ಪರಿವರ್ತಿಸಲಾಗಿದೆ. ಪ್ರಸ್ತುತ ವಿನ್ಯಾಸವು ಅಚ್ಚೊತ್ತಿದ್ದಂತಿದ್ದು ಬದಲಾವಣೆಗಳನ್ನು ಮನಗಾಣುವುದು ಕಷ್ಟಸಾಧ್ಯವೆನಿಸಿದೆ.

ಅಂದ ಹಾಗೆ ವಿಯೆಟ್ನಾಂದಿಂದ ಈ ಬೈಕ್ ಚಿತ್ರಗಳು ಹೊರ ಬಿದ್ದಿವೆ. ಎಂಜಿನ್, ಸ್ವಿಂಗ್ ಆರ್ಮ್ ಎಲ್ಲವೂ ಟಿಎನ್ ಟಿಗೆ ಸಮಾನವಾಗಿದೆ.

ಬೆನೆಲ್ಲಿ 300 ನೆಕ್ಡ್ ದೇಹಕ್ಕೆ ಇಟಲಿಯ ವಿಶ್ವ ವಿಖ್ಯಾತ ಸೂಪರ್ ಬೈಕ್ 899 ಪ್ಯಾನಿಗಾಲೆ ವಿನ್ಯಾಸವನ್ನು ಕಲ್ಪಿಸಿಕೊಡಲಾಗಿದೆ.

ಇಲ್ಲಿ ಡುಕಾಟಿ ತರಹನೇ ಕಾಣಿಸುವ ನಿಟ್ಟಿನಲ್ಲಿ ನೈಜ ಡುಕಾಟಿ ಮಾದರಿಯಿಂದಲೇ ಹೆಡ್ ಲ್ಯಾಂಪ್ ಮತ್ತು ಇಂಧನ ಟ್ಯಾಂಕ್ ಗಳನ್ನು ಆಮದು ಮಾಡಲಾಗಿದೆ.

ಹಿಂಭಾಗ ಮತ್ತು ಸೀಟುಗಳು ಸಹ ಪ್ಯಾನಿಗಾಲೆ ನೈಜ ಬಿಡಿಭಾಗದಿಂದ ಬದಲಾಯಿಸಲಾಗಿದೆ. ಇನ್ನು ಡುಕಾಟಿ ಲಾಂಛನವನ್ನು ಕಾಪಾಡಿಕೊಂಡಿದೆ.

ಆದರೆ ನಿರ್ವಹಣೆ ವಿಚಾರಕ್ಕೆ ಬಂದಾಗ ಹಿಂದೆ ಬಿದ್ದಿದೆ. ಯಾಕೆಂದರೆ ಬೆನೆಲ್ಲಿ ನಲ್ಲಿರುವ 300 ಸಿಸಿ ಪ್ಯಾರಲೆಲ್ ಟ್ವಿನ್ ಲಿಕ್ವಿಡ್ ಕೂಲ್ಡ್ ಎಂಜಿನ್ ನಿಂದ ನಿಯಂತ್ರಿಲ್ಪಡಲಿದ್ದು, 38 ಅಶ್ವಶಕ್ತಿಯನ್ನು ಉತ್ಪಾದಿಸಲಿದೆ.

ಇನ್ನೊಂದೆಡೆ ಅತ್ಯಂತ ಶಕ್ತಿಶಾಲಿ 899 ಸಿಸಿ ಎಲ್ ಟ್ವಿನ್ ಸಿಲಿಂಡರ್ ಎಂಜಿನ್ ನಿಂದ ನಿಯಂತ್ರಿಸಲ್ಪಡುವ ಡುಕಾಟಿ 899 ಪ್ಯಾನಿಗಾಲೆ ಬರೋಬ್ಬರಿ 146.1 ಅಶ್ವಶಕ್ತಿಯನ್ನು ಉತ್ಪಾದಿಸುತ್ತದೆ.