ಸ್ಯೂಟ್ ಕೇಸ್ ನಷ್ಟೇ ಕಿರಿದಾದ ಸ್ಕೂಟರ್ ನಲ್ಲಿ ಸೂಪರ್ ಸವಾರಿ!

By Nagaraja

Published: Thursday, August 25, 2016, 12:43 [IST]

ವಾಹನ ಜಗತ್ತಿನಲ್ಲಿ ಕ್ರಾಂತಿಕಾರಿ ತಂತ್ರಜ್ಞಾನಗಳ ಅವಿಷ್ಕಾರವು ನಿರಂತರ ಜಾರಿಯಲ್ಲಿದೆ. ಇದಕ್ಕೊಂದು ಹೊಸ ಸೇರ್ಪಡೆ ಸ್ಯೂಟ್ ಕೇಸ್ ನಷ್ಟೇ ಕಿರಿದಾದ ಓಡ್ ಬಾಲ್ ಸ್ಕೂಟರ್‌ನ ಆಗಮನವಾಗಿದೆ. 2012ನೇ ಇಸವಿಯಲ್ಲೇ ಈ ಯೋಜನೆಯನ್ನು ಬಾಕ್ಸ್ ಕೈಗೆತ್ತಿಕೊಂಡಿತ್ತಾದರೂ ಈಗಷ್ಟೇ ನಿರ್ಮಾಣ ಹಂತವನ್ನು ತಲುಪುತ್ತಿದೆ.

ಎರಡು ಚಕ್ರಗಳ ಬಾಕ್ಸ್ (Boxx) ವಿದ್ಯುತ್ ಚಾಲಿತ ಸ್ಕೂಟರನ್ನು ಭವಿಷ್ಯದ ಸಂಚಾರ ವಾಹಕವೆಂದು ಪರಿಗಣಿಸಲಾಗುತ್ತಿದೆ. ಇದು ಟ್ರಾಫಿಕ್ ಸೇರಿದಂತೆ ಹಲವಾರು ಸಮಸ್ಯೆಗಳಿಗೆ ಪರಿಹಾರವಾಗಲಿದೆ. ಆದರೂ ಎಷ್ಟರ ಮಟ್ಟಿಗೆ ಯಶ ಸಾಧಿಸಲಿದೆ ಎಂಬುದನ್ನು ಕಾದು ನೋಡಬೇಕಿದೆ.

ಸ್ಯೂಟ್ ಕೇಸ್ ನಷ್ಟೇ ಕಿರಿದಾದ ಸ್ಕೂಟರ್ ನಲ್ಲಿ ಸೂಪರ್ ಸವಾರಿ!

ಕೇವಲ ಒಂದು ಮೀಟರ್ ಮಾತ್ರ ಉದ್ದವನ್ನು ಹೊಂದಿರುವ ಬಾಕ್ಸ್ ಸ್ಕೂಟರ್ ನೋಡಲು ಆಕರ್ಷಣೀಯವೆನಿಸಿಕೊಂಡಿದೆ.

ಇದನ್ನು ಒಮ್ಮೆ ಚಾರ್ಜ್ ಮಾಡಿಸಿದ್ದಲ್ಲಿ 97 ಕೀ.ಮೀ. ವರೆಗೂ ಚಲಿಸಬಹುದಾಗಿದ್ದು, ಅತ್ಯಂತ ಪ್ರಭಾವಶಾಲಿ ಎನಿಸಿಕೊಂಡಿದೆ.

ಎಲ್ಲ ಪರಿಸ್ಥಿತಿಯಲ್ಲೂ ಬಿಗಿತ ನೀಡುವಂತಹ ಆಲ್ ವೀಲ್ ಚಾಲನಾ ವ್ಯವಸ್ಥೆಯ ಚಕ್ರಗಳನ್ನು ಜೋಡಣೆ ಮಾಡಲಾಗಿದೆ.

ಇನ್ನು ಗಂಟೆಗೆ ಗರಿಷ್ಠ 87 ಕೀ.ಮೀ. ವೇಗದಲ್ಲಿ ಸಂಚರಿಸುವ ಸಾಮರ್ಥ್ಯವನ್ನು ಹೊಂದಿರುತ್ತದೆ.

ತ್ರಿ ಫೇಸ್ ಬ್ರಶ್ ಲೆಸ್ ಮೋಟಾರು ಎಂಜಿನ್ ನಿಂದ ನಿಯಂತ್ರಿತ ಸ್ಕೂರ್ ಗರಿಷ್ಠ 111 ಎನ್ ಎಂ ತಿರುಗುಬಲವನ್ನು ನೀಡಲಿದೆ.

ಮುಂದುಗಡೆ ವೃತ್ತಕಾರದ ಹೆಡ್ ಲೈಟ್, ಹ್ಯಾಂಡಲ್ ಬಾರ್ ಹಾಗೂ ಮಾಹಿತಿಗಾಗಿ ಡಿಜಿಟಲ್ ಇನ್ಸ್ಟುಮೆಂಟ್ ಸೇವೆಯನ್ನು ಕೊಡಲಾಗಿದೆ.

ಆರು ಇಂಚುಗಳ ಗ್ರೌಂಡ್ ಕ್ಲಿಯರನ್ಸ್ ಕಾಪಾಡಿಕೊಂಡಿರುವ ಈ ಸ್ಕೂಟರ್, ಮೂರು ಆವೃತ್ತಿಗಳಲ್ಲಿ ಲಭ್ಯವಿರುತ್ತದೆ. ಅವುಗಳೆಂದರೆ ಬಾಕ್ಸ್ ಇ, ಬಾಕ್ಸ್ ಮತ್ತು ಬಾಕ್ಸ್ ಎಂ ಆಗಿವೆ.

ಈ ಪೈಕಿ ಬಾಕ್ಸ್ ಇ 32 ಕೀ.ಮೀ. ವ್ಯಾಪಿ ಹಾಗೂ ಗಂಟೆಗೆ ಗರಿಷ್ಠ 45 ಕೀ.ಮೀ. ವೇಗವನ್ನು ಕಾಪಾಡಿಕೊಳ್ಳಲಿದೆ. ಇನ್ನೊಂದೆಡೆ ಬಾಕ್ಸ್ ಮಾದರಿಯು 64 ಕೀ.ಮೀ. ಗಳ ವ್ಯಾಪ್ತಿ ಹಾಗೂ ಗಂಟೆಗೆ 56 ಕೀ.ಮೀ. ವೇಗವನ್ನು ಪಡೆಯಲಿದೆ. ಕೊನೆಯದಾಗಿ ಬಾಕ್ಸ್ ಎಂ 86 ಕೀ.ಮೀ. ವ್ಯಾಪ್ತಿ ಹಾಗೂ ಗಂಟೆಗೆ 87 ಕೀ.ಮೀ. ವೇಗದಲ್ಲಿ ಚಲಿಸಲಿದೆ.